Gamthip gam alhun jouvun, Pathenin amite chu lhumlam gamkaiyah apuiyin –gamtep gam lampi jotna toh kitohlou beh ahin, hichu adatmolheh jenguve. Ajotnau mun alhun masanga uva amaho hi goulo ding dan phatah a ajil them masat uva, chuleh kivaihomna leh chondan khandan ho athep masat ngai uve tihi Pathenin ahetsa ahi. Hitichun Sinai moul lam jongin akitolun, Pathenin angaichat jouseu ape jinge. Agilkiel tenguleh, Pathenin vana konin changlhah apei. Twi adangchah tenguleh Pathenin songpi leh vachalah akonin twi alondoh sah e. Melmatea kona douna ato atengu jongle, Pathein kidangtah in jona apejin ahi.

Ajonakeiyin, Israel chate chu moulsang theng noiya chu akicholnga tauve. Hichea chun Pathenin masanga abolngailou beh khat ahinbol tai. Israal nam pumpi henga Pathenin akitepna – Thusom chu ahin phongdoh tai. Awging tah’a Pathenin adanthu aseijouvin, Moulsang chunga hung dingin Mose chu akouvin thusom kijihna song pheng teni lading in apuitai. Chukalval in jong Pathenin thildang khat jong apei. Moulsang chunga Pathen toh ni 40 leh jan 40 aum sungin, Mose in Pathen houbuh asahna ding alim agoung kichentah in Pathenin avetsah in chuleh apetan ahi. Hiche chu vana Pathen chenna houbuh tahbeh lim leh goung neocha kisem ahi. Hiche lim hin thil thum akodoh aumin hichu Pathen in vannoi leiset mihemte ahuhdohna dinga tohgon lenpen ahi.

SIM DING

Bible hohi sim cheh inlang a onglai sudim in.

1. Pathenin Mose koma ipi nasah ding ahi ati em, chuleh ipijeh ham?

Potdohbu 25:8 Chutengleh Israel mite lailunga __________ theina dingin keima din __________ khat semsah-in.

2. Pathenin ahoubuh theng akon leh houbuh natoh naa kona amiten ipi ajildoh ding hi kinepna anei ham?

Labu 77:13 Vo Pathen, Nangma __________ chu athengin ahi, Eiho Pathen banga loupi chu itobang pathen umam?

NOTE: Pathen lampi ahilouleh huhhingna lampi hi leiset a Pakai houbung theng sunga kimu ahi. Houbung sunga thilkeo um kikoi jouse chuleh Ama houna toh kisamkai jouse hi Jesu in eiho huhhingna dinga ipiham khat vetsahna/tekahna hisohkei ahi. Huhhingna lampi kiti hi houbuh leh anatoh ipi ahi ihetchet takahsea bulhingkeiya kihejou lou ahi. Ajeh chu houbuh hi huhhingna lampi muchen theina 3-D lim toh thakhat ahi.

3. Mose in houbuh lim kigoundan (Blueprints) hi hoiya alah doh ham?

Potdohbu 25:40 Ve-tan, hicheng hi aboncha, __________ chunga __________ kigongsa nakivetsah bang banga chu nasem ding ahiye.

NOTE: Houbung alim kigoundol, akisah ding aning akah jouse chu, Pathenin Sinai moulsang a Mose anapeh ahi (Hebrew Mite 8:5). Hiche hi van a Pathen houbuh tahbeh alim neocha vetsahna ahi.

Houbuh masa pen a kisa hi ponbuh tobang mai mai ahi, adung avai, alet aneo dan (15 feet by 45 feet, based on an 18-inch cubit). Hiche sunga hi Pathen loupina chenga chuleh natohna thupitah tah umji ahi. A-inn bang ho chu thinggi thing kimanga dangka thih a abilhom kibol a apo-thol chu sana a kiloijol ahi (Potdohbu 26:15-19, 29). Achungkhu chu pondal thopli kibol ahi –topat ponnem, kelcha vun, kelchal vun toh kelngoichal vun julnemsa kibol ahi (Verse 1, 7, 14). Houbuh hi pindan nia kikhen ahi: Muntheng (15 ft by 30 ft), chuleh muntheng chungnung (15 ft by 15 ft) ahi. Achunga lim chu ve in.

4. Aleitol a chu ipi thilkeo kikoi em?

A. Potdohbu 29:18 Hita chu kelngoi chal sa apumpia chu maicham chunga nagovam ding ahi; hiche hi Pakaiya pumgo thilto ahin, agimnam lung lhaisah na ding, Pakai dinga __________ __________ thilto ahiye.

B. Potdohbu 30:18 “Nangman __________ dingin sum-eng kong khat semin lang chule atunna ding jong chu sum-eng ma ma nasem ding ahi. Chule hiche sum-eng kong chu kikhopna ponbuh le maicham kikah a naluiya, asunga chu twi nasun dim ding.”

NOTE: Pumgo thilto maichai (Potdohbu 27:1-8) hi gancha kithoina ahi. Hiche hi houbuh leitol a pamlama kona hunglutna kelkot maichet a kisem ahi. Hiche hin Jesu Christa thingpel avetsah ahi. Pumgo thilto dinga kipedoh gancha chun Jesu Christa kiphalthengna khonteh avetsah kit ahi,(John 1:29). Sum-eng kong (Potdohbu 30:17-21; 38:8) hi kisilna kong lentah ahin, pumgo thilto maicham leh houbuh sung lutna kelkot kikah a kiluiya ahi. Hichea chu thempu hon gancha athoi masang leh houbuh alut masanguva khut leh keng akisil jiu ahi. Twi chun baptisma avetsah ahi, chonset akon kisuhthengna leh penthahna ahi.

5. Muntheng sunga um thilkeo chithum hochu ipi ham?

A. Minbu 4:7 Chu jongle kilhaina dokhang chunga chu amahon pondum khat aphauva, pon aphanau chunga chu kong ho jong alui-yuva, gimnamtui halna lheng ho jong atun diu, khon chengse jong agol’uva, lengpitwi donthei thilto jong chu akilhitna ding puma akoiyuva, hiche __________ chungma maa chu abeithei louhela kitoh-doh jing jeng __________ thilto jong chu um ding ahi.

B. Minbu 8:2 “Aaron jah a seipeh-in lang ajah a hitin seiyin, ‘Nangman thaomei ho nadet tengleh thaomei sagi chun thaomei khom mai __________ asalvah dingu ahi,’ tin seipeh tan,” ati.

C. Potdohbu 30:1 “Nangman achunga __________ kihalnam jingna ding __________ na semdoh ding, hiche maicham chu thinggi thing nasuiya nasem ding ahi.”

NOTE: Changlhah thilto (Potdohbu 25:23-30) chun Jesu Christa avetsah ahi, Ama chu hinna changlhah ahi (John 6:51). Thaomei khom sagi hohi (Potdohbu 25:31-40) Jesu Christa vetsahna ma ahikit e, Ama chu vannoi vah ahi (John 9:5; 1:9). Thaotwi yin avetsah chu ahikit leh lhagao theng ahi (Zechariah 4:1-6; Thuphon 4:5). Gimnamtui halna maicham (Potdohbu 30:1 8) in avetsah chu Pathen mite taona ahi (Hebrew Mite 5:7).

6. Muntheng chungnung pen a thilchombeh khat um chu ipi ham?

Potdohbu 26:34 Chutah le nangman muntheng chungnungpen sunga kikoi hettohsahna __________ chunga chu hepi touna chu nadopeh ding ahi.

NOTE: Muntheng chungnungpen a thilkhat umsun (Potdohbu 25:10) chu hettohsahna thingkong bou ahi, thinggi thinga kisuiya sana twi a kiloijol ahi. Chuleh Among lang tenia chu sana cherub ni kisem ahi. Thingkong akhuna chu hepi touna akitie (Potdohbu 25:17-22), hiche chunga chu Pathen loupina kilang jia ahi, hiche chun van houbuh a Pathen laltouna avetsah kit ahi, hiche jeh a chu vantil teni kikah kikoi ahi (Labu 80:1; Isaiah 6:1, 2).

7. Thingkong sunga chu ipi um ham?

Potdohbu 25:21 Chule nangman thingkong chungvuma chu hepi touna nadoa, chutengleh keiman nangma kapeh ding __________ chu thingkong sunga chu nakhum ding.

Danbu Ni Na 10:4, 5 Hichun Pakaiyin amasa kisun tobang bangin song pheng te ni chunga chun asundoh in ahi, athu kisun ho chu khoppi len kikhop nikhoa molsang chunga meikong san laiya Pakaiyin nang ho jah a anaseisa __________ kipe chengse chu anahi; Pakaiyin hicheng thu kisun ho hi keima eipetan ahi. Chujouvin kei jong kakiheiyin molsang chunga konin kahung kumsuh pai paiyin, kasemsa thingkong __________ chun song pheng te ni chu kakoitai; Pakaiyin keima eithupeh bang bangin asong pheng te ni chu thingkong sunga aum lhontai.

NOTE: Pathenin akitepna chu song pheng nia ama khutjung ngeiya ajih a, hichu thingkong sunga kikoi ahi. Thingkong chungah hepi touna akikoiyin, hichun avetsah chu ahileh itihlai hijongleh Pathen miten achonset aphon uva akilehei laiseuva (Thuchih Bu 28:13), hepi touna chunga thempu hon thisan athe jiuva kona Pathen hepina chu um jing ding ahi (Thempu Dan 16:15, 16). Hiche thisan chun Jesu Christa thisan avetsah a miho chonset ngaidam leh suhthengna avetsah ahi (Matthew 26:28; Hebrew Mite 9:22).

8. Ipijeh a kitepna lui houbuh a chu gancha a kithoina ngaiyah ham?

Hebrew Mite 9:22 Danthu dungjuiya chu ima jouse aboncha thisana suh theng soh himaiya ahi, chule __________ louva ngaidamna um lou ahi.

Matthew 26:28 Ijeh-inem itile hiche hi chonset __________ __________ dinga mi tamtah dinga kisodoh kitepna kathisan ahi.

NOTE: Mihemten thingpel a Jesu Christa thisanso louva, chonset ngaidamna aumtheipoi tihi ahettheina dinga gancha a kithoina hi avetsahna aloutheilouva anakibol ahi. Gahhet dinga chu chonset man chu thina ahi. Ahileh mijouse hi chonsea ihijeh uva chu, a athi dinga lom ngen ihitauve–Jesu christa in hinna eipehhih uhenleng chonset jeh a ikhel uva hung thilou hileh athi ding chu ihitauve. Michonsepa chun ama kithoina ding gancha ahinkaiyin chuleh akhuttah in athat jie (Thempu Dan 1:4, 5). Gancha athia athisan lon vetchu thilhahsa tah ahi, hiche chun chonset jeh a Jesu athi dan avetsah ahi. Hijeh a chu, amaho chun thingpel galdot puma hichu ahinbol u ahi, amavang eihon isochat nadiuva thingpel chu inung galdot kit u ahi. Hiche tilou hi sochatna thei lampi aumtapoi.

9. Chonset jeh a gancha akithoi tengleh, chonset chu ipity ji em?

Thempu Dan 1:4, 5 Agancha tohpa chun apumgo thilto luchanga chu akhut angap’a, athilto chu ama __________ __________ dinga kisanpeh ding ahiye. Chutengle aman bongchal chu Pakai angsunga atha ding, Aaron chapate thempu ho chun athisan chu Pakai henga atouva, kikhopna ponbuh kotpi phungbula kitung maicham mai ageigol gola chu athe khum dingu ahi.

NOTE: Chonsepa chun gancha luchunga khut angap’a chuleh achonsetna aphon tengleh, achonsetna chu amachunga kona kilamang ahitai tihi vetsahna ahi. Hiche tengleh chu gancha chunga thenmona chua thina chang ding ahitai. Hiche hin eiho chonsetna Jesu in apotai tichu vetsahna ahi.

10. Houbung khoppi ho dinga gancha kithoina akibol tengleh, chonsetna chu itiji em?

Thempu Dan 4:17 Hichele chun thempupan akhut jung athisan lah a chu adekot’a __________ maiya chu Pakai ang-sung tah a sagi veijen athisan chu __________ khum khum jeng ding ahi.

NOTE: Thempu chun houbung pondal maiya chu thisan athekhum khum ji ahi, hitia chu mipi chonsetna chu alahmanga houbuh a chu apohlut ahidan vetsahna ahi. Jesu athijouva van akal chun, Jesu mina chonset iphon hou akingaidamtai tichu vetsahna dingin aman athisan achoiye (thempu lui hon abolji bangin) 1John 1:9.

11. Jesun eiho dinga houbuh natohnaa vetsahna thilni asuhbulhit chu ipi ham?

1 Corinth Mite 5:7 Tua nangho cholsolou nahi bangu chun changbong lum thah nahina dingun chollui chu then ngimun paidoh un. Ijeh-inem itile __________ kut satha dingun Christa tah chu akithattan ahi.

Hebrew Mite 4:14 Van ho chengse jotpaiya chea Pathen Chapa Jesu __________ __________ inei jeh-u chun itahsan iphonu hi hatuh det jingu hite.

NOTE: Jesu Christa hi eiho chonset khel a kipedoh leh van a thempu chungnung ineiyu chu ahi, hijeh a chu eiho dinga thilni abulhit tai. Amsapen chu penthahna, hinkho kikhel thengsetna ahi, phatchesa chonsetna jouse kiselmang ahitai (John 3:3-6; Rome Mite 3:25). Anina chu ahileh tu leh khonunga dinga hinkho manthem dan ahi (Titus 2:14; Philippi Mite 2:13). Hihce teni hin mihem khat achonphatsah ahi, hichun amale Pathen kikah a kiguijopna dihtah aneisah ahi. Eima natoh vang leh chonphat vang jeh a mikhat sochatna ding lampi umtheiloubeh ahi, ajeh chu chonphatna kitihi lungsetna vanga bou kimu ahin, hichu Jesu bouvin apehthei ahi (Solchahte 4:12). Hiche hi tahsan vanga chonphatna chu ahin, chonphatna lamdih bou chu ahi.

12. Jesu Christa jal chonpha ihinau thutoh kisaiya Bible in eiho dinga kinepna gup asei chu ipi ham?

A. Aman phatchesa chonset ho aselmanga thenmona neilouva eikouyu ahi
(Isaiah 44:22; 1 John 1:9)

B. Jesu in Pathen lim leh mel a eithahsem nom u ahi (Rome Mite 8:29)

C. Jesu Pathen lunglam bolnom leh thanopna eipeh uve (Philippi Mite 2:13)

D. Jesu in Pathen lunglhaina thilho bou eibolsah ding ahi (Hebrew Mite 13:20, 21; 1 John 3:22)

E. Aman eiho thina ding chu ama chonsetna neilou hinkho toh eilheh peh uvin chuleh ahung in eiho din ahung thi e (2 Corinth Mite 5:21)

F. Jesun ama ahungkit tahkahsea tahsan umtah ihina diuvin na itohpeh jinguve (Philippi Mite 1:6; Jude 24)

NOTE: Jesu In hiche kitepna jouse hi nang hinkhoa bulhit ding atisohkei ahi. Nang nakigot hitam? Tuhin dilsu inlang Ama nahinkho apuina dingin thumin. Aman nadalhah lou ding ahi.

13. Mikhat chun chonphatna dinga amaa kona abol ding thil um em?

Matthew 7:21 “Pakai, Pakai eiti chan chu van gama lut ding ahipoi; koi hileh van a um ka-Pa __________ __________ bolpa bou chu lut ding ahi.”

NOTE: Henge, eiman ibol ding chu ahileh ilung iheiya Jesu ichunga vai homsah dingchu ikin ahi. Ihinkho pumpi pui dinga ama chunga ikingaplhah jeng ding ahi. Mitamtah hin Pakai Pakai itipouleh kisocha jeng ding dan in agel tauve, anun akhan dan kivettalou. Ahinlah hitobang tahsan hi thina ahin adihpoi (Matthew 7:14).

14. Kithoidam nikho tengleh ipitiji em?

Thempu Dan 16:30 Ijeh-inem itileh hiche nikho chuleh nang ho __________ __________ dinga nachunguva kithoidamna kibol ding ahin; Pakai angsunga chu nang ho nachonset chengseuva kona nakisutheng diu ahiye.

NOTE: Kithoidamna nikho kiti hi thutanna nikho loupitah kumseh a Israelten khatvei ananit jiu ahi (Thempu Dan 23:27). Hichea chu chonsetna jouse kiphon jia adalhah jiu ahi. Koihijongle chutia bolnom lou jouse chu Isreal phungle chang akona kipaimanga aimatih geiya mangthah ji ahitai (Verse 29). Hiche nikhoa hin kelcha ni akikaidoh jie. Khat chu Pathen kelcha ahin, khat chu Azazel a ahi, hichu satan vetsahna ahi (Thempu Dan 16:7, 8). Pakai kelcha chu akithat in mipi ho chonset thoidamna ahitai (verse 9). Hiche athisan chu muntheng chungnungpena akichoilutjin hepi touna maiya chu thempu pan agathekhumjin ahi (verse 14). Hiche thisan kithekhum chu (Jesu kithoina vetsahna ahi) Pathenin asangin, chuleh mipi ho chonset phondoh chu houbung akonin thempu pa chunga achuji tai. Chutengleh aman chonsetna chu Azazel kelcha chunga achonpheikit in, gamthip gama kelcha chu agalha mangjiuve (Verse 16, 20, 22). Hitobang
natohna chun, kumseh leh mipi hon achonset thoina diuva houbuh sunga thisan athekhum jiuchu suhtheng anahiji ahi.

15. Ahileh masanglaiya kithoidamna nikho chun van houbuh jong suhthenga aum ding anavetsah peh ham?

Hebrew Mite 9:23 Hichejeh chun hichenga chu vana thil lima um chu hitia hi suh theng dingdol mong ahi, van thil tah tah ho vang chu chucheng sanga longlhenna __________ __________ a suh theng dingdol thu ahi.

NOTE: Henge avetsah e! Hiche kithoidamna nikho chun eiho chonsetna Jesu in asuhtheng vetsahna ahi, ama chu van houbuh a thempu chungnungpen ahitai. Ama amite dingin taona aneiyin koihileh amathisanso najal tahsanna neichan chu achonsetna thehngimpeh dingin akigo jenge. Malai Israelte kithoidamna nikho, tulaiya Yom kippur hi, leiset a dinga thoidamna nikho nukhahpen vetsahna chu ahijenge. Thoidamna nunungpen chu thutanna nukhahpen ahinlhun sah ding ahitai, hiche chun chonsetna jeh a lung-opkaina leh boina jouse atonsot a dinga asuhbei ding ahitai.

NA KIGELHAHNA

Jesu in nangma hinkhoa chonphatna atohdoh na dinga tuinia amalung deiya kipehlhah ding hi nanop em?

DONBUTNA: __________
Panorama of Prophecy, Lesson 10 ©2022 Amazing Facts International All Rights Reserved