Naamana chuan a phar chu a damna tur a nih dawn phawt chuan eng pawh tih a hnial tawh lo, Israel ram a kal tur chuan zin kawng thui tak a buatsaih ta a, a sakawrte leh Lalin a lo tihdam huna a thil pek tur nen chuan a kal ta a; Naamana chuan Lalpa zawlnei Elisha in kawtah chuan thu in a lo nghak reng a, mahse Elisha chu a in atang chuan a rawn chhuak mai lo, a aiah chuan a chhiahhlawh chu tirin, a tih dan tur nen chuan a rawn hrilh a: “Jordan luiah vawi sarih va inbual la, i tisa ngai i pu leh ang a, ilo thianghlim tawh ang,”* (2 Lalte 5:10).

Lalpa zawlnei chuan Naamana chu a bawlhhlawhna zawng zawng chu va intlengfai tur chuan thu a pe a, lui tui bal leh tawp taka vawi sarih inhnim tura hrilh a ni a, Suria sipai lal hmingthang tak mai tan kha chuan a thinrim thlak em em a ni. Thinrim tih hriat tak mai hian Naamana chuan a sakawr chu a kuai vir nawk mai a, in lam a haw leh tur chuan a khalh ta a, amaherawh chu damaska khua a thlen dawn chuan Jordan lui kiangah chuan a kal tlang ngei ngei a ngai a. Chutia Jordan lui a kal pelh lai mek chuan a chhiahhlawh pakhat chuan Lalpa zawlnei in a thu a pek ang chuan ti chin turin a ngen tat lat mai a. Tichuan, a sakawr khalh lai chu ti dingin a chhuk thla a, a inthuamna zawng zawng a natna khuh botu zawng zawng chu dah thla in Naamana chu zawi muangin Jordan lui lamah chuan a pen thla ta a, vawi 6 lai a in hnim tawh hnu pawh chuan engmah danglamna a la awm chuang lo a, mahse a vawi sarihna tui a tanga a lo chhuah leh chiah chuan a phar natna zawng zawng chu a lo bo ta a, a vunte chu a lo thianghlimin naute vun ang mai a hrisel em em in a lo awm ta a ni.

Naaman a pawhin he siam thar ehna a lo chang ang bawk hian keini pawhin Isua Krista a pianthar lehna hi kan chang ve thei a ni.

ZIRLAI

Bible thu i chhiar zawh hnuah a kar awlte hi dah khat rawh.

1. Thuthlung thara zawlnei te khan Jordan lui kha Baptisma channa a tan nge insil faina a tan an hman?

Matthaia 3:1, 5-6 Tin, chûng lai chuan __________ __________ chuan, ... Chumi lai chuan Jerusalem khuaa mi te, Judai rama mi zawng zawng te, Jordan lui dung vêla mi zawng zawngte chu an chhuak a, a hnên lamah an kal a, an sualte thupha chawiin Jordan luiah chuan a hnênah __________ an chang ta hlawm a.

Note: Chanchin tha in tanna leh a tawpna thupui hi Baptisma a ni a. A nihna takah chuan Isua zirtirna ah pawh khan hei hi a pawimawh ber a ni (Matthaia 28:18-19). “Tichuan, Isua chu an hnenah a lo kal a, anniho chu abia a, “lei leh vana thuneihna zawng zawng ka hnenah pek a ni tawh. Chutichuan, kal ula, hnam tina mi zirtirahte siam ula, Pa leh Fapa leh Thlarau Thianghlim hmingh chuan baptis ula.”

2. Bible ah hian phar natna leh sual tlenfaina tih hi eng ang tak a ropui leh chhinchhiahna pek nge alo nih?

Tirhkohte 22:16 Tin, engati nge i la awm reng le? Tho la, ama hming lam chungin __________ chang la, i sualte tlêng fai ta che,’ mi ti a.

Note: Bible ah hian baptisma chang tura thupek in a entir chu mihring kan nihna sual tlen faina leh piantharna a ni.

3. Bible atang hian baptisma chan dan chi hrang danglam tak tak hi eng zat chiah nge pawm a nih?

Ephesi 4:5 Lalpa pakhat, rinna hmun khat, __________ hmun __________,

Note: Tun hunah hian baptisma hi a tlem berah chi hrang hrang 15 vel a awm a, mahse Bible a tanga kan en chuan baptisma chan dan dik tak chu pakhat chauh a awm a ni.

4. Baptisma kan tih hian eng nge a awmze dik tak ni ang?

Kolossa 2:12 baptisma-ah chuan a hnêna __________ in lo ni ve tawh si a, chumi vêkah chuan mitthi zîng ata amah kaithotu Pathian hnathawh rin
avânga a hnêna kaihthawh in nih ve kha.

Note: Greek thumal “baptizo,” awmzia chu “hnim phum,” emaw, “hnim lut,” emaw, “hnim” emaw tihna a ni a. Mi chu tuiah a puma a inhnim phum phawt loh chuan baptisma a chang lo tihna a ni. He thumal “baptizo,” hi Bible-ah chuan baptisma thupek thianghlim sawina atana hman a ni fo a ni. Greek thumala “theh” emaw “leih” emaw hi hman a ni ngai lo a ni.

5. Isua Krista hi kan entawn tur a nih si chuan engtin nge baptisma a chan?

Marka 1:9-10 Tin, chûng nîahte chuan heti hi a lo ni a, Isua chu Galili rama Nazareth khua aṭangin a lo kal a, Jordan luiah chuan Johana hnênah
baptisma a chang ta a. Chu veleh tui __________ a __________, vân inhawnga Thlarau ṭhuro anga a chunga lo chhuk a hmu a.

Note: Johana chuan Isua chu luiah hnim phumin a baptis a, he lui hi Namana phar tihdama a awmna lui kha a ni. Jordan lui kamah an awm lo tih hi hriat a ngai a, Isua kha tui atangin a lo chhuak a nih kha. Hei vang hi a ni “Johana pawhin Ainon-ah, Salim khaw kiangah a baptis bawk a, chutah chuan tui a tam avangin” (Johana 2:23). Kristiante chuan “felna zawng zawng hlen chhuaka” (Matthaia 3:15) hnim phuma baptisma changtu Isua tihdan an zui ve tur a ni a (1 Petera 2:21).

6. Engtin nge Philipa khan ethiopia mi til reh kha baptisma a chan tir?

Tirhkohte 8:38-39 Tin, tawlailîr chu a dintîr a, an pahnihin, Philipa leh mi tilreh chu tuiah chuan an __________ kal dûn a; tin, Philipa chuan ani chu a baptis ta a. Tin, tui __________ an __________ chhoh veleh, Lalpa Thlarau chuan Philipa chu a la bo ta a; tin, mi tilreh chuan ani chu a hmu leh ta lo, hlim taka a kal tâk zêl avângin.

7. Baptisma kan tih hian thu tak dang eng nge a entir?

Rom 6:4 Chuvângin, a thihnaah baptisma kan chanin, a hnêna phûm vein kan awm; Pa ropuinain mitthi zîng ata Krista a __________ ang khân, keini pawh nunna tharin kan awm theih nân.

Note: Baptisma chuan Krista thihna, phum a nihna leh thawhlehna a entir a. Sual lama thihna chu a awm phawt a, tichuan, tuiah chuan nun hlui phumna a awm leh a, tin, nunna thar nena tui atanga thawhlehna chu a awm bawk a ni. Hnim phuma baptisma channa hian a mil thlap a ni. Sualna nun chu a thi a, tichuan, tuiah mi chu phum a nih lai chuan rei lo te chhung chu thawk loh a ngai a. Tichuan, tui atanga chuan kaithawh niin, thawhlehna entirna atan leh nun thar hlak nung turin nau piang hlim ang maiin boruak chu a hip leh ta a ni. Hetianga baptisma channa chauh hian Bible zirtirna a mil thei a ni. Thenkhat chuan thawhlehna chawimawi nan Sunday an serh an ti a, mahse, hei hi Bible-ah hmuh tur a awm lo a ni.

8. Baptisma hi eng ang taka pawimawh nge a nih?

Marka 16:16 A ringa baptisma chang chu __________ an awm ang a; a ring lo erawh chu thiam loh changin an awm ang.

Johana 3:5 Isuan a chhâng a, “Tihtak meuhin, tihtak meuhvin ka hrilh a che, mi tu pawh tuiah leh thlarauva an pian loh chuan Pathian ramah an lût thei __________ vang.

Note: Baptisma hi Pathian thu chuan thil tih ngei ngei ngai niin a sawi a, kraw-a rukru pa ang deuh khan, baptisma channa hun remchang nei lote hnenah chuan, Isua chuan Baptisma a chan kep ta mai a ni (Matthaia 3:15).

9. Baptisma channa hian thil ropui tak dang eng nen nge kan tehkhin theih ang?

Galatia 3:27 in zînga Kristaa baptisma chang apiangte kha Krista chuan in __________ __________ si a.

Note: Baptisma hi inneih ceremony ang hi a ni a. Bible chuan, “Nangmah Siamtu chu i pasal a ni si a; a hming chu sipaihote LALPA a ni,” (Isaia 54:5) a ti a. Hmeichhia-in inneih hnuah a pasal hming a chhawm ang hian, Kristiante chuan Krista hming chu an chhawm a, chumi hnuah chuan Kristian tih an lo ni ta thin a ni. Heng ceremony pahnihte hian awmzia an neih dawn chuan hmangaihna leh inpumpekna atanga neih tur a ni. Inneihna ceremony hi nupa tuak thar turte tan a pawimawh ang chiahin baptisma pawh hi Kristiante tan a pawimawh a ni.

10. Isua Krista vana a lawn hma chiah a azirtir te hnen a thu a pek kha eng nge ni?

Matthaia 28:19 Chutichuan, kal ula, hnam tina mi zirtîrahte siam ula, Pa leh Fapa leh Thlarau Thianghlim hmingah chuan __________ ula,

Note: Petera’n Pentikos ni-ah inchhirte hnenah, “Sim ula, in sual ngaihdam nan Isua Krista hmingin baptisma chang theuh rawh u,” a tih khan (Tirhkohte 2:38), he thupek hi a zawm a ni.

11. Engtin nge baptisma hi bible atanga a tih dan tur dik tak lo awm tawh sa a nih?

A. Isua Krista zirtira hrethiamin (Matthaia 28:19-20).

B. Isua Krista zirtirna zawng zawng pawmin (Marka 16:16).

C. Sual kan lo tih tawh thin avanga inchhirna neiin (Tirhkohte 2:38)

D. Thinlung zawng zawnga rinna neiin (Tirhkohte 8:37)

E. Sual kalsan duhna neiin (Luka 3:7-8; Rom 6:5-6)

F. Isua Krista chu mimal a Lal leh chhandamtu atana pawmin piang thar nihin hriatna a lo awm (2 korinth 5:17; Johana 3:3, 5)

Note: A chunga tihdan tur rahbite khi naupang tan chuan tihtheih a nih ve loh avangin, chanchin tha a hriatthiam hmaa baptis chantir chu Pathian thu a ni lo a ni.

12. Heng baptisma chan dan a lem chi hrang hrangte hi khawi atangin nge a tak a ni lo tih a lan?

Marka 7:8 Pathian thupêkte chu thlahthlamin mihring __________ chu in vuan tlat a nih hi,” a ti a.

Note: Bible hunlai leh Krawa Isua an khenbeh hnu kum za tam takah pawh hnim phum baptisma hi an tihdan phung a ni. Amaherawhchu, a dik lo zawnga kalte chuan a samkhai tur zawngin baptisma chan dan dang an tichhuak a. Hetiang hian Baptisma chan dan tur thupek thianghlim chu hman sual niin, a entirna ril takte chu hliahkhuhin a awm ta zawk a ni.

13. Pathian thudik kalh a heng mihring zirtirna tam tak lo chhuak te hi Bible in engtin nge a sawi?

Matthaia 15:9 Eng pawh ni sela, an zirtîrnaah mihring __________ an zirtîr avângin an mi biak ṭhin hi a __________ mai a ni,’ tiin,” a ti a, a
chhâng a.

Galatia 1:8 Nimahsela, keimahniin emaw, vân aṭanga lo chhuk vântirhkoh pawhin emaw, Chanchin Ṭha kan hrilh che u lo kha chu Chanchin Ṭha dang rêng lo hrilh che u sela, __________ dawngin awm rawh se.

14. Thlarau Thianghlim baptisma hian tuia baptisma channa hi a rawn thlak thleng tawh a ni mai lo em ni?

Tirhkohte 2:38 Tin, Petera chuan an hnênah, “__________ ula, in sual ngaihdam nân Isua Krista hmingin __________ chang ṭheuh __________ u; tichuan, __________ __________ pêk hi in hmu ang.

Note: A ni lo! Petera’n thu a hril lai chuan (Tirhkohte 10:44-48), ngaithlatute chungah chuan Thlarau Thianghlim chu a lo thleng a, heng zinga mi tam takte hi baptisma la chang lo an ni. Thlarau Thianghlim Baptisma chu chang tawh mahse, Petera chuan tuia hnim phum baptisma chu chang leh turin a ti a ni.

15. Baptisma chan nawn leh hi thil pangngai ve reng a ni em?

Tirhkohte 19:2-5 tin, ani chuan an hnênah, “In rin tirh lai khân Thlarau Thianghlim in chang em?” a ti a. Tin, anni chuan a hnênah, “Chang lo, Thlarau Thianghlim a awm tih rêng hriat pawh kan hre lo,” an ti a. Tin, ani chuan, “Eng baptisma-ah nge in chan le?” a ti a. Anni chuan, “Johana baptisma-ah,” an ti a. Tin, Paula chuan, “Johana kha chuan mi hnênah, ‘Mi rawn zuitu tûr (Isua) chu in la ring tûr a ni,’ tiin simna baptisma-in a baptis ṭhîn a nih kha,” a ti a. Tin, chu thu chu an __________ veleh Lalpa Isua hmingin __________ an chang ta a.

Note: Ni khat chu Efesi khuaah Paula’n thu a hril lai chuan, Baptistu Johana baptis tawh mi 12 a hmu a, heng mite hian Thlarau Thianghlim chungchang an la hre ngai lo a. Tichuan, chutianga eng thar pawimawh tak mai an hriat hnuah chuan, baptisma an chang nawn a ni. Chutiang chiah chuan, tu emaw-in Kristian rinna chu a bansan chuan, Lalpa hnena a lo kir leh hunah baptisma a chang tur a ni. Bible thupek anga baptisma chang lo tan pawh baptisma chan nawn hi thil pawi a ni lo a ni.

16. Baptisma hi Kohhrana luh nen inzawmna a nei em?

Tirhkohte 2:41 Tin, a thu zâwm apiangin __________ an chang ta a; chumi nîah chuan mi sângthum laia belhchhahin an awm a.

Tirhkohte 2:47 Pathian an fak a, mi zawng zawng lawm zâwngin an awm ṭhîn. Tin, a chhandam mêk apiangte chu Lalpan ni tin an __________ a teltîr zêl ṭhîn.

Kolossa 3:15 Tin, Krista thlamuanna chuan in thinlungah ro rêl rawh se, chutiang ni tûrin __________ pumkhata koh in ni rêng asin; lâwm nachâng hre bawk rawh u.

Kolossa 1:18 Ani chu taksa (chu chu __________) lû a ni a; engkimah chungnung ber a lo nih theih nân, a bulpui, mitthi zîng ata piang hmasa bera chu a ni.

1 Korinth 12:13 Kan zain, Juda-te emaw, Grik-te emaw, bâwih emaw, bâwih lo emaw, __________ pumkhata awm tûrin Thlarau pakhat chauhvah baptis-in kan awm ṭheuh si a, Thlarau pakhat chauh min intîr ṭheuh bawk a.

Note: Pathian thu hi a chiang em em a. Pathian mite zawng zawng chu taksa pakhata koh an ni a, chu chu kohhran hi a ni a, tichuan, baptisma kaltlangin kohhranah chuan kan lut a ni. Pian hnuah chuan, naute chu chawm a nih theih nan te, venhim a nih theih nan te, a than theih nan te chhungkua enkawlna hnuaiah dah a ngai a ni.

17. Baptisma chan ka hnawl chuan, tu thurawn hnawl nge ka nih?

Luka 7:30 Pharisaite leh dânhretute erawh chu a hnêna baptisma lo chang tawh an ni ve lo va, anmahni tân __________ rem a __________ kha an
duh lo.

18. Isuan baptisma a chan khan, A Pa khan eng nge a sawi?

Mark 1:9, 11 Tin, chûng nîahte chuan heti hi a lo ni a, Isua chu Galili rama Nazareth khua aṭangin a lo kal a, Jordan luiah chuan Johana hnênah
baptisma a chang ta a. ... Tin, “Nang, ka Fapa duh tak i ni a, i chungah ka __________ êm __________ a ni,” tiin vân aṭangin aw a lo chhuak a.

Note: Pathian mite zingah tupawhin sual siama baptisma an chan hian, Ani chu a lawm em em a ni.

I CHHANNA:

Pathianin, “Hei hi fapa/fanu lawm em ema chu a ni,” a tih theih nan baptisma thupek thianghlim chu chang ve turin i inbuatsaih tan thei ang em?

CHHANNA: __________

Baptisma chungchang i hriatbelh duh chuan, he zirlai sawitu pastorate leh hruaitute chu bepawp la, i duhna chu hriattir ang che.

ZIR BELHNA

Hemi hmuna thu awmte hian i zir zau naah a pui ang che.

Baptisma chungchanga entawn tur

Isua Krista kha sual ngaihdam ngai a nih avanga baptisma chang a ni lo a, sual nei lo a ni. “Krista pawh khan a tuarsak che u avangin hetiang ti turin koh in ni asin; a hniaka in zuina turin entawn tur a hnutchhiah che u kha.” (1 Petera 2:22). Johana ngei pawh kha Isuan a hnenah lo kal Jordan lui a baptis tura a ngen khan a ngaihna hre lo tak maiin alo hnial a nih kha. Johana chuan “I mi baptis ka tul zawk si a, ka hnenah i lo kal zawk a ni maw? tiin khap a tum a (Matthaia 3:14).

A nih leh Isua kha eng vanga baptisma kha chang nge a nih? A chhan pathum (3) a awm a. A pakhat naah chuan Isua kha mahni a baptisma chang ve thei tawh lote tan baptisma kha chang a ni. A chang chuan mi ten hospitalah te, tan in (prison) a an awm lai ten Isua Krista chu an lal leh chhandam tu a lo pawmin, an dinhmunah baptisma chan a rem tawh si lo, Isua Krista chu an ni aiah chuan baptisma changin a inpe a ni. Entirna pakhat atan chuan misual kross a an khenbeh, Isua dinglam a mi kha “Tin, ani chuan a hnenah, “tihtakmeuhvin ka hrilh a che, vawiinah hian ka hnenah paradis – ah i awm ve ang,” (Luka 23:43) a ti a. Pahnihna ah chuan, Isua Krista chu kan entawn tur atan, a hniaka kan zui ve theihna turin baptisma a rawn chang a ni. “A hniaka in zuina turin entawn tur a hnutchhiah che u kha” (1 Petera 2:21). A pathumna chu Isua Krista chu kan tan baptisma a rawn chang a, a thil tih tawhte kan lo zir ve theih nan leh rinna in a beisei thil te kan lo hriatfiah theihna turin.

Entirna atan heng Bible chang hi a thu mal te te in lo en ila baptisma kan chan hian eng ang beiseina nge kan lo neih theih. Matthaia 3;16-17 “Tin, Isua chu Baptisma a chan veleh tui ata a chhuak ta nghal a; tin, ngai teh, a tan van alo inhawng a, Pathian Thlarau chu thuro anga lo chhukin, a chunga lo fu a hmu a. Tin, ngai teh, van atangin awin, “hei hi ka fapa duh tak, ka lawm em em a chu a ni,” a ti a.

“Van a lo in hawng a” = Pa hnen thlenna tur kawng hawnsak kan ni

   “A hmu a” = kan thlarau mit chu tih men sak kan lo ni a, hriatthiamna leh hmuh fiah theihna pek kan lo ni.

“Pathian thlarau” = Pathian thlarau hruaina min hmuhfiahtirtu a ni.

“Thuro anga lo chhuk” = Thlamuanna duhawm tak kan thinlungah alo lut.

“Van atanga aw” = Pathian aw chu zawi te te in kan lo hre tan tawh ang.

“Ka fapa duhtak” = Pathian chhungkaw ropui takah lak luh kan lo ni tawh a van khua leh tui nihna pek kan ni.

“Ka lawm em em” = Pathian chuan kan nihna zawng zawng nen min lo pawm a ngaihdam kan lo ni tawh.

Panorama of Prophecy, Lesson 12 ©2022 Amazing Facts International All Rights Reserved