Athaliah dagi lotkhi, maram aduna, Athaliah na leibak aduda sashan touduna pallingeida, Ishworgi Laishangda ... chahi taruk mahakpu lotkhirammi.” 2 Kings 11:2, 3.

Ningthou macha nipa adu Ishworgi laishangda lottuna hingli haiba adu chahi taruk chupna thajaba yaraba mioi khujok khara khaktana khanglammi. Purohit makok Jehoiada na angang oiriba Joash pu mahakki macha sakna nungshikhi amasung takpi tambikhi. Chahi taruk chupna praja miyamda, masigi pangpham thoklaba nignthou khubam asi sinnanaba khwaidagi matang chaba tanja adu Jehoiada na prathana touduna thourang langlammi. Mameithangda Ahaziah gi itton tonba macha nipa adu houjik phaoba hingli haiba adu ahal oiraba purohit aduna lonna lanmigi thajaba yaba makoksing aduda pao piduna kouraga makhoida utkhi. Thajaba yaraba mi pumnamakna laishangda Sabbath ki lai khurumba lakpa matamda makhoida angang oiriba ningthou adu sinnanaba makhoina Irai numit ki numitdang laktriba phaoba ngainaba warepnakhi. Khutlai pairaba lanmi cha kayana maikei khudingda ngakladuna, Jehoiada na David ki singhasan gi mapu oiraba mahak adu tilliba miyamda puthoktuna shak takkhi. Ahanbada miyam adu ngakpa phaorammi, adubu mahakki makokta ningthougi luhup adu happa makhoina ukhiba matamda, “Makhoina khubak khuraduna laokhi, Iningthou punshi shangna hingba oisanu.” 2 King 11:12.

Houjikti peresinggagi nil khongba makhol amasung miyamna haraobagi khonjel adu phattrabi Athaliah na takhiba matamda, mahakki akibagi mashak oiraba tamthiba sasan-gi matam adu thupchankhre haiba adu khangnaba khaktagi oina mahakna laishangda

chenduna lakkhi. Numit aduda mahak amasung mahakki khongloi pumnamak tumna hatkhi, aduga Joash ta ningthou leibak adu sinnakhi.

Phattabaingbu tumna manghannaba amasung Mahakki phangpham thokpa ninghtou leibak phangnaba peresinggasing khongbagi khonjel marakta swargagi laishangdagi David ki atoppa machanupa ama yamna thuna shaphonglagani haina Biblena eikhoida takpiu.

NEINABA

Bible gi text khudingmak paraba matungda ahangbasing asi mensallu.

1. Swargagi Laishangdagi thuna shaphonglakkada ningthou asi kannano?

Phongdokpiba 14:14 Aduga yengu, angouba leichin ama amasung leichin adugi mathakta ____ ___ ___ manba aduna phamba eina ure. Mahakki makokta sanagi luhup, aduga makhutta athouba thangol ama pairammi.

2. Jesuna amuk hanna lenglakpa matamda tuminna lakkadra?

1 Thessalonians 4:16 Maramdi Prabhu masamakna swaragadagi khollaoga, athoiba swargadutki ___, amasung Ishworgi ___ makholga loinana lenglakkani.

Jeremiah 25:30 Jehovahna awangba maphamdagi ___, Mahakki ashengba leiphamdagi Mahakki khonjel thok-han-gani; Mahakna mahakki leiphamgi mathakta kanna ___.

Laishon Ishei 50:3 Eikhoigi Ishwor lengbirakkani amasung Mahakna ___ leiroi; Mahakki mamangda meina chaktheklagani, aduga Mahakki akoibada akanba nonglei nungshit leigani.

Note: “Tempetous” haibagi arthadi “yamna tamthiba nonglei nungshit oiba” haibani.

3. Jesuna anisuba lakpa matamda kari atoppa prakitigi oiba khudam loinarakkani?

Phongdokpiba 16:18 Aduga akanba ___ thokle. Malemda mioibana leirakpadagi asuk chaoba amasung akanba yuharaba thokkhidri.

4. Jesuna anisuba lakpa matamda kana kanana Mabu ugani?

Matthew 24:30 Matam aduda atiyada Migi macha nipa adugi khudam ugani, aduga ___ ___ ___ tengtha nao-oigani. Migi macha Nipa aduna pangal amasung achouba matik mangalga loina atiyagi leichilda lenglakpa makhoina ugani.

Phongdokpiba 1:7 Yengu, Mahakna leichilga loinana lakkani, aduga ___ ___ Mabu ugani.

Note: Sherannana khanghandanaba masi yamna mayek sengle. Hingduna leiriba phattaba natraga dhramachenba mi khudingna Jesuna prithibada lenglakpadu ugani. Lonna mi khomjanba natraga Ishworgi misingbu lonna swargada pukhiba haiba asi Bibleda sandokna takte.

5. Jesuna leichilsingda lenglakpa matamda kana kanana Mahakka loinarakkani?

Matthew 25:31 Migi macha nipa aduna ___ ___ pumanamakka loinana magi matik mangalda lakpa matamda, Mahakna matik mangalgi phambalda phamgani.

Note : Changdamnaduna yengba matamda, Prabhugi anisuba lakpagi mangalna hydrogen bomb amagi mangal asi artha leitabagumna mamhalli. Jesugi mongphamda, swargadut amagi arangba mangalna Roman-gi shiphaising adu leimaida ashiba migumna tahankhi (Matthew 28:2-4). Swargagi swargadut pumnamakki mangalna Jesugi anisuba lakpa adu mi amattana udaba leitanaba hemanna nganhanli. Masigisu mathakta angakpana mashak oiraba Jesu amasung Ipa Ishworgi matik mangalsu hapchalli (Luke 9:26). Jesugi anisuba lakapa asi nongpoktagi nongchutta nongthang kuplakpagumna oigani (Matthew 24:27).

6. Jeuna anisuba lakpagi mangalna hingduna leiriba phattaba mising aduda kari thok-han-gani?

2 Thesalonians 1:7, 8 Prabhu Jesuna swargadagi magi pangallaba swargadutsinga lakpa matamda, Ishwor khangdabasingda ____ ____ laman khumgani.

2 Thesalonians 2:8 Adudagi Ibungogi chindagi thoklakpa nungsha sworgi mapanna manghan-gadaba amasung Mahakna lenglakpagi matik mangalgi mapanna ___ ___ ___ ain thousadaba mahak (Antichrist) adu phongdokkani.

7. Jesuna anisuba lakpada dhramachenduna shikhiba mising aduda kari thokkani?

1 Thessalonians 4:16 Christada shikhiba mising adu ahanbada ____.

8. Matang asida, hingduna leiriba amasung hingat hankhraba dhramachenba mising aduda kari thok-han-gani?

1 Corinthians 15:52, 53 Ashibasingbu mangba yadaba(shiba naidaba) oina hingatkani, aduga eikhoibu ___. Maramdi mangba yaba asina mangba yadaba shetpa tai, shiba naiba asina shiba naidaba shetpa tai.

Note: Houjikti Ishwor khak nattana kana amattana shiba naidaba leite (1 Timothy 6:15, 16). Adubu Jesugi anisuba lakpa matamda masi lemna piba khudol ama oina dhramachenba misingda pibigani. Jesugi hakchangumna, makhoigi hakchangsing adusu swargagi oiba shinaidaba hakchangsing oina onthokpigani (Philippians 3:20, 21).

9. Hakchang onthokpiraba matungda, dhrama chenbasing aduda kari thokkani?

1 Thesalonians 4:17 Madugi tungda hingduna leihouba eikhoibu makhoiga loinana atiyada Ibungobu unnanaba leichilda punna pak ___; matou asumna eikhoi Ibungoga matam pumnamakta leiminnagani.

Note: Ishworgi misingna Prabhuga atiyada unnagani, Jesugi anisuba lakpada Mahakna malem leimaida shokloi, maram aduna mayamna thajanabagumna, Mahakna malem prithibida shak uttuna shaphongloi. Mahakki anisuba lakpa asi atiyada shak utpa ama oigni, prithibida shak utpa oiroi.

10. Mahakki anisuba lakpagi maramda Jesuna kari akanba cheksin wa pibra?

Matthew 24:5 Maramdi mi kayamarumna, Ei Christani” haiduna lakkani, aduga ___ ___ ___.

Matthew 24:24, 26 Maramdi shasinnaba Christasing amasung ___ thoklakkani; aduga makhoina ... achouba khudamsing amasung ___ ___ utkani; ngamlabadi khandokkhrabasing adu phaoba makhoina namthak tougani. Maram aduna makhoina nakhoida ‘Yengu Ibungo lamhangda lei’ hairabadi chatkanu; natraga makhoina ‘Yengu, Ibungo aronba kada lei” hairabadi ___ ___.

Note: Yamna matik mangal leiba mi amagumna prithibda uttuna Seitanna Christagi anisuba lakpa shasinnagani, aduga mi crore kayabu namthak tougani. Mahakna anisuba lakpa matamda malem prithibi shokpagi mahutta atiyada oina leigani haina Jesuna eikhoida mangjounana khanghankhre. Seitan-gi matik magun leiraba namthaksing asi yamna thajahanba ngamhanduna ayamba misingbu namthak tougani.

11. Karina dhrama chenbasingbu namthak toubadagi ngakthokkani?

Isaiah 8:20 Wayen yathangda amasung shakhida! Makhoina ___ ___ matung inna ngangdrabadi, makhoida mangal (Achumba) leitabagi maramnani.

Note: Ishworgi misingdi namthak touroi, maramdi, Jesuna karamna lakkadage (Pakhonchatpasingi thabak 17:11) haibadu Ishworgi Wahei neinabadagi makhoina khangani. Shastraga chunadana lakpa ma-ong ama hekta asi shasannaba aranba amani amasung masibu lousanloi. Jesuna mangjouna eikhoida khanghankhre. Matthew 24:25 Yengu, Eina nakhoina mangjounana hanna haidokkhre.

12. Shasinnaba Christa asi yengba chatpa asi khudongthingai oidabra?

Matthew 24:26 Maram aduna makhoina nakhoida, “Yengu, mahak lamhangda lei!” hairabadi, ____.

13. Jesuna anisuba lenglakpagi matamgi maramda eikhoina kari khangba ngambage?

Matthew 24:36 ___ ___ madugi numit natraga pungpham adu khangde, swargada leiba dutsingna phaoba khangde, adubu Eigi Ipatana khangi.

Matthew 24:33 Matou adumna nakhoina hairibasing asi uba matamda, Mahak thongjil youna ___ haiba khangu.

Note: Anisuba lakpagi chap chaba matam adu Ishwor khaktana khangi. Mahakna lakpagi matam tarikh leppa asi Biblega channade. Adubu Jesuna lakpagi khudamsing asi mapung phana thokpa uba matamda (Matthew 24:4-51; Luke 21:8-33; amasung 2 Timothy 3:1-8), eikhoina Mahakna lakpa asi thongjin youna nakle haiba khangba ngamgani haina Mahakna mayek sengna khanghallammi.

14. Jesugi anisuba lakpada swagadutsingna kari tougani?

Matthew 24:31 Mahakki swagadutsingna ... Mahakki khandokkhra misingbu pullap atiyagi aroiba amadagi aroiba ama phaoba maikei maridagi ___

Note: Nakhoigi ngakpi shenbiriba swagadutna (Matthew 18:10) ihan hanna nakhoibu Jesugi anisuba lenglakpa matamda oklaba yai. Kayada bor phanglaba wakhalnida! Biblena anisuba lakpa asibu “Bor phanglaba aasha” haina koubada ngakpa phaoganu.

15. Jesuna anisuba lakpagi hek mamangda eikhoina hingliba maramna, matou karamna eikhoina masigi chinglemlaba, matik magun leiraba thoudok asiga mari leinagani?

Matthew 24:44 Maram aduna nakhoisu ___ ___ ___, maramdi Migi macha nipana nakhoina aasha toudaba pungpham aduda lakkani.

16. Jesugi anisuba lakpada misingbu karamna mana pigani?

Phongdokpiba 22:12 Yengu, Ei thuna lak-i. Mi khudingda magi ___ ___ ___ ___ pinaba Eigi mana Eina purakli.

Note: Misingbu thoujalgi mapanna kanbigani, adubu makhoina dhrama loubagi matung inna nattaduna makhoigi lamchatta yumpham oiraga mana pigani (Matthew 7:21-23).

17. Jesuna amuk hanna lenglakpa matamda phattaba misingna kari haigani?

Phongdokpiba 6:15-17 Aduga malemgi ningthousing, achouba mising, inak khunba mising, lanmi makoksing, matik leiba mising, minaising amasung maning tamba mi khudingna shurungda amasung chijaogi nung marakta lotle, aduga chingjaosingda amasung nungsingda makhoina haikhi, “Eikhoigi ithakta nansinbiyu, aduga phambal adugi mathakta phamliba Mahakki maithongdagi amasung yao macha adugi mei houna shaobadagi eikhoibu lotpiyu; maramdi Mahakki mei houna shaobagi shathiba numit adu lakle, maram aduna ___ ___ ngamgadage?”

Note: Masigi aroiba thamthiraba yuharaba manungda, akibana thukkatladuna phattaba misingna thourang toudana Ningthou Jesubu thengnabadagi henna nungjaosing amasung chingjaosingna makhoigi mathakta nanbana henna pamgani.

18. Jesuna amuk hanna lenglakpa matamda dhrama chenba misingna kari haigani?

Isaiah 25:9 Yengu masi eikhoigi Ishworni: eikhoina Mahakpu ngairakkhre, aduga ___ eikhoibu ___. ... Eiukhoina Mahakki arankhubamda haraogani amasung nungaigani.

19. Jesuna anisuba lakpagi maru-oiba pandam adu karino?

John 14:3 Ei amuk hanna lakkani aduga Eina leiba maphamda aduda nakhoisu leinaba Eina ___ Isamakta ___.

Note: Prithibida amuk hanna lenglakpagi Jesugi khwaidagi pukning thakkathalliba pandamdi Mahakna makhoigidamak thourang toukhraba matik mangal leiraba yum aduda Magi misingbu punabani. Matam pumnamakki oina mapham aduda makha tana pi sinthaba, awabasing, thamoi kaihanbasing, natraga anaba amatta leiraroi. Adubu madugi mahutta haingamdraba haraoba amasung shantina matam pumnamakki oina leiragani.

NAKHOIGI PAOKHUM

Yamna thuna Jesuna leichilda lakkani. Houjik nakhoina Mabu unanaba thourang touduna leigadra?

PAOKHUM: _______

AHENBA HAPCHANBA WAROL

Masigi section asina makhatana neinanaba ahenba i - paosing pi.

Lonna Lakpagi Theory

Jesuna lonna lakpagi theory asi ayamba misingna thijinba yaodana ashengba waphamni haina paktaknana yanaraba washak nipanda yumpham oi. Adum oinamak eikhoigi kanthoknabagi amatta ngairaba upaidi hairiba hiramsing adu asumna yaobra yaodabra haibadu lepthoknaba nungtigi shastrasing thijangadabani (Acts 17:11). The secret rapture theory gi hiram nipan adudi makhagising asini:

1. Lonna lakpa (rapture) asi makhol manil thokte.
2. Rapture asi uba ngamde.
3. Rapture na phattaba misingbu hingduna thanammi.
4. Otneiba (tribulation) dagi kannaba Ishworna dhramachenba singbu louthokkhi.
5. Christagi anisuba lakpa asi tangkak (Stage) anida oigani: (1) Lonna lakpa (rapture) (2) Matik mangalgi mashak oiraba ashengba lakpa.
6. Anisuba lakpagi tangkak ani asi chahi taret kannagani.
7. Antichrist adu mashak utringeigi mamangda lonna lakpa asi thokkani. Antichrist na otneiba asi thok-han-gani.
8. Matang asida phattaba misingna pukning hongduna Christtabu seba tounabagi anisuba khudongchaba leigani.

Masigi hiram nipan asi mapung phana neinaba asi masigi ahenba hapchanba warol matek asigi pankheigi wangmada leikhre, adubu matang asida eikhoina samlapna hiram khudingmak panjaramge. Ahanba hiram ani asidi masigi para asida neinakhre, maru oi haibasi khangnaba makhoi ani asi amukka panjaramge.

Nakhoina thengnadaba pakhat-han-gadaba kharagidamak shem sharo!

1. Rapture (Jesuna lonna lakpa) asi tuminna manil naidaba oiroi, adubu ngamkhei leitana kahenna langba oigani. Shastrasingna hai “Swargadagi ahouba khollaoga, athoiba swarghadutki khonjelga amasung Ishworgi peresingagi makholga loinana” Jesuna lengtharak-i. 1 Thessalonians 4:16 asi maru oibadugi hapchabani. David na hai, “Eikhoigi Ishwor lengbirakkani amasung Mahakna tuminna leiroi; ... Mahakki akoibada akanba nonglei nungshit leigani.” Laishon Ishei 50:3. Jeremiah na hai, “Jehovahna awangba maphamdagi laorakkani, ... Mahakna mahakki leiphamgi mathakta kanna laogani. Malemgi araoiba ngamkheisingda nil khongba lakkani.” Jeremiah 25:30, 31. Masigi maramda karisu mong hadaba oide. Prithibigi akoibada tahanba akanba makholga loinana Christana lakkani. Masi ningthina khangjillu. Jesuna lakpa matamda nakhoina hingduna leirabadi, Mahakna lakpadu nakhoina tagani. Nakhoigi nakongsingda mangtakpagi mashak oiraba makholna yeigani.
2. Rapture asi uba ngamdaba oiroi; masi mi pumnamakna ugani. Swargadut pumnamakna Jesuga loinana lak-i (Matthew 25:31). Jesuna hingatpada swargadut amakhakta shak utkhi, aduga mahakki mangal adu asukki matik nganmanduna Roman-gi ngak shelliba shiphaising pumnamak leimaida ashibagumna takhi (Matthew 28:2-4). Swargagi swargadut pumnamakki lengdraba mangal aduda khanthaduna yengu. Swargadutsingi matik mangal aduda Jesu masamakki matik mangal (Matthew 25:31) amasung MahakkiMapagi matik mangal amuk hapchilli (Matthew 16:27). Masigi mangal asi aki tujungbagi mashak oi. Jesuna makha tana haikhi, “Maramdi nongpoktagi nongthang kuplakpada nongchuplomda nganbagumna, Migi macha nipa aduna lakpasu adumna oigani.” Matthew 24:27. Masi aronba oibrane? Masi bhapna sajanba natte. Thangei shengna, “Yengu, Mahakna leichilga loinana lakkani, aduga mit khudingna Mabu ugani.” (Phongdokpiba 1:7) haina Bible na haiduna masigi wapham asi leikhai tahallle. Jesuna anisuba lakpada nakhoina hingduna leirabadi, Nakhoina Mahak lakpa ugani. Masida thajaduna leiyu.
3. Rapture na phattabasingbu hinghanduna thanamde. Makhoi asi Prabhuna lakpada hattok-i (Isaiah 11:4;Malachi 4:1; 2 Thessalonians 2:8).
4. Otneiba maraktagi dhramachgenbasingbu Ishworna louthokpagi mahutta masigi manungda makhoibu ngakpi shenbi (Laishom Ishei 91:5-12).
5. Christagi anisuba lakpa asi tangkak ani haibadi amana lonna lakpa amasung atoppa amaduna mi pumnamakna uba lakpa oiroi. Amatta ngairaba anisuba lakpa ama lei, aduga masi prithibida hingliba mi pumnamakna ugani. Tangkak ani thokna khaidokpa anisuba lakpa sougatpa shastra amatta leite.
6. Jesugi anisuba lakpa anigi marakta chahi taretki period ama lei haina secret rapture takpiriba ojasingna dabhi tou-i. Masisu shastrada yumpham oide.
7. Jesuna anisuba lakpa matung chahi ahum makhai leiraga Antichrist thoklakte. Chahi cha kaya mahak hingduna leirakli (1 John 4:3) amasung houjik phaoba mahakki papki oiba thabak adu touri.
8. Jeusna anisuba laklaba matungda phattabasingna makhoibu kanbinaba anisuba khudongchaba ama amuk phanglaroi. Anisuba lakpa matamda papi pumnamak loina tumna manghallagani. Jesugi anisuba lakpa matungda kanagumba amagidamak anisuba khudongchaba amatta leite.