Adubu masigi pukning chap yungna leppkhraba naha oiriba ningthou macha nipa asina mahakki mapa leitana phajaba shakpham gidamak miyamgi pukning shumhatningai oiba adugi hendokna mahakna pamkhi.

Mahakna mahakki mapagi singhasan gi shakti adu pamkhi. Upai ama touduna mahakna Israel gi ningthou oiba pamkhi. Ammon na mahakki machan nupi Tamar bu ikai khumnaba manghallaba matungda, mahakna mahakki mayamba Ammon bu ahanbada hatkhi. Ammon na David ki ahanba macha nupani amasung David ki matungda mahakna ningthou oigani. Madugi tungda, Absalom na mapagi minungsi manghankhraba matungda, mahakna “Israel gi misinggi thamoi huduna pukhidriba” (2 Saamuel 15:6) phaoba David ki luchingbagi gun, wayen bicharsing, amasung ainsingi maramda ningthou leibak apumbada mahakna chingnabagi lounam marusing hunba houkhi.

Mameithangda, Absalom na mahak makki apokpa mapabu lonna hatlaga mahakki ningthou leibakpu munnaba hotnaringei, mahakki aronba thourang adu mapung phana mamun pharaba lalhouba oina pokkhaihankhi. David amasung magi khongloishingdu Jerusalem dagi namphuda chenhankhi. Adubu tha kharagi matungda akanba lan ama shoknaraba matungda, David na amuk hanna mahakki singhasan adu hanjankhi, aduga mashak phajaraba ningthou macha Absalom hatkhi.

Thangei sengna pukning nungshiba warini, adubu masina ninghtou machasinggi imungda asumna tharumnaba thokpa ahanba natte. Matam kuirabagi mamangda atoppa achouba

ningthou leibak amada, masiga mannaba thoudoksingna matam pumnakki oiba khwaidagi akibagi mashak oiraba lalhoubada lamjingkhi. Madugi ningthou leibak adudi swarga kou i.

NEINABA

Bible gi text khudingmak paraba matungda ahangbasing asi mensallu.

1. Swargada lalhoukhiba ningthou macha adugi ming kari koukhibra, aduga mahakna karigidamak lal houkhibano?

Isaiah 14:12 Karamna nahakna swargadagi taraklaba; he ___, nongan shajik.

Isaiah 14:13, 14 Maramdi nahakna nahakki ___ haikhi, ... Ei ___ oigani.

Ezekial 28:17 Nahakki ___ gi maramna nahakna napukningda chaothokkhi; nahakki ___ ___ gi maramna nahakki lousing manghankhi.

Note : Ishworgi khustem jibasingi manungda Lucifer na khwaidagi mashak phajei amasung shakti lei. Mahakna khwaidagi thak wangba swargadut ni amasung swargagi ishei shakpagi luchingba oirambagi oithokpa lei. Adubu mahakna mahakki phajabaduna mahakpu napan kahanba yahanjakhi. (“Tyre amasung Babylon gi ningthousingna marka oiba Seitan” haina ahenpba hapchinba warolda yaoba para matek aduda yengu.)

2. Ishworna Lucifer shemkhiba matamda Diyabol shemkhibra?

Ezekial 28:15 Nahakpu shemkhiba numit adudagi nangonda ___ ___ phangdriba phaoba, nahakti nahakki lamchat ___ ___oirammi.

Note: Ishworna mapung phaba swargadut ama shemkhi. Mahak mashagi ningtamna aningpa toubagi apambana Diyabol ama oinaba khanjakhi. Masi bhapna shagatpa wana thoklamba yai, adubu eikhoina Lucifer bu mahakna leikha tadringeigi mamangda khanglamlabadi, eikhoina mabu nungshiramgani. Chap chana kayam kuina mahakna haiba illamba eikhoina khangde, adubu mahakna mahakki thamoida ashaoba amasung napan-gi marusing yokkhatpa houdringeigi mamangda Lucifer na haraona Ishworbu lomba naidana thougal touramba yabani. Ishwor na mahakna shemba jiba pumnamak robotsing gumna shemlamba yai, adubu robot amana nungshiba ngamde. Ashengba nungshibana touningna khwaidagi akiba thoudang adu louningi. Maram asinani karigumba matamda machasingna mama mapana haiba indanaba khanjaba yai haiba

khanglaba phaobada, makhoina angangsing leinaba warep lou-i. Maram kayamarumgidamak Ishworna Lucifer bu mahakki lalhouba adu pangthokpa yahalli. Ahanba maramdi, Ishwornna Mahakki khutshemsingda apamba toujanabagi ningtamba du pibra pidabra haiba wahang ama hektagi waroishin matam pumnamakki oina likha taba asini. Anisuba maramna, Ishworgi nungshiba amasung sasan toubagi maramda Lucifer na chingnabasing sandokpa hourakpaga Ishworna mahakpu manghallamlabadi, atoppa gyan lousing liba jibasingna matam pumbagi oina wahang kayamarum murum murum sonduna leiramgani. Makhoina asumna khallamba yai, “Lucifer asi thangeisengna chumlamba tai.” Maram aduna, papki akibagi mashak oiraba tamthikhraba maheising asu sandokna utthoknaba Lucifer bu hingba yahalammi. Aroiba maramdi, Ishworna Mahakna shemba jibasingna mamingtagi oina haiba inba adu pamde maramdi makhoina mahakna haiba indrabadi Mahakna makhoibu dandi pigani kibadagi nattaduna nungshibagi niti niyamsingadgi Mahakna eikhoibu haiba inhanningi.

3. Mameithangda kari thokkhibra?

Phongdokpiba 12:7 Aduga swargada ___ thokkhirammi: Michael amasung magi swarga dutsingna chinglai aduga lan shoknakhi; amasung ___ amasung magi swarga dutsingnasu lan shoknarammi.

Note: Aroibada Lucifer amasung magi michang oiba swardutsing pumnamak swargadagi tanthokhi.

4. Diyabol gi yathang makhada karamba shakti leiraba ahingba jibasingna thabak subra?

Phongdokpiba 12:4 Mahakki mameina thawanmichaksingi (swargadutsing) ___ ___ ___ chingshinkhi amasung thawanmichaksing adu malemda hunthakhi.

Phongdokpiba 12:9 Mahakpu malemda hunthakhre; aduga mahakka loinaba mahakki ___ hunthakhre.

Note: Seitan asi asukki matik lounam heiduna Ishworgi maiyokta lan houbada mahakki matung innaba swargagi swargadutsingi sharuk ahum thokpagi ama mahakna namthak touba ngamkhi. Houjik makhoi asi “diyabolsing’ amasung “phattaba laishing” kou i. Masigi leikha takhraba swargadutsing asina Seitan-gi thourangsing pangthok i. Absalom gi warida, matou asigumna mahakna mahak masagi phattaba thabak khara toukhi haiba eikhoina khangi. Absalom na mahakki manaisingbu mahakki aningbasingdu pangthoknaba yathang pikhi.

2 Samuel 13:28 Absalom na mahakki manaisingda yathang piraduna hairak i, Ammon na yu thaktuna mapukning nungairakpa matam adu nakhoina houjik yengu ... adugi tungda mahakpu hatlu. Kiganu eina nakhoibu yathang pikhiba nattra?

2 Samuel 14:30 Maram aduna manaisingda haikhi, “Yengu, Joab ki labukti eigi labuk manakta lei, ... chatlaga madu mei thadok u.

5. Seitan na magi thabakta kari tha-ongsing sijinnabra?

A. Phongdokpiba 12:9 Malem prithibi apumbabu ___ ___, Seitan.

B. Mark 1:13 Aduga Mahakna lamhangda numit niphuni Seitanna ___ leirammi.

C. Phongdokpiba 16:14 Maramdi makhoi asi ___ ___ pangthokliba bhutsingi thawaisingni.

D. Phongdokpiba 12:10 Maramdi eikhoigi ichin inaosingbu eikhoigi Ishworgi mangda ahing nungthil chuppa ___ ___ mahak adu hunthakhre.

E. John 9:44 Ahoubadagi mahak ___ ama oirakkhi. Maramdi mahak ___ ___ mini, amasung masigi mapani.

Note: Hiram amada, aphaba amasung phattaba anigi landa Seitan na Ishworgi mathakta khudongchaba ama phanglammi. Ishworna achumba khaktabu sijinnei, adubu Seitannadi, magi pandamsing asi khwaidagi phajana pangthoknaba achumba nattraga oidabasing asi ma-ong amada punsannaduna sijinnaba ngammi. (“Thokkani haina thajadabadu thajaba” haina Ahenpa Hapchanba Warolda yaoba para matek adu yengu.)

6. Karamba matamda Seitan asi khwaidagi khudong thiningai oibra?

2 Corinthians 11:14, 15 Maduda ngakningai leite; maramdi Seitan masamaknasu ___ ___ shajinnei.

Note: Diyabolna hek toukhibagumna, Absalom na miyam adubu nungshiba shasinnakhi amasung makhoibu namthak tounabagidamak makhoigi chaokhat thourangda thawai yaoshanba utshinnakhi.

2 Samuel 15:5, 6 Aduga asumna thokkhi, kanagumba nipa amana mahakpu kok nonnaba mahakki manakta changlakpada, mahakna makhut tingthoktuna mahakpu kollaga chuppikhi. Aduga ningthougi manakta wayennaba lakpa Israel pumnamakta Absolom na asumna toukhi. Asumna Absalomna Israel gi nipasingi thamoi hukhi.

Seitanna church manungda dhramada thawai yaoba mishak amagi shaktam louduna thabak shuba matamda mahak asi khwaidagi khudong thiningai oi. (“Matik mangal chaoba swargadut ama” haiba Ahenba Hapchanba Warolda yaoba para adu yengu.)

7. Seitanna Bible khangbra?

Matthew 4:5, 6 Adudagi diyabolna haikhi, “Nahak Ishworgi macha nipa oirabadi , chongthajou; maramdi masi ___ ___, “Mahakna mahakki dutsingda nahakki maramda yathang pigani.’”

Note: Misingbu namthak tounabagidamak Diyabol asi Bible gi text louthokpa amasung lanna louthopkada yamna heithoi singthoi. Maram asinani Ishworgi misingna makhoibu lanna chingdanaba makhoi masamakkidamak shastrasing khangba yamna darkar tai.

8. Prithibida Seitanna kanabu khwaidagi henna tukuchei?

Phongdokpiba 12:17 Aduga chinglai aduna ___ aduda yamna shaorammi, aduga mahakna Ishworgi yathangsing ngakpa amasung Jesu Christagi shakhi paiba, nupi adugi ___ dhara aduda lan shoknaba chatkhi.

9. Seitan yektuna taknaba Bible na kari thamthikhraba sha makhal ani sijinnabra?

1 Peter 5:8 Pukning lakshillu, mingshel khangu; nakhoigi yeknaba diyabol na khongliba ___ gumna kanabu chathokpa yabage haina thiduna koichat chatli.

Phongdokpiba 12:9 Maram aduna ___ ___, diyabol amasung Seitan kouba achouba chinglai adu hunthakhre.

Note: Nongshasing amasung lilsingna makhoigi sharak oiba sha adu phanaba aronba pukning leithoknaba lalong sijinnei. Diyabolgumna, makhoina khanghoudana makhoigi sharak oibasing aduda landai amasung awa ana nangbasingda nachungde amasung yamna tamthi.

10. Eikhoina Seitan bu thingnaba amatta ngairaba lambi adu karino?

James 4:7, 8 Maram aduna Ishworgi ___ ___. Diyabol bu thingu amasung mahakna nakhoidagi chenkhigani. Ishwor da nakshillu amasung Mahakna nakhoida ___.

Note: Ishworda nakshin-gadaba khwaidagi phaba lambishingdi prathana touba amasung Mahakki waheigi matengna Mabu khangnaba thibani.

11. Diyabol gi Landarakpasingdu Jesuna karamna lanthengnakhibra?

Matthew 4:10 Aduga Jesuna mangonda haikhi, Seitan, chatthokkhro! Maramdi ___ ___ ___.

Ephesians 6:17 Thawai Ashengbagi thangsang adudi ___ ____.

Hebrews 4:12 Maramdi Ishworgi ___ asi ahingbani amadi shakti chelli, amasung maya nakan animak panba thangdagi henna thou i.

Note: Seitan gi hei shinglaba namthaksingdagi eikhoina ngakthoknaba amatta ngairaba lambidi pap toudanaba eikhoigi pukningda Ishworgi wahei ningsingduna thambani. Jesuna diyabolbu lanthengnabada sijinnakhiba khulaising adumak darkar oi amasung makhosing adu ngasisu eikhoida phanghalli.

Laishon Ishei 119:11 Eina Nahakki maiyokta pap toudanabagidamak eina Nahakki wahei adu eigi thamoida lotsankhre.

Ephesians 6:11 Nakhoina diyabolgi lounamsingi maiyokta leppa ngamnabagidamak nakhoina Ishworgi lan-gi phijol adu shetlu.

12. Seitan gi aroiba maraibak adu karamna Absalom giga managani?

2 Samuel 18:17 Aduga makhoina Absalom bu puraga umangsing aduda leiba achouba ___ amada hunthakhi.

Isaiah 14:15 Adum oinamak nahakpu khamnung leibakta (Narakta), ___ adugi kham thengba arubasing aduda puthagani.

13. Ishworgi misingbu themnaba matam pumbada Seitan amuk hanna thoklakkadra?

Ezekial 28:19 Aduga nahak ___ ___ ___ makhatana leiraoi.

Nahum 1:9 ___ ___ oina awa anang (pap) amuk hanna laklaroi.

14. Ishworna phattaba mising tumna manghanbagi maramda kari phaobra?

Ezekial 33:11 Makhoida haiyu: “Eina hinglingei, phattaba misingna shiba eina ___ leite, adubu phattabasingna makhoigi phattaba lambidagi ___ ___ ___ eina pammi. Nakhoigi phattaba lambisingdagi mai leirak u, mai leirak u! Maramdi nakhoi keidoubagi shigani?

15. David na mahakki lalhouba macha nupa adu hatkhre khangbada mahakna karamna utkhibra?

2 Samuel 18:33 Aduga ningthouna ___ ___ ___ thongalgi mathakta leiba kada kakhatlaga kapkhi. Mahakna chatna chatna asumna haikhi, “He icha nipa Absalom, eigi icha nipa eigi icha nipa Absalom! Eina ___ ___ ___, he Absalom, eigi icha nipa, eigi icha nipa!”

NAHAKKI PAOKHUM

Masigi pukning shokhalliba wari asina swargagi Ipa Ishworna magi mangkhraba machasinggi maramda karamna phaobra haibadu utli. Eikhoigi mahut sinduna Mahakna shiningkhibata nattana; Mahakna mahakki khwaidagi chaoraba khudol oiriba Mahakki macha nipa pibikhiduna Mahakna makha taba khongthang ama loukhi. Kanagumba mioi amana shiba adu Ishworna oihanningde. Nahakpu kannabagidamak Mahakna angamba thakta hotnei. Maram asinani Jesuna nahakki mahutta shikhiba. Swargagi Ipa Ishworgi maiyokta lalhoubada prithibigi mi ayambana Seitan ga khutshamnakhi. Nahakna houjik Mahakpu nungshinaba amasung thougal tounaba khanjagadra?

NAHAKKI PAOKHUM: _________

AHENBA HAPCHANBA WAROL

Masigi section asina makhatana neinanaba ahenba i -paosing pi.

Tyre amasung Babylon gi Ningthousingna Marka(symbol) oiba Seitan

Isaiah 14:4-15 da, Babylon gi ningthou bu Seitan gi symbol oina Bible na sijinnei, amasung Ezekial 28:11-19 dana, Seitan asi Tyre gi ningthou gi symbol oina sijinnei. Phibam animakata symbol sijinnaduna phongdokliba wakhallon asi malemgi ningthousingi wangmada lei haiba eikhoina khangi maramdi Ishworna shaktakliba thawai panba jiba asi shiba naiba mioiba amada hekta pansanba oithokte. Makhagi shastragi warolsing asida Lucifer (houjikna Seitan kouba) bu sandokna takliba ma-ong asi khangjillu:

• Swargadagi takhiba (Isaiah 14:12)
• Chung phiral chana phajaba amasung lousingna pik thanba (Ezekial 28:12)
• Eden da leirammi (verse 13)
• Mamal yamba mani muktana mahakki phijol oirammi (verse 13)
• Nahakti thao noibikhraba kupsalliba cherub (swargadut kanglup ama) oirammi (verse 14)
• Ishworgi ashengba chingthakta leirammi (verse 14)
• Mahakki lamchat sajatsing mapung pharammi (verse 15)

Babylon amasung Tyre gi ningthousingna Seitan gi ninghtou leibaka chap mannaba thabak thousilsing utkhiba amasung chap manna tumna mangkhiba maramna, Ishworna makhoibu Seitan mashakmak oina mahut sinduna phongdokpada sijinakhi. Bible gi angamba shaktising ayambamakna masigi symbol oina sijinnaba asida mot tinnei. Matang chanana, Biblena Lucifer ga mari leinaba kayamarum (Reference) iduna thammi, (yengbiyu Luke 4:5, 6; 10:18; John 8:44; 2 Peter 2:4; 1 John 3:8; Jude 6; Revelation 12:7-9), adubu Ezekial 28, amasung Isaiah 14 yaodana, eikhoina Seitan gi mapung phaba itihas phangloi.

Thokkani Haina Thajadabadu Thajaba

Aroiba matamda mi kayamarumna Seitan asi Ishworgi yeknaba oina phongna thoklakkani haina aasha touduna thajanei, adubu asumna oiroi. Thangeisengna Seitan asi Ishworgi tamthikhraba yeknabani, adubu mahakki thangjillakpa khongthangdi dhramachenba shasinnagani (Matthew 24:24). Mahakna matik mangal leiba swagadut amagumna shaktam louba ngammi (2 Corinthians 11:13-15) amasung misingna mabu khurumnaba thigani (Phongdokpiba 13:12). Mahakki dhrama chenba matou asi asukki matik thajahanduna “malem prithibi pumbana” sha aduda ngakpa phaogani (Phongdokpiba 13:3) haina shastrada mayek shengna yaoi. Khudongthiba thoudok amagi maramda wari sao! Malem pumbana matam leiba khibikta Jesugi matung illi khalladuna, makhoi ayambana mahakki matung inhanna bagidamak Seitanna ithil asukki matik leina Christagumna shaktam shagani. Nakhoibu namthak tougadra? Masigi neinabagi mathang manao naiba parasing asida piriba Bible gi cheksin wasing asi cheksinna lousallabadi nakhoibu namthak touba ngammoi.

Matik Mangal Chaoba Swargadut Ama

Longkhumsing khaidokpa amasung ashangba, machin tumba mamei panduna, natraga yotkhot ama paiduna amasung narakki meibulsing hunduna landaba, mi tangkhai amadi sha tangkhai oiba shekpigi masha panba mashak thiba angangba jib oina mahakpu yetkuna shak takpa matamda Seitan asi yamna nungai. Achumbadagi karisu makha tana lapthok-hanba ngammoi. Asigumba wakhallonsing asi Greek mythology (bhapna shagatpa laising) dagi lakpani. Shastrada asigumba kok yaodaba gyan asi phangba ngamde. Seitan asi yamna matik mangal chaoba, mayamga mannadaba ma-ongda pao phaodok phaosin ngambagi magun leiba kham thengna pukning chingsalhalliba swargadut amagumna Bible na sandokna tak i. (Matthew 4:5, 6). Diyabol asi masha mathantana laothokchaba Ishworgi yeknabani. Ishworgi lamchatpu thihanba amasung Mahakki ningthou leibakpu khudum chanba haiba asina mahakki touge ningba pandamni. Seitan nasu nakhoi amasung nakhoigi nungshiba misingbu hangoi amasung nakhoibu tumna manghannaba thourangsing shemmi. Nakhoina mahakki thourangsing mamut tana khangba amasung makhoibu karamna aremba tahan-gadage tambada masigi mathang manao chatthaduna neinabasing asina mateng pangani. Nakhoigi ingam ngamba Kanbiba Mapugi ngakpi shenbiba makhada nakhoigi punshi adu hekta sinnou, amasung Mahakna lamjingbinaba pukning changna haijou.

Tungda Thokkadaba Mangjounana Haidokpagi Drisha, Lesson 3 ©2022 Amazing Facts International All Rights Reserved