Kum ruk chhung teh meuh mai chu mi tlemte rin tlak em em te tih chauh lo chuan Pathian biakbukah chuan lal thisen kai naupang chu thuhrûk a ni tih chu an hre lo a. Puithiam hotu, Jehoiada chuan Joash-a chu a ril a rah a fapa ang maiin hmangaih takin a zirtir thin a. A tawp a tawpah chuan sipai zahotu (captain) mi rintlak nia a ngaih bulah chuan Ahaziah-a fapa naupang ber chu ala dam a ni tih chu a hrilhru ta a. Nimahsela zirtawp tlai thleng chu nghakin, mi dik tak tak ten Sabbath ni a temple-a inkhawm tura an rawn kal hunah chuan an lal la naupang tak chu ala dam a ni tih hrilh hre turin thuthulkna chu an siam ta a. Sipai tam tak kil tina an awm hnu chuan, Jehoiada chuan Davida thlah naupang chu mipui hmaah chuan a rawn hruai ta a inhmelhriat tirna a han neih sak nghal zata, a tir chuan mipuite chuan mak tiin an meng phawk hru maia, nimahsela lal lukhum khum tir a han nih meuh chuan,” kut an benga, heti hian an sawi a, “Pathian chuan lal chu hum zel rawh se” tiin. 2 Kings 11:12.

Misual tak Athaliah-i chuan temple chhung atanga tawtawrawt ri leh mipui hlim thawm alo hriat chuan hmanhmawh takin temple lam chu a rawn pan a, nimahsela nunrawng taka lal alo hrawt thinna hun chu a tawp ta tih bak a rawn hrechhuak ta lo. Khami ni ngei khan a ni, amah leh a zuitute chu thah an nih a, Joash-a chu lalram thuneihna pek alo nih tak ni chu.

Kan Bible chuan lal Davida fapa van biakbuk atangin tawtawrawt ri nena a lalram rawn awp tur leh misualte ala rawn hneh tur thu min hrilh a.

THU ZIR

Bible thu i chhiar zawh hnuah a kar awlte hi dah khat rawh.

1. Van biakbuk atanga rawn la chhuk tur Lal a tih hi tu nge?

Thupuan 14:14 Tin, ka han en a, ngai teh, chhûm var ka hmu a; tin, chhûm chungah chuan ___ ang tak hi, rangkachak lallukhum.

2. Isua rawn kal leh hunah chuan thawm dim takin a rawn kal ang em le?

1 Thessalonika 4:16 Lalpa ngei chu ___ ___ ri nên.

Jeremy 25:30 Lalpa chu hmun sang atangin a ___ ang A chenna thianghlim atangin a râwl a chhuah ang; A huang chhungah nasa takin a rûm ang. ___ angin a au vang.

Sam 50:3 Kan Pathian chu alo kal ang a, a ngawi reng lo vang: A hma lamah chuan ___ a kang hluah hluah ang a, A velah chuan thilpui nasa tak a tleh bawk ang.

Note: “Thlipui Hrang,” tih awmzia chu “buai but but tihna a ni. Isua lo kal lehna chu sawi hleih theih lohva ring a ni dawn a ni. A rukin engmah a thleng dawn lo.

3. Isua lo kal lehna chu eng thil ten nge rawn zui ang?

Thupuian 16:18 ___ pawh nasa takin alo nghing a, leia mihring awm achin chutianga nasa reng reng a la awm ngai lo, lîrnghîng chuti kauva nasa leh râpthlâk chu.

4. Tuten nge Isua chu a rawn kir leh hunah chuan hmu dawn le?

Matthaia 24:30 Chutih hunah chuan Mihring Fapa chhinchhiahna chu vânah a lang ang. Chumi hunah chuan leia ___ an âwmte an inchûm ang a, Mihring Fapa hi thiltihtheihna leh ropuina nasa tak nên, vân chhûm chunga ___ an hmu ang.

Thupuan 1:7 Ngaiteh u, ani chu chhûmte nên chuan a lo kal dâwn e; ___ an hmu ang a.

Note: Hei hi a fiah lutuk a, hriatthiam loh chi a ni lo. Nung dama awm tupawh, misual emaw mi felte emaw pawhin, leia Isua lo kir lehna chu an hmu ang. A ruka Pathian mite lawrkhawmna hi Bible-ah hmuh tur a awm lo a ni.

5. Isua lo kir leh hunah chuan tute nge a kiangah awm ang?

Matthaia 25:31 Amaherawhchu, Mihring Fapa hi chu, A ___ zawng zawng nên, a ropuinaa inthuama a lo kal hunah chuan a ropuina thutphahah a thu ang a.

Note: Lalpa lo kal lehna eng lakah chuan hydrogen bomb puak atanga enna lo chhuak pawh a hnim ruai dawn a ni. Isua thlanah khan, angel pakhat enna pawhin Rom sipaite kha mitthi ang maiin a thihdantir theih a ni a (Matthaia 28:2-4). Angel zawng zawngte enna chuan Isua lo kal lehna chu eng takin a siam ang a, tu man an hmaih thei dawn lo a ni. Hei bakah hian, Isua leh a Pa ropuina nasa tak chu a la awm bawk ang a (Luka 9:26). Isua lo kal lehna chu khaw chhak atanga khaw thlang thlenga kawl a phe ang hi a ni dawn a ni (Matthai 24:27).

6. Lal Isua eng chuan misual dam laite chu engtin nge a nghawng ang?

2 Thessalonika 1:7, 8 ___ leh ___ âwihlo mite chunga phuba lain, vântirhkoh chak takte nên ,mei alh zînga vân atanga a inlar hunah .

2 Thessalonika 2:8 Chumi lâk bo hunah chuan Dân Bawhchhepa chu a lo lang tawh ang, Lalpa Isuan ani chu a kâa thawin a tihlum ang a, a lo kala inlârnain a ___ ang.

7. Isua lo kal hunah chuan mifel te chu engtin nge an awm ve tak ang le?

1 Thessalonika 4:16 Kristaa thi tawhte chu an ___ hmasa ang a.

8. Hetih hunah hian minung te leh mithianghlim kaihthawh te hi engtin nge an awm ang le?

1 Korinth 15:52, 53 ___ chu a ri dâwn si a; chutichuan, mitthite chu tawih thei lova kaihthawhin an awm ang a.

Note: Pathian chauh lo chuan thihtheihlohna an nei lo a (1 Timothea 6:15, 16). Nimahsela, Isua lo kal leh hunah mifelte hnenah thilthlawnpek anga pek a ni dawn a ni. An taksa p[awh Isua taksa angin, van taksa – tawih thei lo taksaa tihdanglam a ni dawn a ni (Filipi 3:20, 21).

9. Tih danglam kan nih hnu chuan, mitha te chungah chuan eng thil nge thleng zel tur chu?

1 Thessalonika4:17 Chumi hnuah chuan keini nunga lo la awm rengte hi, boruakah ___ hmuak tûrin, anmahni rualin chhûm zîngahte khian lâk chhohvin kan awm ang.

Note: Pathian mi thianghlimte chuan Lalpa chu boruakah an tawk ang a. A lo kal leh hunah Isua chuan lei hi a rap dawn lo a, chuvangin, mi tam tak rin angin leiah hian a rawn lang dawn lo a ni. A lo kal lehna chu vanah a thleng a dawn a, leiah a lo lang dawn lo a ni.

10. Eng ang tangin nge Isua lo kal lehna tur thu kha urhsun taka min hrillawk (warning) te kha?

Matthaia 24:5 Mi tam tak, “Krista chu ka ni,” tiin keima hming chhâlin an lo kal ang a, mi tam tak an ___ dawn si a.

Matthaia 24:24, 26 Krista derte leh zâwlnei derte an lo chhuak dawn si a, chûng chuan theih ang sela, thlante meuh pawh an tihder theih nân chhinchhiahna leh thilmak ropui takte an ti ang ... Chutichuan “Pindan chhûngrilahte a awm “an tih chuan ___.

Note: Setana chu leiah ropui taka Isua anga lo kalin lem a lo chang phawt dawn a, tluklehdingawn chuang mi a bum dawn a ni. A lo kal leh hunah lei a rawn rap lovin boruakah a awm dawn tih Isua chuan min lo hrilh tawh a. Setana bumna mitdawivaih chuan mi tam tak a hneh ang a, a tam zawkte chu bum an ni dawn a ni.

11. Bumna chu engtin nge mifelte chuan an pumpelh tak ang le?

Isaiah 8:20 Dân Thu leh Hriattîrna Thu chu râwn tûr a ni tiin. Chu mi thu ang zela an ___ chuan an tân khua rêng rêng a vâr thuai dâwn lo a ni.

Note: Pathian mite chu bum an ni dawn lo va, a chhan chu, Isua lo kal dan tur phung chu Pathian thu atang an zir dawn a ni (Tirh 17:11). Pathian thu nena inmil lo chu a lem a ni a, hnawl tur a ni. Isua chuan min vau lawk tawh. Matthaia 24:45, en rawh, a hmain ka hrilh tawh che u kha.

12. Krista derte va hmuh hi a him em?

Matthaia 24:26 Chuti chuan in hnenah “Ngai teh u; thlalerah awm a,” an tih che u chuan ___ suh u.

13. Engtin nge Isua lo kal leh hun tur chu kan hriat theih tak ang?

Matthai 24:36 Nimahsela, chumi ni leh a hun thu chu Pa chauh lo chuan tu mân, vâna vantirhkohte pawhin, ___ pawhin an hre lo.

Matthaia 24:33 Nangni pawhin chûng zawng zawng chu in hmuh hun chuan ___ kawngka bul ngeiah a awm tih hria ang che u.

Note: Pathian chauhin Isua lo kal leh hun tur tak a hria a. A hun bi leh darkar chhutchhuah tumna hi Bible kalh a ni. Nimahsela, Isua chuan A lo kal lehna chhinchhiahnate kan hmuh hunah chuan (Matthaia 24: 4-51; Luka 21:8-33), A lo kal lehna chu a hnai hle a, kawngkhar bulah a ding a ni tih kan hre thei dawn a ni tih fiah takin a sawi a ni.

14. Isua lo kal leh vawi hnih naah hian van angelte hian enge an tih dawn?

Matthaia 24:31 Tin, a vantirhkohte chu ... Anni chuan ___ chu kawl kil li ata-vân tâwp atanga a tâwp lehlam thlengin-an lâwr khâwm ang.

Note: Isua lo kal leh hunah chuan nangmah vengtu vantirhkohte chu nangmah be hmasa bertu che an ni mai thei a ni (Matthaia 18:10). A va nuam dawn em! Bible-in Isua lo kal lehna – “beiseina nung,” a ti hi thil awm tak a ni.

15. Isua lo kal vawi hnihna hnaih tê a awm mek kan ni si a, engtin nge heng hun pawimawh tak leh ropui tak hi kan lo dawn sawn tak ang le?

Matthaia 24:44 Chuvangin, nangni pawh inring rengin awm rawh u ___ Mihring Fapa a lo kal dâwn si a.

16. Isua lo kal leh hunah chuan engtin nge mite chu thungrulh an nih dawn le?

Thupuian 22:12 “Ngai teh, ka lo kal thuai dâwn e; mi tin ___ ka lâwmman ka hnênah a awm.

Note: Mite chu khawngaihna avanga chhandam an ni ang a, nimahsela, an insawi ang ni lovin an thiltih ang zelin lawmman pek an ni ang.

17. Eng thilte nge misualte chuan Isua lo kal leh hunah chuan an sawi dawn?

Thupuan 6:15-17 Tin, leia lalte, mi liante, ... tinrengte chu pûkah leh tlanga lungpuiah chuan an biru a; tin tlangte leh lungpuite hnenah chuan “Min delh ula ... ”a thinurna râpthlak tak chu lo thlen tak hi; tichuan, ___ an ti a .

Note: Hun tawpa lirnghing rapthlak tak lo thleng hunah chuan, misualte chu hlauhna avanga thlabarin, inpeih lova Lal Isua hmuh ai chuan lungpui leh tlangte chu indelhtir an duh zawk dawn a ni.

18. Mifelte chuan Isua lo kal leh hunah chuan enge an sawi ve dawn?

Isaiah 25:9 Tin, chumi niah chuan “Ngai teh u, hei hi ___, a chhandamnaah chuan kan lâwmin kan hlim ang,” an ti ang.

19. Engthil nge Isua lo kal lehna hian a tum bulpui ber chu ni ta ang?

Johana 14:3 Tin, in tân ___ ka han siam chuan, ka lo kir leh anga, ka hnenah ka la ang che u; ka ___ nangni pawh in awm theih nân.

Note: Isua thil tum zinga hlimawm a tih ber chu kan tana a buatsaih in ropuia A fate hruai haw tura leia lo kir a ni. Thawipikna te, tahna te, rilru natna te, dam lohna te chu kumkhuain a awm tawh lo vang a. Lawmna te, muanna sawihleih theih lo chu chatuanin a awm tawh zawk ang.

I CHHANNA

Isua chu chhum zingah a rawn kal thuai dawn a. Tunah hian a tawk turin i in peih tawh em?

CHHANNA: ______________

HRIATBELHNA / PUITU

Hetah hichuan i zirchianna atan a pui theitu che ziah belh a ni.

A Ruka Mi Thianghlim Lawrna

A ruka mithianghlim lawr kan tih mai (secret rapture) ngaihdan pawmtu hi mi tamtak an awm a heng mite hian thil hi an zirchiang tawk lo hle a ni; he ngaihdan pawm tute hian innghah chhan bulthut chi riat ngawt an nei nge nge a. A enga pawh chu lo nise he ngaihdan hi a dik reng em tih kha kan zawn chhuah tur chu a ni (Tirhkohte thiltih 17:11). Heng a hnuaia thu hlawm chi riat te hi a ruka mithianghlim lawr a awm tih ring tute ngaihdan chu a ni .

1. Mithianghlim lawr chu a ruk in a thleng ang.
2. Mithianghlim lawr chu hmuhtheih a ni lo ang.
3. Mithianghlim lawr hunah chuan misualte chu an la dam zui zel ang.
4. Pathian chuan sawithilhna (tribulation) a thlen hma in mifel te chu a hum him ang.
5. Isua lo kalehna chuan chhawng hnih a nei anga,
6. A ruka mithianghlim lawr leh
7. Isua ropui taka alo kal lehna tak tak.
8. He Isua lo kal lehna chhawng hnih awm inkarah hian kum 7 a tla zep ang.
9. Krista Dodaltu-a chu alo lan hma in mithianghlim lawr hi a thleng ang, tin chumi hnu chuan insawitilhna chu Krista Dodaltu-a chuan a thlen tir dawn.
10. Hetih hunah (sawitilhna hunah) hian a ni misual te chuan simna hun nei leh in Pathian rawngbawl theihna hun remchang siam sak an ni leh ang.

Heng zawng zawngte hi zirchian vekna kan pholang dawn a nih chuan hemi hmun a ziah vek sen a ni lo a. Mahse, a tlangpui thu erawh chuan kan hrut thuak thuak tho ang, an thu bulthut in nghahna pa khat na leh pa hnihna te he zirlaiah hian tarlan ani anga, hei bakah hian a sawichianna tura thai lan an ni leh bawk ang. Thu dengkhawng tak tak hmu turin in buatsaih rawh le!

1. Mithianghlim lawr hi a ruka thleng tur a ni lo, a bengchheng hle zawk dawn a ni. Thuziak chuan Isua chu heti hian a rawn chhuk tur thu a tarlang a “Au thawm nen, vantirhkoh chungnung ber aw nen, Lalpa tawtawrawt ri nen “1 Thessalonika 4:16 heng thu kan en hian a tawngkam hman hi a uar hle a ni. Davida chuan tihian alo sawi a “Kan Lalpa chu alo kal anga, a ngawi reng tawp lovang ... thlipui ang maiin (nasa tak, ri hum hum) a hual vel bawk ang” Sam 50:3. Jeremiah chuan tihian alo sawi bawka “Lalpa chuan nasa takin thawm a nei anga, ... nasa takin thawm a chhuah ang ...; awrawl a chhuah anga ... a thawm chuan khawvel hmun tin a fan bawk ang.” Jeremiah 25:30, 31. Heng kan tarlan takah te khan engmah hi zawi sit set takin a thlen hmel loh khawp mai! Isua lo kal lehna chuan khawvel chu a nghawr nghing (ri a chhuah) dawn a ni. He thu hi lo chhinchhiah rawh aw. Isua lo kal leh huna ila dam a nih chuan, alo kal a ni tih chu i hrethei khawp ang. I bengte chu a sawk khawk ri ring tak chuan a rawn fan dawn si a.
2. Mithianghlim lawr hi hmuh theih loh a ni dawn lo; mi zawng zawng hmuh alo ni zawk si ang. Angel zawng zawngte chu Isua rualin an rawn kal ang (Matthaia 25:31). Angel pakhat chiah Isua thawhleh naah khân a inlan a, nimahsela a inlarna eng kha a nasat em avangin Rom sipa te kha mitthi tur ang maiin an tlu sawp a ni (Matthaia 28:2-4). Van angel zawng zawngte eng rawn lang thut tur chu han dawn mah teh! Hemi piah lamah hian angelte eng ropui chu Isua ropuizia lantirtu an la ni dawn zui (Matthaia 25:31) tin, Pa Pathian ropui na nen chu ni dawn a mawle (Matthaia 16:27). A eng chuan mi zawng zawng a chîm dawn si a. Isua chuan tihian a sawi belh leh a “Kâwl, chhak lamah a lo phe chhuak a, thlang lam thleng pawhin a lang thîn a, Mihring fapa lo kal lehna chu chutiang chu ani dâwn si a,” Matthaia 24:27. A ruk ani ang maw? Han ngaihtuah kual vel pawh a ngai lo. A nihna takah chuan, kan Bible chuan heti hian alo rem fiah thlap tawh si a, heti hian a sawi a “Ngai rawh u, mi zawng zawng hmuh theih turin chhum zingah hian alo kal khi” Thupuan 1:7. Thlamuang takin awm rawh, Isua lo vawi hnihna thlen lai hian i dam a nih chuan, ngaiteh i mit ngeiin i hmu ang!
3. Mithianghlim lawr hian misualte chu a chhuah tawp lo ang. Lalpa lo lan lehna ah chuan tih boral in an awm ang (Isaiah 11:4; Malakia 4:1; 2 Thessalonika 2:8).
4. Pathian chuan sawitilhna hunah chuan mifelte chu la sawn lo mah sela, chu hun paltlang turin a humhim dawn. (Sam 91:5-12).
5. Isual lo kal lehna hi tum hnih a then a ni dawn lo – pakhat hmuh theih, pakhat hmuh theih loh (tih vel ang kha awm dawn lo). Alo kal lehna hi tum khat chiah a thleng dawn, chubakah, minung zawng zawng hmuh thei tur a ni bawk ang. Alo kal lehna hi chhawng hnih a then ani dawn e tih sawi tumna ah hian Bible-ah tan chhan pa khat te mah a awm lo.
6. A ruka mithianghlim lawr a awm dawn tih zir tirtute hian Isua ropui taka mifelte lam tura a rawn kal lehna leh chumi hnua rawn kal leh na tur hun inkarah chuan kum 7 a tla zep ang an ti a, he thu hian thuziak (Bible-ah) tanchhan pakhat mah a awm lo.
7. Krista dodaltu chu Isua lo kal lehna (second coming) hnuâ kum thum leh a chanve chung rawn lang tur a ni lo a. Kum za tam tak rawn inlar tur a ni zawk (1Johana 4:3) tunah pawh a kawhmawh bawlna chu a in tan reng si a.
8. Isua lo kal leh hunah chuan misualte chuan inlamletna hun an nei tawh dawn lova. Misual zawng zawng chu tih boral an ni dawn si. Isua lo kal leh hunah chuan tu tan mah inlamletna hun a awm tawh dawn lo.