CHAPONA LAL FAPA

2 Samuela 13:1-18, 33

THAWNTHU..........

Absaloma kha Davida fapate zingah hmelṭha ber, fi ng leh tumruh tak mai a ni a. Bible chuan, “Israel zawng zawng zinga Absoloma ang renga hmêl ṭhata fak kai tumah an awm lo va:a ke ler aṭangin a chhip thlengin sawiselna rêng rêng a awm lo va” tiin (2 Samuela 14:25).

Mahse, he Lal fapa tumruh tak mai hian a hmelṭhat leh a pian nalh avanga mipuite ngaihsan leh chawisan ringawt chu duhtawk mai lovin a pa lal ṭhutthleng chu a ît ta tlat mai. Engang harsatna pawh paltlang ngai dawn mahse Israel Lal nih chu a a tum bul ber a ni.

A hmasaberin a u, Amnon-a a that phawt a, Amnon-a hian a unau nu Tamri alo khawih chhiatsak avang a ni. Amnona hi Davida fapa upa ber, a aia Lal thei tur a ni a. Chumi hnuah chuan mipuite ah a pa Davida rorelna, dân leh thuneihna rinhlelhna te, an thinlung hnehsak thei ngei turin thu a
thehdarh a” (2 Samuela 15:6). A tawpberah Absaloma chuan a pa ngei chu thatin, a lalram chhuhsak a tum a, a phiarûkna leh a ruahmanna tenawm tak chu leihbuakin a awm ta a, Lal Davida leh a hnungzuitute chu Jerusalem aṭangin kal chhuak tura nawrluih hial an ni.

Nasa taka indona neih zawh a nih hnu chuan, Lal fapa Absaloma chu thah a ni a, Lal Davida chuan lal ṭhutthleng a luah leh ta a ni.

Thawhthu lungchhiat thlak tak chu a ni phawt mai! Mahse he thawnthu hi, lal chhungkaw inhmelmâkna awm chhun a ni hauh lo, hetiang deuh hi hmanah Lal ram pakhatah a lo thleng daih tawh a, chu thil thleng chuan helna rapthlak berte zinga mi a chawk chhuak a. Chu lalram chu – Vanram tiha koh a ni!

ZIRLAI

Bible châng chhiar hnu ah a karâwl te hi dahkhat rawh

1. Vanrama lal fapa hel kha tunge a hming? Eng nge a hel nachhan?

Isaia 14:12 Aw __________, zîng lam fapa, eng tizia nge vân ata i tlâk tâk chu le! Hnam tin titlâwmtu, eng tizia nge leia sah thlâka i awm tâk chu le!

Isaia 14:13-14 I chhûm aia sâng zâwkahte khian __________ chho vang a, __________ ang maiin ka __________ ang,’ i tih ṭhin vei nên khân.

Ezekiela 28:17 I __________ vânga lo chapovin, I __________ i finna tikhawlovin, Leiah ka paih chia, Lalte hmaah mualah ka pho che – ennawmah.

Note: Lucifera hi Pathian thilsiam zinga châk ber leh mawi a ni. Vantirhkoh te te zingah leh van zaipawl zinga ropui leh chungnung ber a ni a. Mahse, a mawina kha chaponain inluahlantir a phal tlat a. (Satan-a’n Ture lal leh Babulon Lal a en tir tih en tel bawk la)

2. Pathianin Lucifera a siam khan sual a siam tel em?

Ezekiela 28:15 I ṭha __________, siama i awm ni ata, nangmaha __________ a awm hma rêng zawng.

Note: Pathian chuan vantirkoh ṭha famkim a siam a, a duhthlanna ngeiin sual kawn a zawh a, Lucifera hi suala a tluk hma hian hre hmasa ta ila chuan kan ngaina em em dawn a ni. Lucifera hian a thinglung chhungril taka sual a luh hma hian engtianga rei nge Pathian a chawimawi hi kan hre thei kher lo ang. Pathian chuan a thilsiam te hi robot angin a siam thei a, mahse robot te chuan hmangaihna an nei lo. Hmangaihna dik tak chuan hlauhawm leh thil kal diklo thei tamtak a awm tih hre mahse zalena a pe ṭhin.Hei vang hian an faten an thu an zawm loh chang a awm dawn a ni tih ring tho chungin nu leh pa tamak chuan fa nei turin duhthlanna an siam a ni. Pathian khan Lucifera kha helna kha kaltlangpui a phal a, a chhan tam tak awm. Chung te ch – pakhatnaah chuan Pathian hian a thilsiamte duhthlanna famkim a pe ngei em tih zawhna awm thei te chhan na atan. A pahnihna, Pathian hian Lucifera kha chawplehchilhin ti boral nghal ta se, Pathian thilsiam dang ten zawhna tamtak an nei dawn a ni. “Lucifera khan alo sawi dik ngawt mai” tih te, chuvang chuan sual rapthlak zia kawhhmuhna atan lucifera kha hman a ni thei dawn a ni. A tawp berah chuan, Pathian chuan, a thilsiam te kha tihluihnaa chibai buk turin a duh lova, hlauhna vang nilovin hmangaihna avangin a thu awihturin a duh a ni.

3. Enge thil chiah nge thleng ta?

Thupuan 12:7 Tin, __________ chuan indona a lo __________ a; Mikaela leh a vântirhkohte chuan dragon chu an do va; __________ leh a tirhkohte pawh chuan an do ve a;

Note: A tawpah chuan Lucifer-a leh amah tantu angelte chu hnawhchhuah an ni.

4. Eng thiltihtheihna nge sual thuneihna hnuaiah awm?

Thupuan 12:4 A mei chuan __________ arsi hmun thuma ṭhena hmun khat chu a hnûk a, leiah a paih thla ta a; tin, a hrin huna a nau chu a lem theih nân, dragon chu hmeichhe nau hring tûr hmaah chuan a ding reng a.

Thupuan12:9 Tin, dragon lian pui, rûlpui tar, Diabola leh Setana an tih, khawvêl zawng zawng bumtu chu an paih thla ta a; leiah an paih a, a
__________ pawh an paih thla tel ve a.

Note: Satana hi mi bum thiam tak vantirhkoh hmun thuma ṭhena hmun khat lai Pathian dodala a lama ṭang tura thlem thei tu a ni. Tunah chuan heng te hi “Ramhuai”leh “thlahrang” ti kan sawi te ah an lo chang ta a, setana tirhkoh ten lo ni ta ni. Absaloma thawnthu kan sawi tâkah khan
hetiang deuh thil thleng hi kan hmu a, Absaloma chuan a chhiahhlawhte hna tenawm tak tak thawkturin a tir a nih kha.

2 Samuela 13:28 Tin, Absaloma chuan a chhiahhlawhte chu, “Ngai teh u, Amnona uain ina a hlim laiin in hnênah, ‘Amnona chu that rawh u,’ ka tih che u chuan, that ula, hlau suh u, thu ka pe tawh che u a ni lâwm ni? Intihuai ula, intipasalṭha ang che u,” tiin thu a pe a.

2 Samuela 14:30 Chutichuan, a chhiahhlawhte hnênah, “I e u, Joaba lo chu ka lo kiang a ni a, barli a nei a, va hâl rawh u,” a ti a. Tichuan, Absaloma chhiahhlawhte chuan lo chu an va hâl ta a.

5. Engtiang kawngin nge setana’n hna a thawh ṭhin?

A. Thupuan 12:9 Tin, dragon lian pui, rûlpui tar, Diabola leh Setana an tih, khawvêl zawng zawng __________ chu an paih thla ta a; leiah an
paih a, a tirhkohte pawh an paih thla tel ve a.

B. Marka 1:13 Tichuan, Setana __________ chungin thlalêrah chuan ni sawmli a awm a, ramsa zîngahte a awm a; vântirhkohte chuan a rawng
an bâwlsak a.

C. Thupuan 16:14 c chûng chu ramhuai thlarau, __________ ti ṭhînte an ni; anni chu Pathian Engkimtitheia ni ropuiah indonaa hruai khâwm
tûrin, khawvêl zawng zawnga lalte hnênah an kal a

D. Thupuan 12:10 Tin, vânah chuan aw ring takin, “Tûnah chuan kan Pathian chhandamna leh thiltihtheihna leh ram chu a lo thleng ta, a
Krista thuneihna nên; kan unaute __________, kan Pathian hmaa a chhûn a zâna __________ ṭhîntu chu an paih thla ta si a.

E. Johana 8:44 A Nangni zawng in pa Diabola aṭanga chhuak in ni a, in pa duh zâwng tih in duh a ni. Ani chu a tîr ata tual __________ a ni, thutakah a awm lo, a chhûngah thutak rêng a awm loh avângin. Dâwt thu a sawiin ama tihchhuah a sawi a ni ṭhîn; dawthei a ni si, __________ pa pawh a ni.

Note: Kawng khatah chuan sual leh ṭha indona ah hian Setana ṭanhmun hi a ṭha deuh zawk niin a ngaih tuah theiha. A chhan chu Pathian hian thudik chauh a hmang a, mahse, Setana chuan thudik leh dawt chawhpawlhin a thil tum chu hlen a tum a ni (he thupui hi en tel bawk la “Besei awmloh thil besei rawh”).

6. Sual hian engtik hunah nge a vawrtawp a thlen ang?

2 korinth 11:14 Chu chu a mak lo ve; Setana meuh pawh __________ __________ a insiam chawp si ṭhîn a.

Note: Setana ang chiah hian, Absaloma pawhin mipui te bum nan khan hmangaihna leh ngainatna a lantir ve a ni.

2 Samuela 15:5-6 Hetiang pawh hian a ti a, tu pawh amah chibai bûk tûra han hnaih apiangte chu a lo ban a, a chelh a, a lo fâwp ṭhîn a. Chutichuan, Israel mi, lal hnêna thusawi tûra lo kal apiangte chu Absaloma chuan chutiang chuan a lo ti zêl ṭhîn a. Chutichuan, Absaloma chuan Israel mite thinlung chu a hîpsak a.
Setana chu kohhran chhunga thawka thlarau mi anga inlan hi a hlauhawm theih dan ber a ni.
(A belhchhah nan “A Brilliant Angel” hi en bawk la)

7. Satana hian Bible a hre ve em?

Matthaia 4:5-6 Chumi zawhah chuan Diabolan khaw thianghlimah chuan a hruai lût a, Pathian biak in chhîp zumah chuan a dah a; tin, a hnênah, “Pathian Fapa i nih chuan tla thla rawh; ‘I chung __________ zawng a vântirhkohte chu thu a pe ang a, An kutin an dâwm ang chia; Chuti lo chuan, i kein lung i chhuih hlauh dah ang e,’

Note: Sual hian mite bumna atan Bible thu kaih lek leh thu lakchhuaha han phuah belh vel hi a thiam em em a. Chuvang chuan Pathian mite hian Pathian thu hi anmahni pualin hruai sual an nihloh nan chhiar taimak a ngai hle a ni.

8. Sual hian khawvelah tunge beih a tum ber?

Thupuan 12:17 Tichuan, dragon chu __________ chungah chuan a lo thinur a, a thlah la __________, Pathian thupêkte zâwma Isua hriattîrna thu pawmte chu do tûrin a kal ta a.

9. Bible hian Eng ramsa hlauhawm pahnih nge Satan entirnan a hman?

1 Petera 5:8 Ngaihven ula, fimkhur rawh u; in khingpui Diabola chu __________ rûm ṭhîn angin, a ei theih tûr zawngin a phi ruai ṭhîn;

Thupuan 12:9 Tin, dragon lian pui, __________ tar, Diabola leh Setana an tih, khawvêl zawng zawng bumtu chu an paih thla ta a; leiah an paih a,
a tirhkohte pawh an paih thla tel ve a.

Note: Sakeibaknei leh rulte hian an eiturte tana hmuh theih loha awm dan an thiam em em a, Setana ang deuhin, an hmelmate hmaah rawn lang thutin khawngaina tel miahlovin an nghaisa ṭhin a ni.

10. Setana kan dodal theihna kawng awm chhun engnge ni?

Jakoba 4:7-8 Chutichuan, Pathian thû __________ awm rawh u; amaherawhchu, Diabola dodâl rawh u; tichuan, a tlân bosan ang che u. Pathian hnaih rawh u; tichuan, anin a __________ __________ che u. Mi sualte u, in kutte sil fai rawh u; rilru bulbâl nei lote u, in thinlung tithianghlim rawh u.

Note: Pathian kan hnaih theihna kawng ṭha ber chuawngṭaina leh Pathian thu ngaihsaka aṭangin a ni.

11. Engtin nge Isuan thlemna a do hneh theih?

Mathaia 4:10 Chu veleh Isuan a hnênah, “Setan, kal bo daih rawh! ‘Lalpa i Pathian chibai bûk la, ama rawng chauh bâwl rawh,’ __________
__________ a __________,” a ti a.

Ephesi 6:17 Tin, Chhandamna lukhum leh Thlarau ngûnhnâm ( __________ __________ chu) la ula,

Hebrai 4:12 Pathian __________ hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thlîng phel hrang khawp hialin a chhun thei a, thinlunga ngaihtuah leh tumte hi a hre nghâl thei a ni.

Note: Setana thlemna aṭanga kan chhuah theihna kawng awm chhun chu Pathian thu kan thinlunga kan dah aṭangain a ni. Isua ngei pawh khan sual lak aṭanga himnan Pathian thu hi a hmang a nih kha.

Sam 119:11 I chunga thil ka tihsual loh nân i thu chu ka thinlungah ka khâwl khâwm a.

Ephesi 6:11 Diabola ngamthlêmnate chu in do zawh nân Pathian râlthuam famkimin inthuam rawh u.

12. Engtin nge Setana bumna hnuhnung leh Absaloma bumna hian inan na an neih?

2 Samuela 18:17 Tin, Absaloma ruang chu an la a, ngawah __________ thûk takah chuan an paih a, a chungah chuan lung an tiang khâwm thûr a; tin, Israel mi zawng zawngte chu mahni puan in ṭheuhvah an tlân haw ta a.

Isaia 14:15 Nimahsela, Seol-ah, __________ tâwp rêtahte chuan hruai thlâkin i awm dâwn si.

13. Pathian mite bum turin Setana hi a rawn inlar leh dawn em?

Ezekiela 28:19 Mite zînga a hria apiang che mak tiha’n. ṭihkhaiah i lo chang ta, I __________ ngai rêng rêng tawh lo vang le, tiin.

Nahuma 1:9 Lalpa kalhin eng nge in suangtuah? Tâwp dêrna a thlentîr dâwn a ni, phuba __________ __________ a ngai lo vang.

14. Engtin nge Pathianin Misual te tih boral an ni tur hi a dawnsawn ang?

Ezekiela 33:11 An hnênah chuan, ‘A nuna ka nun chhûng chu, mi suaksual thihnaah hian __________ rêng ka nei lo va, mi suaksualin a awm dân a __________, a __________ hi ka lawm zâwng a ni zâwk. In awm dân ṭha lo aṭang chuan kîr ru, kîr ru. Aw, Israel chhûngte u, engah nge in thih ang le, tih hi Lalpa Pathian thuchhuak a ni,’ tiin sawi rawh.

15. Engtiangin nge Lal Davidan a fapa Absoloma a thi tih ahriat khan a sûn?

2 Samuela 18:33 Chutichuan, lal chu a __________ ta hle mai a, kulh kawngka chunga pindanah chuan a chho va, a ṭap a. Tin, a chhoh pah chuan, “Aw ka fapa Absalom, ka fapa, ka fapa Absalom, __________ __________ han __________ teh zâwk ila aw! Aw Absalom ka fapa, ka fapa!” a ti a.

I CHHANNA

He thawnthu hian vân Pathianin a fa kal bo ta te chunga a rilru tawrhna a entir a. Kan aiah thih hial pawh a hnial lo a ni. A thil neih hlu ber , a fapa neihchhun min pe ta a ni! Pathian chuan mi tumah boral a phal lo. Chhandam kan nih vek hi a duh em em a ni. Chuvangin kan aiah a fapa Isua a thi ta ni. Khawvel hian setana lam ṭangin vân Pathian khi dodal ṭhin a, Pathian hmangaiha a rawngbawl I thlang zawk dawn lawm ni?

CHHANNA ___________.

ZIR BELHNA

Hemi hmuna thu awmte hian i zir zau naah a pui ang che.

Setan chuan Tura lal leh Babulon lal a entir a.

Isaia 14:4-15, ah chuan Bible hian Satan entirnan a hmang a. Ezekiela 28:11-19, ah Satana hian Tura lal a entir leh bawk. He lai chang pahnih hian lei Lalte chungchang piahlam a sawi tel ani tih a lang chiang a, achhan chu mihring tih theih paihlam thil a târlang a ni. Han en chiang ila Lucifara (tuna Setana ti koh tak) a sawifiahna atan a hman ho hi:
• Vân aṭanga paih thlâk (Isaia 14:12)
• Mawina famkima thuam (Ezekiela 28:12)
• Eden huan lo cheng tawh (chang 13)
• Lunghlu tinreng a inbel (chang13)
• Cherub hriak thiha khuh a ni (chang 14)
• Pathian tlang thianghlimah a cheng (chang 14)
• Tha famkima siam a ni (chang15)
Babulon lal leh Tura lal hian Pathian hremna an tawrh dan hi Setana la tawrh ve tur nen in zul hle a, chuvangin Setana dinhmun tur sawifiahna atan tehkhin thuah a hmang a ni. Bible ziaktute pawhin tekhin thua an pawm a ni. Bible a thilthleng te hi Lucifera nen inzul tamtak a awm a (heng chang te hi en la Luka 4:5-6; 10:18; Johana 8:44; 2 Petera 2:4;1 Johana 3:8; Juda 6; Thupuan 12:7-9), mahse Ezekiela bung 28 leh Isaia bung 14, tel lo hi a chanchin hi kan hre chipchiar thei kher lo vang.

Besei awmloh thil besei rawh

Mi tamtak chuan Setana hi khawvel tawp dawnah langsar taka Pathian dodal turin an ngai a, mahse hei hi a ni si lo. Se tana chu Pathian hmelma lian ber a ni teh meuh mai, amaherawh chu a lan dan chuan mifel leh ṭha takin a inlar dawn a ni. (Matthaia 24:24). Vantirkoh ropuitak angina a inlar thei a (2 korinth 11:13-15). Midang te chibai a inbuk tir dawn a ni (Thupuan 13:12). Mi zawng zawngin sakawlh hliam chu mak an ti a, an zui dawn a ni tih Bible in chiang takin min hrilh (Thupuan 13:3). Setana hian Pathin lem hi a chang thiam em em mai a, khawvel pumin Isua zuitu emaw in tiin an zui dawn a ni. Bumin i awm ve dawn em? Bible hrilhlawknate i chhiar chuan bumin i awm ve dawn lo a ni.

Vantirkoh fing dangdai tak chu

Mi tamtak chuan Setana hi hmel chhe tak, thla nei, bumro leh rapthlâk tak, mihring leh ramhuai chawhpawlh te, hremhmun tiang keng ang te in an lantir ṭhin. Hetiang hi Grik suangtuahna thawnthu ang mila siam a ni a, Pathian thu aṭanga chuan hetiang hi finfiahna a awm lo. Bible chuan Setana chu fing tak vantirhkoh mit la tak, midangte hneh theihna mak chungchuangtak nei niin a tarlang a, Pathian thu a hre em em bawk a ni (Matthaia 4:5-6). Setana hi suala insiam chawp Pathian lalram leh nungchang te diklo taka lantir tumtu a ni a. Setana chuan i hmangaih leh i chhungte zawng zawng kalsan tir che tihchhiat vek che a tum a ni. He hrilawkna zirna hian Setana hna thawh leh thil tumte laka in venna te a hriattir dawn che a, Pathian kut chak takah i rinna nghat la, ṭawngṭaina nen a kaihhruaina dil ṭhin ang che.

Panorama of Prophecy, Lesson 3 ©2022 Amazing Facts International All Rights Reserved