Lal Solomona lal chhung chuan Israel fate chuan thlamuanna leh a ram hausakna ropui tak te chu an chen a. Tin, lal chuan, Jerusalem khuaah chuan, a hosakna nasat em avangin tangkaruate chu lung ang maiin an awm a, sidar thingte chu phaia theipui thing ang khawpin a awmtir a
(1 Lalte 10:27). Pathiana tana rangkachak leh sailungvara biakin a sak ti mawi leh zual turin, lal in ropui leh mawi em em mai te bakah chuan a sakawrtawlailir leh sawkawr chungchuan thiam mi te tan in te a siam bawk a. Khaw pumpuiah te chuan pangpar huan mawi tak tak te siamin
thingkung mawi tak tak te a phun a ni a. Ram hrang hrang atangin lal te, mi ropui te leh mi thil phal te leh mi thil ti thei tak tak te chu lo kal khawmin thil pek te an rawn hlan a, Solomona finna ril leh thuk tak avang chuan mite rilru a hneh em em a (1 Lalte 10:24).

Tlawhtu tam tak te zingah chuan Sheba lalnu hmeltha leh hausa tak mai pawh alo tel ve a. Amah ngei chuan Solomona chungchang an sawi te chu a dik ngei em tih hriat a duh a. Lalnu Sheba-i chuan zawhna harsa leh khirh tak2 te a zawt a, Solomona chhanna fing tak tak te vang chuan mak a ti em em a. A hawina lam leh hmuh mai apiangte chuan a hneh em em vek mai a ni. Mahse chutih hun laia Israel rama mi ropui tak leh thil neih te pawh chu Pathianin i tana a ram buatsaih sak che nen khaikhin chuan engmah lo mai a ni.

ZIRLAI

Bible châng chhiar hnu ah a karâwl te hi dahkhat rawh

1. Isuan a mite tana a tiam chu eng nge ni?

Johana 14:2 Ka Pa inah __________ tam tak a awm a, a awm loh chuan ka hrilh tawh tûr che u a ni; in tân __________ siamin ka kal dâwn hi.

2. Engtinge kan tan hmun buatsaih a ni tih kan hriat theih ang?

Isaia 65:17 Ngai teh u, __________ tharte leh lei thar ka siam a nih hi; tûn hma thilte chu hriat rengin a awm tawh lo vang a, rilruah pawh a lût tawh hek lo vang.

Hebrai 11:16 Nimahsela, tûnah zawng ram ṭha lehzual châk an lo ni a, chu chu vâna mi a ni; chutichuan, Pathianin an Pathian tiha awm chu a zak lo ve; an tân __________ lam a lo buatsaihsak tawh si a.

Mathaia 5:5 Thuhnuairawlhte chu an eng a thâwl e; __________ hi an la rochung dâwn si a.

Isaia 65:21 __________ an sa ang a, chûngah chuan an chêng ang; grêp huante an siam ang a, a rah an ei bawk ang.

Note: Thil ropui kan sawi dawn chuan, Pathianin a mite tan van thar leh lei thar te, khawpui thianghlim te a buatsaih a. Mi felte chuan Isua sak khawpuiah in lian ropui tak an rochung dawn a (Johanna 14:2), anmahni kut chhuak in te leh huan te an la siam bawk ang (Isaia 65:21).

3. Van Jerusalem chungchang chu engte nge kan hriat le?

Thupuan 21:16 Khua chu __________ vêlin a awm a, a dung lam chu a vâng lam chen a ni; khua chu luang chuan a teh a, fing __________ leh __________ a ni. A dung lam leh a vâng lam leh a sân lam chu a inang a ni.

Thupuan 21:2 Tin, khaw thianghlim, Jerusalem thar chu, mo, a pasal ela a inchei anga peih diamin, Pathian hnêna mi __________ ata lo chhuk ka hmu bawk a.

Thupuan 21:10-12 Tin, ani chuan Thlarauvin tlâng lian pui, sâng takah mi kalpui a, Jerusalem khaw thianghlim chu Pathian ropuina neiin, Pathian
hnêna mi vân ata lo chhuk mi entîr a. A ênzia chu lung man tam ber ang, jaspi lung ang mai hi a ni a, krustal lung angin a tle a ni; kulh ropui leh
sâng tak a nei a; kawngkhâr sâwm leh pahnih a nei a, kawngkhâr bulahte chuan vântirhkoh sâwm leh pahnih an awm a; chûng kawngkhârah chuan hming ziak a awm bawk a, chûng chu Israela thlahte hnam sâwm leh hnam __________ hmingte chu a ni;

Thupuan 21:18 Tin, a __________ chu __________ lunga siam a ni; khua chu dârthlalang thianghlim ang maia rangkachak thianghlima siam a ni.

Thupuan 21:21 Tin, kawngkhâr sâwm leh pahnih chu tuikeplung sâwm leh pahnih a ni; kawngkhâr zawng zawng chu tuikeplung pakhat ṭheuhva siam a ni; tin, chu khaw kawtlai chu __________ thianghlim a ni, dârthlalang en tlang theih ang mai hi.

Note: Khawpui thianghlim chu kil li nei inchen vek a ni a, a zau zawng chu, fing 12,000 vel ni a, chu chu mel 1,500 vel tihna anih chu (fîng khat hi mel khat hmunriata ṭhena hmun khat nen a in ang). Vanram aṭangin lei tharah a rawn chhuk thla a, tuna Olive tlangah hian a rawn in nghat
dawn a ni (Zakaria 14:4). Kawngkhar 12 zawng zawng chu tuikeplung pakhat ṭheuhva siam a ni; (Thupuan 21:21). Tin, a kulhte chu, tawng 144 a ni a (Thupuan 21:17) a ni a, a zau zawng chu feet 216 ani bawk (cubit khat hi inches 18 vel a ni).

4. Engtinnge kan bible atangin tui leh chaw te ka neih dan tur a sawi?

Thupuan 22:1 Tin, ani chuan a khawpui lai taka nunna tui __________, krustal lung anga tle, Pathian leh Berâmno lalṭhutphah aṭanga lo chhuak mi
entîr a.

Thupuan 22:2 Tin, lui kam tuakah chuan __________ Thing, chi hrang sâwm leh pahniha rah, thla kipa rah a awm a; chu thing hnahte chu hnam
tin tihdamna tûr a ni.

Note: Pathian lalthutphah atang chuan nunna tui kang thei lo a lo luang chhuak a, nunna thing chuan thlatin rah hrang hrang a chhuah thin a. Chu nunna thing mawi tak mai chuan tihdamna leh thih theihlohna chu a nei a. Pathian fate chuan an inbul huanah te chuan an thlai eitur te an ching a (Isaia 65:21). Pathian fate chuan khawvel siam tirh sualna awm hmaa Pathianin chaw atana a pek thei te, fang nei chi te leh thei pil sak chi hrang hrang te chu chawah an ring leh dawn a ni (Genesis 1:29-31). A tui em em in taksa mamawh chaw tha inchawih tawk tak pai an ni bawk dawn a ni

5. Engtin nge vanrama kan nun dan tur leh tuna kan nun dan danglamna tur chu ni ang?

A. Isaia 35:5 Chumi hunah chuan __________ mit chu tihmenin a awm ang a, bengngawngte beng chu tihvârin a awm ang.

B. Isaia 35:5 Chumi hunah chuan mitdelte mit chu tihmenin a awm ang a, __________ beng chu tihvârin a awm ang.

C. Isaia 35:6 Chumi hunah chuan __________ chu sakhi angin an zuang ang a, __________ lei chu hlim takin a zai ang. Thlalêrah chuan tuite a lo chik chhuak luah luah dâwn si a, ram rovah chuan luite tui a lo chik chhuak luah luah bawk ang.

D. Isaia 65:25 Chinghnia leh berâmno chu an tla dûn tawh ang a, sakeibaknei chuan bâwngpa angin buhpâwl a ei tawh ang a, vaivut chu rûl chaw a ni ang. Ka tlâng thianghlim rêng rêngah chuan an __________ tawh lo vang a, an tichhe tawh hek lo vang,” Lalpan a ti.

E. Isaia 11:6 Chinghnia chu berâmno nên an awm dûn tawh ang a, keitê chu kêlno nên an bawk dûn tawh ang; bâwngno leh sakeibaknei vânglai leh ran châwm thaute chu an awm ho tawh ang a; __________ __________ a hruai duah duah ang.

F. Isaia 35:1 Thlalêr leh ram pilril chu a lâwm ang a, ram ro chu a hlimin phûl pangpâr angin a __________ ang;

G. Isaia 33:24 Chumi khuaa awm chuan, “Ka __________ ve,” a ti lo vang a, a chhûnga mi awmte chu an sual ngaihdam a ni ang.

H. Thupuan 21:4 An mit ata mittui zawng zawng a hru fai ang a; Thihna a awm leh thei tawh lo vang a, Lungngaih te, ṭah te, __________ te pawh A awm leh tawh hek lo vang; Thil hmasate chu a ral ta,” a tih ka hria.

6. Mi thianghlim te chuan eng ang taksa nge an put ang?

Philippi 3:20-21 Keini zawng vân khua leh tui kan ni si a, vân aṭanga min chhandamtu Lal Isua Krista lo kal tûr chu nghâkhlel takin kan thlîr a ni. Ani chuan a thawhin, engkim pawh ama thû thûin a awmtîr thei, chumi thawhzia ang zêlin, kan tlâwm lai taksa hi ama taksa __________ anga awm tûrin a siam ṭha leh ang.

7. Isua hian mihring taksa a nei nge thlarau mai a ni zawk?

Luka 24:39 Ka kutte, ka kephahte hi en rawh u, hei keimah ngei kha ka nih hi! Mi dek ula, en rawh u; mi hmuh ang hian __________ tisa leh ruh
__________ __________ __________ ve,” a ti a.

Note: Isua ni thum ni a a thawh leh khan a taksa te, ruh te kha a tak ngei a ni a, khawih theih leh deh theih ngei an ni. Zirtirte khan an hmaa a rawn inlar khan thlarau emaw an lo ti a, mahse a thil ei an hmuh leh an khawih hnuah a tak ngei a ni tih an hre ta a ni (Luka 24:40-43). Isuan a zirtirte chu ni sawmli hnu ah Bethany hmun ah hruai a chhuak a, vanah a hruai chhoh a ni ta a ni (Luka 24:50-51). Vantirhkoh chu lo in larin, a zirtirte hnenah chuan, “He Isua (ruh leh taksa pu) ngei hian vana chho in hmuh ang chiah hian a lo kir leh ang” (Tirhkohte 1:11). He Isua tisa a rawn
channa avang hian mihring chu chatuan atan inzawmna neiin, Pathian anpui nihna an nei reng tawh ang.

8. Eng thil dang ten nge phurna min pe?

Tirhkohte 3:20-21 Krista Isua, in tâna a ruat pawh kha, a rawn tîr thei ang. Amaherawhchu, engkim __________ ṭhat hun a thlen hma loh zawng
vânin ani chu a kawl rih tûr a ni; chumi siam ṭhat tûr thu chu Pathianin leilung pian tirh ata a zâwlnei thianghlim awmte kain a sawi tawh kha,

Note: Vanramah chuan khawvel suala a tluk hma ang khan engkim siam thar leh a nih dawn avangin Lalpa chu fakin awm rawh se. Mi tinrengte chu an inhmangaihin an in chhawmdawl tawn dawn a ni. Chumi avang chuan in tihnat reng a awm tawh lo ang (Isaia 60:18). Inphatsanna te, in hauhna te, rinawm loh na te, vertherna te, inrel tawnna te, inrin zawh lohna te, lungngaihna te, hlauhawm te, rilru hreawmna te leh thinlung na te a awm tawh lo ang. Engkim mai chu a hlimawm in, a nuam ang a, lungawina famkim nen chatuanin hun hman a ni tawh ang.

9. Heng khawvela kan natna leh tawrhna te hian vanramah chuan min ti hreawm in kan hre reng ang em?

Isaia 65:17 Ngai teh u, vân tharte leh lei thar ka siam a nih hi; tûn hma thilte chu hriat rengin a awm tawh __________ vang a, rilruah pawh a lût
tawh hek lo vang.

Note: Thu kan rilrua lo thleng hi a fiah zawk a, kan thinlung a hneh bawk. Lalpan a mite a tiam chu leia an lungngaihna chuan vanah lungngaihna a thlen dawn lo tih hi a ni.

10. Lei tharah ah chuan he leia lo in inhre thin te chu anla inhria ang em?

1 Korinth 13:12 Tûnah zawng dârthlalangah kan hmu riai ruai a ni, chutih hunah erawh chuan inhmatawnin a ni tawh ang; tûnah zawng a kim lovin ka hria, chutih hunah erawh chuan mi hriat kim ṭhin ang hian ka __________ kim tawh ang.

Note: Mi te chu kan kal dan ah te, kan chezia leh hawiher atang te in kan la inhre vek dawn a. Inhriatthiam tawnna te a pung anga, vanram chu chhungkaw intawh khawmna ropui leh hlimawm tak a ni dawn a ni.

11. Leithar lo thleng turah hian eng thil hlimawm leh phurawm tak te nge kan chan tura Pathianin thutiam min pek?

A. Isaia 35:10 Tin, Lalpa tlante chu an kîr leh ang a, hla sa chungin Zion chu an thleng ang a; chatuana __________ an lû chungah a awm tawh ang. Hlimna leh lâwmna an hmu ang a, lungngaihna leh rûmna chu a bo tawh ang.

B. Sam 16:11 Nangin nunna kawng chu mi hriattîr ang; I hmaah chuan hlima khah liamna a awm a; I kut ding lamah chuan kumkhaw __________ a awm bawk a.

C. Zakaria 8:5 Tin, kawtthlêra __________, khawpui kawtthlêrte chu Hmeichhe naupang leh mipa naupangin An la khat nuaih nuaih ang.

D. Isaia 40:31 Lalpa nghâktute erawh chuan an chakna chu an siam ṭha leh ang a; mupuite angin thlain an thlâwk chho vang a, __________ lovin an tlân ang a, __________ lovin kein an kal ang.

E. Isaia 40:31 Lalpa nghâktute erawh chuan an chakna chu an siam ṭha leh ang a; mupuite angin __________ an thlâwk chho vang a, hah lovin an tlân ang a, chau lovin kein an kal ang.

Note: Mi thianghlim te chu angel te anga thla a thlawkin eng aia chak zawkin an thlawk thei ang a. Hnehtu apiang chuan chu chu an luah ang a (Thupuan 21:7). Khawvel dangte pawh an tlawh kual thei anga, reilo te chhungin an thleng thuai thei dawn a ni. Kan Bible thuin a sawi danin, Pathian chuan khawvel dang suala tlu velo te awmna pawh a siam a ni a ti (Joba 1:6; Hebrai 1:2; 11:3).

12. Pathian Lalram lo thleng tur chu thu a hrilhfiah theih a ni em?

1 Korinth 2:9 “Mita hmuh ngai loh, benga hriat ngai loh, __________ __________ lût ngai lo, Pathianin a hmangaihtute tân A buatsaih apiangte chu,” tih ziak ang zâwk khân.

Note: Nang leh kei hian Pathianin kan tana thil ropui tak tak min ruahhman sak te chu kanhre thiam phak lo a. Kan tawngkam te, ngaihtuahna te leh kan ngaihruatna mumang pawh hian vanram nawm dan tur leh hlimawm tur zia chu a mitthla thiam phak ngai dawn lo. Eng ang pawn thlemna tawkin he leiah harsatna tawk mah ila vanram nawmna chuan min theihnghilh tir vek dawn a ni (Rom 8:18)

13. Leithara chawimawina sang ber tur chu eng nge ni?

Thupuan 21:3 Tin, lalṭhutphah aṭangin aw ring takin, “Ngai teh, Pathian bâwktê chu mihring zîngah a lo awm ta, Ani chu an hnênah a __________ ang a, Anni chu a mite an ni ang a, Pathian ngei chu an hnênah a awm ang a, An Pathian a ni bawk ang.

Note: Awihawm loh khawp hialin lang mahse ring rawh u Pathian chu a mite nen leithar ah chuan an chengin an khawsa za dawn a ni. He thil ropui leh chawimawina, hlimna hi engmah in tehkhin rual ani lo ang.

14. Engang mi te nge Pathian lalram lut velo tur te chu?

Thupuan 21:27 Tin, thil __________ rêng a lût hauh lo vang a, thil tenawm tite leh dâwt hmangte pawh an lût hek lo vang; Berâmno Nunna
Bua hming an ziakte chauh an lût ang.

Thupuan 21:7 __________ apiang chuan chûng chu an luah ang a, kei an Pathian ka ni ang a, anni chu ka fate an ni ang.

Note: Sual bansan duhlo tu te chuan vanram ah an kut theilo ang, a nih loh chuan helna a intan leh thei dawn a ni (Thubelh,” Pathian lal ram” tih hi en la).

15. Engtin nge sual chu ka hneh theih ang?

1 Johana 1:9 Kan sualte thupha kan chawi chuan, kan sualte ngaidam tûr leh kan fel lohna zawng zawng __________ __________ tûrin, amah chu
a rinawmin a fel a ni.

Note: Isua hnenah ka sualna te ngaihdam ka dil chuan, min ngaidamin, minlo silfai sak a, a faah min siam dawn a ni.

16. Engtin nge Isua thusawi te hi tun hunah leh hun lo la awm tura hlawhtlinna pawimawh tak a nih chhan?

Matthaia 6:33 A __________ leh a __________ chu zawng hmasa zâwk rawh u; tichuan, chûng zawng zawng chu a pêk belhchhah dâwn che u nia.

Note: Hei hi lal Solomona hnena Pathian in,”Enge i duh?” tia a zawh khan a rilru ah Pathian leh Lalram felna chu a dah pawimawh hmasa ber a. Mahse hosakna leh lalram ropuina te chu peknbelh chhah a ni. Hetiang hian keini pawhin Pathian leh a Lalram felna kan ngaihpawimawh hmasak
chuan kan dawng ve dawn a ni.

I CHHANNA

He khawvel thil thleng te hi Pathian thuneihna hnuaiah a awm vek a ni tih hriain, i nun pumpui kaihhruai ni turin i duh em?

CHHANNA __________

ZIR BELHNA

Hemi hmuna thu awmte hian i zir zau naah a pui ang che.

PATHIAN LALRAM

Bible hian Lalram pahnih inmil lo tak mai a sawi a − Pathian Lalram leh setana lalram a ni. Isuan a thusawi zingah Pathian Lalram chungchang a sawi tam em em a. Thuthlung thar bu ah ringawt hian vawi 100 chuang Pathian Lalram chungchang ringawt hi a sawi lang a, tam tak chu tehkhin thu A sawi ah kan hmu a. A zirtirna a tangin Pathian Lalram chu hlawm hnih in then a theih a - thlarau lam thil leh a tisa thil a ni.

Vanlam mite chuan Pathian hruaina leh awmpuina an thinlungah an nei reng thin. Pathian tanpuina lo chuan kan thinlung hi Setana lalna ram a ni a, sual leh mahni in ngaihhlutna nen. Mahse, Pathian ngaihdamna kan pawm chiah atangin Setana sal kan nihna chu chhut chhiatin a awm a. Hei vang hian Paula chuan “In taksa duhzawng in zawmna turin, in taksa thi theiah chuan sualnain ro rel suh se … sual chuan in chungah thu a nei dawn tawh si lo” (Rom 6:12, 14). Luka 11:20-ah “Amaherawhchu, kei hian Pathian kutzung avanga ramhuaite hnawt chhuak thin ka nih chuan Pathian ramin hnenah a lo  thleng tawh a ni ang” tih thu kan hmu bawk.

Miin Krista alo pawm chiah hian chawp leh chilhin van khua leh tui nihna alo nei nghal a. Hei vang hi a ni Lal Isua leh baptistu Johanna khan “Sim rawh u, vanram chu a hnai ta” tih thu hmang khan an rawngbawlna an tana an ngen thin a ni (Mathaia 3:2; 4:17). ‘A hnai ta’ tih awmzia ber chu theih tihna emaw tunah a luh theih tihna a ni. Hei vang hian a ni Lal Isua Krista ngeiin Luka 17:20-21 ah “Pathian ram chu hmuh theihin a lo thleng lo ve; ‘En teh u, heta hi!’ emaw, ‘Sawta saw!’ emaw an ti hek lo vang; ngai teh u, Pathian ram chu in zingah a awm a ni,” a tih ni. Miin baptisma a chan hian setana phuarna ata chuakin Pathian Lalram ah a lut tihna a ni

Isua krista zuitu dik takte chu Pathian thlarau Lalram atangin aiawhtu leh chanchin tha hriltu atana he khawvelah hian tirh an ni a. Hnam hrang hrang atanga ram aiawhtu tirh te chuan tawng hrang hrang an hmanga, silfen kawr hrang an ha a, an inbel a, chaw hrang an ei a, pawisa hrang an nei a, hnam tih dang phung leh chi hrang an nei thin. Mahse Krista aiawhtu te erawh chuan fimkhur takin Pathian Lalram nihna hi mite mit hmuhin kan pho chhuak tur a ni. Kan ei in ah a ni emaw, kan thusawi leh tawng danah a ni emaw kan silhfen inbel danah a ni emaw kan hun kan hman dan leh kan pawisa hman danah te thleng hian kan fimkhur tur a ni.

Chu vanram ropui tak Pathian chenna hmun ngei kan zirlaia kan sawilai mek hi engtik niah emaw chuan a takin Pathian fate chuan an chang ngei dawn a. He Lalram (vanram) ngei hi a ni kan nghahhleh leh kan beisei; Lalbiak tawngtai dan Isuan minlo zirtir, kan tawngtai apianga kan chham thin, Matthaia 6:10 a, “I ram lo thleng rawh se” kan tih thin kha a ni. Thupuan 20 -a a inziah angin Pathian Lalram chu kum sang rorel zawh hnuah siam leh dinin a awm dawn a ni.

Panorama of Prophecy, Lesson 5 ©2022 Amazing Facts International All Rights Reserved