An lal leh roreltu ni bawk chuan thurawn pe tu tur leh fuih tu tur chu a zawng kual a, zawlnei hrang hrang te leh puithiam te a rawn a, amaherawh chu Pathian chu a in puang reng reng lo mai a. Saula chu a rawn seilen atangin Pathian hnaih mi tak ni thin a, amaherawh chu lalthuththlenga
thutna dinhmun a neih tak achinah chuan a lo sualin, Pathian chu a hlat zel a, A thu ang chuan a kal duh ta reng reng lo mai a. Tum khat phei chu khaw pakhat a puithiam zawng zawng chu a that chimit vek mai a. Saula chuan Pathian thu chu a do chhunzawm zelin a haider zel a, tunah chuan mangang takin a awm ta a, Pathian in a chhang duh ta bik lo a ni.

Saula chuan a chhiahhlawh te hnenah chuan, “Ramhuai aienthiam zawl hmeichhia, a hnena ka kala ka rawn turin mi zawn sak rawh u,” a ti a (1 Samuela 28:7). Pathian chuan a mi te hnehah chiang takin hetiang dawivaih emaw aienthiam hi pan miah lo turin thu a pe tawh a (Leviticus 19:31; 20:27) tunah chuan Saula chuan Pathianin zawm tur a A tarlan chu a zah ve deuh tawh a.

Tichuan, Endor khuaah chuan mithi tawh be pawp thei ni a inchhal hnehah chuan a a nihna thup a inchei danglamin a va kal ta a. Chu aienthiam hnehah chuan, “Samuela mi han koh chhuak sak rawh” a ti a. Dawithiam nu chuan a dawivaih chham phualte chu chhamin, thlarau zawlnei Samuela ni anga in chhal chu a lo chhuak ta a, lal Saula chu thu lawmawm lo tak a rawn hrilh ta a. Hun lo kal tur hrilh lawkin chu indonaah chuan Saula leh a fapa pathumte chu a tukah an thih tur thu a hrilh ta a.

Chutiang chuan, a tukah chuan Saula fapate chu Philistia sipaite nen a an indona ah chuan sah hlum an ni ta a, an lal Saula lungngai leh mangang lutuk chuan ama nunna ngei chu a la ta a (1 Samuela 31:2-4). Kha thlarau dawithiam nu kal tlang a Saula hnen a lo inlar kha Pathian zawlnei thi tawh thlarau kaihthawh nge ni a ramhuai sual thlarau anga rawn in tarlang?

ZIRLAI

Bible thu i chhiar zawh hnuah a kar awlte hi dah khat rawh.

1. Saula’n a hmuh thlarau kha zawlnei Samuela a ni ngei em?

1 Lalte 22:22 Tin, Lalpan a hnênah, ‘Engin maw?’ a ti a. Tin, ani chuan, ‘Ka va kal ang a, zâwlnei zawng zawng hmuiah chuan __________ __________ ka va chang ang,’ a ti a. Tin, anin, ‘I thlêm ngei ang a, hlawh pawh i hlawhtling bawk ang; va kal ta la, chutiang chuan va ti tawh le,’ a ti a.

Thupuan 16:14 chûng chu __________ __________, thilmak ti ṭhînte an ni; anni chu Pathian Engkimtitheia ni ropuiah indonaa hruai khâwm tûrin, khawvêl zawng zawnga lalte hnênah an kal a

2. Mitthi tawh hi ala damte nena inkawm turin nge, rawn tihthaih turin an lo let?

Joba 14:21 A fapaten an rawn chawimawi a, a __________ __________ va; Tihtlâwmin an awm a, a hre hek lo.

Thuhriltu 9:5-6, 10 Mi nungdamte chuan an la thi dâwn tih an hre si a, mitthi erawh chuan eng mah an __________ __________ va, lâwmman an nei tawh ngai lo va, hriat reng pawh an hlawh tawh hek lo. An __________ te, an __________ te, an îtsîkna te a boral daih tawh a ni, ni hnuaia thiltihahte hian chanvo rêng an nei tawh ngai hek lo. ... I kutin tih tûr a hmuh apiang chu theihtâwpin ti rawh; thlân i kalna tûrah chuan thiltih tûr emaw, remruat tûr emaw, __________ emaw, finna emaw a awm si lo va.

Note: Kan Bible hi a chiang tawk a ni. Mitthi chuan engmah an hre lova minungdamte khawvel a thil thleng pawh hriatna reng reng an nei lo.

Sam 115:17 Mitthite chuan Lalpa chu an fak lo va, Hmun reh taka chhukte rêng rêng chuan an fak hek lo;

Sam 6:5 Thih hnu chuan nangmah hriat rengna a awm si lo va; Seol-ah tuin nge lâwmthu hrilh dâwn che?

Joba 7:10 A inah chuan a kîr ngai tawh lo vang a, A hmunin amah a hre leh tawh hek lo vang.

Isaia 38:18 Thlân hian a fak thei si lo che a; Thihna hian a chawimawi thei hek lo che; Khuarkhuruma chhukte chuan i thutak chu an beisei thei lo a ni.

Sam 146:4 A thawin a chhuahsan a, ani chu a leilungah a kîr leh a; Chumi ni ngei chuan a ngaihtuahnate chu a bo nghâl a ni.

3. Thupuan bu in min hrilh danin, mitthi khaw chahbi kawltu chu tunge?

Thupuan 1:18 __________ __________ chu ka ni; ka lo __________ a; nimahsela, ngai teh, kumkhua atân ka nung leh ta a ni. Thihna leh Mitthi
Khaw chabite chu ka nei bawk a.

Note: Bible ah chiang takin kan hmu a. Isua chauh hi a ni mitthi khaw chahbi neitu chu. A thu atang hian kan en a kan zir chuan thihna chungchang a zawhna kan neih zawng zawng chua kan hmu ang.

4. A tirah khan Pathianin engtin nge mihring te kha a siam?

Genesis 2:7 Tin, Lalpa Pathianin leia __________ mihring a siam a, a hnârah chuan __________ thaw chu a __________ lût a; tichuan, mihring chu mi nung a lo ni ta a.

Note: Thil siam chungchang ah hian thil thleng pahnih kan hmu thei a chung chu:
1. Pathian chuan mihring chu lei a vaivutin a siam a tichuan,
2. A hnarah chuan nunna thaw chu thaw lutin. Mi nung a lo ni ta a ni.

5. Mi an thih hian en nge thleng?

Thuhriltu 12:7 Vaivut chu a awm angin __________ a chang leh a, Thlarau chu a petu __________ hnênah a kîr leh a ni.

Note: Mi an thih hian siam an nihna kal hmang let zawng chiah khan an awm leh a. An taksa chu vaivut ah bawk let leh in, an thlarau an thaw chu a petu Pathian hnenah bawk a kir leh tih Bible hian chiang takin min zirtir a ni (Jakoba 2:26; Joba 27:3; 33:4). Sam 104:29-30 ah chuan, “An thaw chu i laksak a, an thi a, An vaivutah chuan an kir leh thin. I thlarau chu i tir chhuak a, siamin an awm thin a;”

6. Mitthite hi khawnge an kal?

Joba 21:32 __________ kalpui a ni a, A thlân chu vên a ni a.

Johana 5:28-29 Hêng hi mak ti suh u, a hun a thleng dâwn ta, chutih hunah chuan __________ __________ zawng zawngin a aw an hria ang
a, an chhuak vek ang; thil ṭha titute chu nunna changin an tho leh ang a, thil sual titute chu thiam loh changin an tho leh ang.

Note: Mitthi tawh te chu mifel leh sualte pawh an vaiin thlanah chuan an awm vek a, Pathian aw an hriat hunah chauh kaihthawhin an la awm dawn a ni.

7. Bible chuan Lal Davida chu chhandam a ni tih a sawi a. Tunah vanram ah a awm tihna mi?

Tirhkohte 2:29 Unaute u, chi thlahtu Davida thu hi hlau lovin in hnênah ka sawi thei e; ani zawng a __________ a, phûm pawh an __________ tawh alâwm, a thlân pawh tûn thlengin kan hnênah a la awm reng a.

Tirhkohte 2:34 Davida zawng vânah a lâwn __________ __________ a ni, amah ngeiin, ‘Jehovan ka Lalpa hnênah, Ka ding lamah ṭhu reng rawh,

Note: Zirtir Petera chuan tlang takin Davida chu a thi a phum ngei a ni a, vanah erawh a awm loh thu a sawi a. Chutiang bawkin Hebrai 11:32-40 ah chiang takin kan hmu bawk a thawhrimna kum tak tak lawman chu pek an la ni hrih lo a, nakinah chuan mi zawng zawngin kan vaiin pek kan la ni dawn a ni (châng 39-40).

8. Thlarau chu thi thei lo in, taksa chauh thi thei tih hi a dik em?

Ezekiela 18:4 Ngai rawh u, nunna zawng zawng ka ta vek a ni, pa nunna ka ta a ni ang bawkin fapa nunna pawh ka ta a ni; thil __________ apiang an __________ ang.

Joba 4:17 Pathian hmaah __________ thi thei a fel tâwk em ni? A siamtu hmaah mihring a thianghlim tâwk em ni?

1 Timothea 6:15-16 Chu inlârna chu a hun takah chuan fak tlâk Thuneitu tak chauh, lalberte Lalber, lalte __________ chuan a entîr ang; amah __________ chuan thih theih lohna a nei a, êng, hnaih theih rual lohvah chuan a awm a, amah chu tu mahin an hmu ngai lo va, hmuh pawh an hmu thei hek lo; ama hnênah chuan chatuana chawimawina leh thiltihtheihna awm rawh se. Amen.

Note: Thlarau kan ni a, thlarau pawh a thi thei a ni. Mihring pawh thi thei kan ni a, Pathian chauh lo chu thi thei lo a awm lo a ni. He zirtirna lian tak thih theih lohna hi Bible hian min zirtir ve lo.

9. Engtikah nge mifelte chuan thih theih lohna an neih ang?

1 Korinth 15:51-53 Ngai teh u, thurûk ka hrilh dâwn che u hi: kan zain kan muhîl kher lo vang a; nimahsela, kan zain __________ hnuhnûng ber rîk hunah chuan rei lo têah, mit khap kâr lovah __________ kan awm vek tawh ang; tawtawrâwt chu a ri dâwn si a; chutichuan, mitthite chu ṭawih thei lova __________ an awm ang a, keini pawh tihdanglamin kan awm tawh ang. He ṭawih thei hian ṭawih theih lohna a sin tûr a ni a, he thi thei pawh hian thih theih lohna a sin bawk tûr a ni.

Thessalonika 4:16 Lalpa ngei chu au thâwm nên, vântirhkoh chungnung ber aw nên, Pathian tawtawrâwt ri nên, vân aṭangin a lo chhuk dâwn si a;
tin, Kristaa __________ tawhte chu an __________ hmasa ang a;

Note: Mifelte chuan thawhlehna ropui an chan hunah thih theih lohna chu an chang dawn a ni. Misualte erawh chuan an chang ve lo ang.

10. Bible hian thihna hi engtin nge a sawi?

Johana 11:11, 14 Chûng thu chu a sawi a; tin, chumi hnuah chuan an hnênah, “Kan ṭhian Lazara chu a __________ ta a; a muhîl kai harh tûrin
ka kal dâwn a ni,” a ti a. ... Chutichuan, Isuan fiah takin an hnênah a sawi a, “Lazara a thi a ni.

Mathaia 27:52 Tthlânte a lo inhawng a; mi thianghlim __________ tawhte taksa tam tak pawh kaihthawhin an awm ta a;

2 Samuela 7:12 I ni a kina i pute hnêna i __________ hunah chuan, i hnua i thlah, i rîla rah tûr chu ka tungding ang a, a ram chu ka tinghet ang.

1 Thessalonika 4:14 Isua a thi a, a tho leh ta tih kan rin si chuan, Isuaa __________ tawhte chu Pathianin ama rualin a rawn hruai ve bawk ang.

Note: Bible hian thihna hi muhil tiin a sawi thin a. Thihna tih hian engmah hriat tawh lohna a ni a, minute 15 emaw kum sangkhat pawh nise a rei dan a in ang reng a ni. Thihna chuan tui taka muthlilhna a sawi na a ni a, Isuan thawhleh na ropuia A kaihthawh hma chu muhil hrih an ni. Zirtirna thenkhat-thi tawh te thlarau chu vantirhkoh a chang tih emaw a la dam te nen in be pawp thei a an awm tih emaw te chu zirtirna dik lo a ni.

11. Heng dawivaih thiamte, aienthiamte leh dawithiam te hian thi tawh te chu an biak pawh theih si loh chuan tute nge an biak te hi ni ta ang?

Thupuan 16:14 chûng chu ramhuai thlarau, __________ ti ṭhînte an ni; anni chu Pathian Engkimtitheia ni ropuiah indonaa hruai khâwm tûrin, khawvêl zawng zawnga lalte hnênah an kal a

Note: Vanram a vantirhkohte khi rawngbawlna thlarau (Hebrai 1:14) tih an ni a, khawvel a mihringte puitu an ni. Setana ruala paih thlak (Thupuan 12:7-9) vantirhkoh tam takte pawh kha thlarau an ni a, mihring te bum a thil mak tak tak anga lang an hmuh tir thin a (Thupuan 16:13-14). Thiltih theihna chi hrang nen, dawt thil mak tinreng nen (2 Thessalonika 2:9) van atanga mei ko thla thei hialna thil tih theihna neiin mihringte lakah an awm a (Thupuan 13:13). Heng dawithiamten thlarau hmu ni a an in chhal te hian, Setana leh a ho vantirhkohte nena tang rualin an pui a ni (Isaia 8:19-20)

12. Engvangin nge Setana hian mitthi tawh te thlarau hi ala nung a ni tih rinna min neih tir tlat a tum?

Matthaia 24:24, 25 Krista derte leh zâwlnei derte an lo chhuak dâwn si a, chûng chuan thei ang sela, __________ meuh pawh an __________ theih nân chhinchhiahna leh __________ __________ takte an ti ang. Ngai teh u, ka hrilh lâwk tawh che u hi.

Note: Setana’n mihringte hnena a dawt sawi hmasak ber chu “Thi teh suh e” (Genesis 3:4). Mihringte hian chu chu awihin mitthi tawhte thlarau hi la nung a vantirhkohahte mithianghlim ang tea changin lei a vak vel tih ngaihdan min neih tir a tum tlat a (2 Korinth 11:13-15). Kawng hrang tam takin mite hi bum an tum a ni. Heng ramhuai thlarau ringtu te hi ‘spiritism’ tih an ni a. An rinna bul pahnih te chu
1. Mitthi tawh te hi an la dam a;
2. Min lo be pawp thei emaw keimahni in kan la be thei tih rin tlat na hi a ni. He Setana zirtir hi dik lo tak a ni a, vawinah hian khawvel mi tam zawk hian an ring vek a ni. Kha aienthiamnu khan zawlnei Samuela thlarau a ko chhuak tak tak ni lo in ramhuai thlarau sual a be pawp zawk a ni.

13. Ni hnuhnungah chuan heng thlarau sual hi Setana hian eng ang taka nasa in nge a hman ang?

Thupuan 18:23 khâwnvâr pawh i chhûngah a êng tawh tawp lo vang a; pasal leh mo thâwm pawh i chhûngah an hre tawh tawp lo vang; i sumdâwngtute chu leia mi liante an ni si a; i dawiin hnam zawng __________ __________ an nih kha.

Thupuan 18:2 Tin, ani chuan aw ring takin, “Babulon khaw ropui chu a tlâwm ta, a tlâwm ta, ramhuaite awmna leh, __________ bawlhhlawh __________ kulhbîng leh sava bawlhhlawh leh tenawm tinrêng kulhbîng a lo ni ta.

Thupuan 12:9 Tin, dragon lian pui, rûlpui tar, Diabola leh Setana an tih, khawvêl zawng __________ bumtu chu an paih thla ta a; leiah an paih a, a tirhkohte pawh an paih thla tel ve a.

Note: Setana chuan a tirhkoh sualte nen dawi thil leh dawt thil mak ropui hmang in khawvel pum hi bum a tum dawn a ni.

14. Pathian hian dawi thilmak tih ramhuai sual ten an entir hi engtin nge a ngaih?

Leviticus 20:27 Mipa pawh hmeichhia pawh, ramhuai aienthiam __________ emaw, dawithiam emaw chu __________ ngei tûr a ni; lungin an dêng tûr a ni; an thisen mawh chu an chungah a awm tûr a ni,’ ti leh bawk rawh,” tiin.

1 Timothea 4:1-2 Nimahsela, nakin hunah chuan mi ṭhenkhat chuan, mi dawtheite vervêkna avângin hruai bona thlaraute leh ramhuaite zirtîrna thu ngaihsakin, __________ chu an la __________ ang tih Thlarau chuan chiang takin a sawi a. Chûng mi dawtheite chu anmahni chhia leh ṭha
hriatna ngeia thîr linga deh ang an ni a,

Ephesi 5:11 Tin, __________ thiltih rah nei ngai __________ chuan telna rêng nei suh ula, tel ahnêkin a thiam lohzia hriattîr zâwk rawh u;

Galatia 5:19-21 Tin, tisa thiltihte chu a lang fiah a ni; chûng chu hêng hi a ni: inngaihna te, bawlhhlawhna te, hurna te, milem biakna te, __________
te, huatna te, inhauna te, thîkna te, thinurna te, inkhinna te, awm hranna te, rin hranna te, îtsîkna te, zu ruihna te, zu hmun hlimna te, chutiangte
chu; chûng kawngah chuan tûn hmaa, “Chutiang thil tih hmangte chuan Pathian ram an chang lo vang,” tia ka hrilh lâwk che u ang khân ka hrilh
lâwk che u hi.

Thupuan 21:8 Amaherawhchu, mi dawih te, ringlo te, tenawm te, tual that te, inngaih chîng te, dawithiam te, milem bia te, dawthei zawng zawngte
chan tûr chu __________ leh kâta kâng __________ chuan a awm ang; chu chu thih hnihna chu a ni,” a ti a.

Note: Mosia hun lai atang tawh khan Pathian chuan dawthiam te chu tih hlum tur tiin thu A lo pe tawh a. Kan tun khawvel ah chuan heng dawithiam te hi a hring a hran in mi te hruai sual turin an awm teuh tawh a ni. Pathian chuan hetiang mi te nen a kan in kungkaih chuan kan rinna kan kal san a ni a ti a, heng aienthiam te leh dawithiam te hian thihna chu an hmachhawn dawn a ni a ti.

15. Pathian hian A mite hnenah eng thil tihtheihna nge a pek ve?

Philippi 3:10 a thihna anpuia thiin, amah nên, a __________ thiltihtheihna nên, a tuarnate ṭâwmpuina nên ka hriat theih nân;

Note: Isua khan amah ang tho in thawh leh theihna min pe a. A va ropui tak em! He thil tihtheihna ropui tak nei chung hian Amah hi engtin nge kan tih hnual theih ang chu pawh a thlawn vek a ni si. Isua khan min hmangaih em avangin, uluk takin thurawn min pe a hetiang dawivaih tenawm tak te a inchiahpiah leh intibawlhhlawh lo turin min hrilh a, tichuan A lalram ropui a cheng tlak leh rawngbawl ve tura inbuatsaih turin min duh a ni (Philippi 1:6).

I CHHANNA

Pathian hi lei leh van zawng zawng enkawltu leh thuneitu a nih ang in, i nuna lalber leh thuneitu nih tir ve i duh em?

CHHANNA __________

ZIR BELHNA

Hemi hmuna thu awmte hian i zir zau naah a pui ang che.

Misual rukru Kross a mi kha.

Isua khan kha rukru kha Ama ruala vana hruai chhoh a tiam em? “Vawinah hian ka hnenah Paradisah i awm ve ang” a ti. Heta a thu sawi awmzia chu Luka 23:43 ah khan kan hmu theih a, zawhna pawimawh tak chu khami ni khan Isua kha vanah a lawn chho em? Bible atang vek a kan hmuh dan chuan Isua kross a athih khan ni thum ni a Mari’n thlan en tura a va kal khan a hnenah “Mi vuan suh; tun thleng pawhin Pa hnenah ka la lawn chho lo a ni..” a ti (Johana 20:17). A awmzia chu Isua chu a thih ni Zirtawpni khan vanah a lawn chho nghal lo a, chu mai ni lo Sunday ni thleng pawn A Pa hnenah a la kal lo a ni. A nih leh engvangin nge, “Vawinah hian ka hnenah Paradisah i awm ve ang” a tih? He zawhna hi tawng bul Greek tawng a ziak kan chhiar chuan a sawi fiah hle a. A thluk dan leh comma pawimawh zia a lang bawk a, comma pakhat lek vang khan a thu pum kha a thlak danglam thei a ni. Luka 23:43 thu kha kan en leh chuan ti hian dah zawk tur a ni, “Tihtak meuhvin ka hrilh a che, vawiinah hian, ka
hnenah Paradisah i awm ve ang.” Hei hi a ni Isuan a sawi tum tak a chu. Vawinah hian, engkim mai hi beidawn thlakin engmah lo mai angin lang mahse; vawinah hian, Lal ropui leh dik tak ni angin lang lo mah ila, ka zirtirten min tlan bosan vek mahsela; Ka kut leh ke te hi he thing kross ah hian khenbehin awm hrih mahsela, ka la chhandam thei tho che a ni. Engtik ni ah emaw chuan kha misual leh rukru kha, leh midang tam tak Isua lal leh chhandamtu a lo pawm tute nen Isuan a lo tiam tawh chu changin Ama ho in paradise ah chuan an la cheng ho dawn a ni.

Bible in ‘Thaw’ a tih leh ‘Thlarau’ a tih te hi enge awmzia ni ta?

Joba 27:3 a mihring nunna thaw leh thlarau kan tih hi thuhmun a ni tih kan hmu thei a. Ti hian a lo sawi a, a thlarau emaw a nunna thaw chu a hnar ah chuan a awm a. Kan hriat reng tur pawimawh tak chu Pathian khan Adama a siam khan nunna thaw kha Adama hnarah a thaw lut a (Genesis 2:7). Tichuan, mi a thiha Pathian hnena thlarau kal ta chu kha kan hnar a nunna thaw kha a ni a, thlarau ruangam nei ang ni lo. Kan Bible hian khawiah mah chuatiang thlarau ruangam nei chu kan thih in Pathian hnenah a kir thin tih min zirtir lo a ni.

Mi a thihin khawnge a thlarau chu a kal?

Thil siam chanchin kan en chuan, mihringte hi thil pahnih infinkhawm a siam kan ni a, chu chu kan taksa lei vaivut a siam leh Pathian in nunna thaw min pek kha a ni. Hemi pahnih tel lo chuan mi nung a nih theih loh, tichuan, mi a lo thih chuan chu thil pahnih infinkhawm chu then hran a lo ni a. Kan taksa chu lei vaivut vekah kir leh in kan hnar a nunna thaw erawh chu Pathian hnenah a kir leh thin a ni. Mitthi tawh thlarau chu khawi hmun dangah mah a kalin emaw a awm lo a ni.

Panorama of Prophecy, Lesson 9 ©2022 Amazing Facts International All Rights Reserved