Hi ghenguno Alhou no Israel nuliqo vilo aluche ampe akutsuniu lo ye chikeno qhivelo ipi ahzatsuke (Ipekulu 23:10, 11) Ampe akutsuniu loye ayeghi pelo aghuma atho putholu pelo, eno tile tuxatini ayiqhi ipeghikeu ye kumulhomi pelo ghile hulupelo. Ikemu Alhou timi akichiuno ayehza hipau initsumove momu gholumove. Tithiu atsala lakhi loye Babylon lo akukau Nebuchadnezzar no Judah le ighi, eno pa ghochile kemiqo kutsalekhave, eno kutamiqo ghi kugha pesu shuna phughi Babyon lo sasu wuve. Eno Israel yeghi ye qeti inhemoive, eno kungkughaleive “eno panongu ye akulhokiqhi ithumlave. Pano yeghi kungukughalei ake kutolo panonguye Sabbath pinyi mlave.” 2 Yehkikithi 36:21.

Ampe 70 thiuno akuxu achilishi aghikeqono ide ghieno pano tushokiqhi yeghi luchilelu eno Jerusalem hu puthukithelu. Ampe 6,000 kutolo Jisu no gospel piti xusu ighi ani. Bible no ningu vilo pikeuno, Ampeu zulo atsala lakhi ye ampe qhethonhe lakhi toi ipi” 2 Pitor 3:8.

Ado shulo womono Ampeu ye Pano xusu puakeu piti ayeghi lo ghile hunike ighinicheni. Tile hami ye Pa ikighi kuvuno yeqhi pithive nani eno hami ye sasu shuna yehkipe kukaqha lo wuvenani. Tile aqa shivekeu ayeghi hipau ye ampe qhethonhe lakhi akulho qhinani, eno satan kungo a yenguikeu lakhi shvenani, tipau pesu ashekha kuhakeu qo kuchhu ipi. Akughuki tipau lo satan tsughape ampe qhethonhe lakhi qhipua nani. Kughou ado aghuloki tovenikeno ayeghiqha kithe huthuve nani.

PHIJUNIKEU

Hi aqhou Bible kiyeh tsupuakeqo phijulo eno hetha puakeu lo shepichhiluvelo.

1. Thime kiu shi ipeghikeuno ampe 1,000 (millennium) huthunani kya?

I Thessaloniami 4:16 Kughengu ___ ye Pakutoshi kungugha lono ___ nani ... eno Christo lono thivekemiqo paghi ___.

Piyekusu 20:4, 5 eno panongu ye ampe ___ Christo gholo xu eno ayehpenani. Ikemu kithimi kutamiqo ye ampe qhethonhe lakhi ashekha shimoke kutolo xuithughimonani. Eno hino xuchilekulu ___.

HI ITHILO: Piyekusu 20 lo ampe qhethonhe lakhi hu pesu millennium ipi cheni. Latin mi tsauno “milli” ipikeu kiqi ye qhethonhe lakhi ipi, eno “annum” ipikeu no ampe ipi. Christo no akiniu ide ighi eno akimithemiqo xuchile puthukeuno millennium hukuthu michipu shinani. Piyekusu 20:6 lo pi akeu toi, “tiqheli tiqheli lo amikuchomi akumughami eno akimithemiqo” paghino xuchilekulu atughiu lo ithughinani.

2. Xuchilekulu akiniu lo kutau kiu ghi shinanikya?

I Corinthiami 15:51, 52 Ningu kumtsu zuamonani, ikemu ningu ye asuchedo lakhi lono, anhekutsu khavi lono, afuko ghugha ashekhau lono ___ nani. Kughengu afuko ighanani, eno kithimiqo ithughivenani.

Philippiami 3:21 Pano ningu phimpi thivenikuau hu pekilepesu Pa ___ phimpi lo suvetsunani.

2 Thessaloniami 2:8 Eno tile ayehza sumono xuchekeu lakhi hu pephe ipeghinani ... ikemu paye Ampeu ikighi kuvu no ___ nani.

Piyekusu 16:18, 20, 21 Eno tile ___ kije shinani, timi no ayeghi lo kughuna ighike thiu titoikeu yeghi kughutha ghuthu lakhimu shi ip- eghimphi keu shinani ... tilehi zudo yeghiqo hu kuhavenani, eno naghutoqo ghi ithumlave nani. Eno ___ kijeje kungugha lono timiqo shou ikughinani, eno apughu tipau kimishi kimighi ye talent lakhi (pounds 70) qhemi shinani.

Piyekusu 20:1, 2 Eno kungumi lakhi no ... dragon, aqau lo apighi, eno devil, eno satan ipi kuchekeu hu kughaluvenani, eno pesu ampe qhethonhe lakhi ghenguno___ nani.

HI ITHILO: Hi aqhou ampe 1,000 huthunikeu chart ikholhoi shi tsupuanike tilehi ghi julo.

3. Xuchilekulu atughiu lo khiunoqo ithughinani, eno tiye kughouno shinanikya?

Johan 5:28, 29 Akumoki lo akeqono Pa sutsa chilunani, eno ___ mla puakeqoye ___lo xuchile ithughinani.

Piyekusu 20:5 Ikemu kithimi kutamiqo (tiye ayikusami thi akeqo) ye ampe qhethonhe lakhi ___ shimoke kutolo ithughimonani.

HI ITHILO: ayikusami kithimiqo ye ampe qhethonhe lakhi tovekelono aqoshi xuchileputhunani.

4. Ampe 1,000 ghulokilo ayeghi hipau ye kiu bekutha lo ananikya?

Isaya 24:1 Julo, Ampeu no ayeghi pesu ___eno yengui qhivenani

Jeremiya 4:23-26 Eno Ino ju, eno julo, ayeghi ye kuchouno kiumu kughuphe mono ___ qhive; eno kungughaqo lo (tiye atsutsu qolo) kiu kuvumu kuhave, naghutoqono thuthushi itha akeu Ino ithulu ... tile timi lakhimu kuhave, eno kungugha qolo aghau jeliqo kumtsu yeukhave ... athi pithitsuchekeu chhigha huno aghasaqha shive eno tile ___ kumtsu Ampeu ghakighide zulono kubolekighiniyi khave.

Jeremiya 25:33 Eno tipau tsala lo Ampeu no ___ ayeghi cheku lakhi lono wo ayeghi cheku kutau kutolo chhitoive. Tile khiunomu panongu kumsuqa keu shimo, momu pekumuqo, momu ___ keumu shimo.

HI ITHILO: Jisu no ide ighikelo tile ayeghi kughutha eno apughu qikeuno ihulokeu shinani eno ayeghi hipauye kungukughalei qhivenani. Ayeghi hipau zumai qhivenani. Kithimi sukumoqono ayeghi giqha chhitoivenani, tile khiunomu panongu kumsuqakeu shimonani, kughengu tile kuxumi lakhimu kuhaveni ake ghenguno. Akimithemiqo ye sasu kungugha lo ikuvenani, eno ayikusamiqo ye Pa ikighi kuvuno yeqhi pithi khavenani. (Sukuphatsukeu lo “Ashekha kuhakeu qokuchhu” lo ghi julo)

5. Akimithemiqo ye ampe 1,000 khilehi anani, eno panonguye tipau dolo kiu shi ananikya?

Johan 14:3 Ino ide ighieno nongu saluve nani, eno Ino ___ ___ keno tilehi nongu pelo ngopenani.

Piyekusu 20:4 Eno Ino akukalakhuqo ithulu, eno panonguno tipaqo shou iqa, eno ___ pesu panongu tsu ... eno panonguno ampe 1,000 Christo gholo xu eno ayehpe.

I Corinthiami 6:2, 3 ___ qono Ayehghiqha shou kughathabe nani ipikeu ghili nongu ye mtha keshya? ... ___ shou ghi kughathabe nani ipikeu ghili nongu ye mthakeshya?

HI ITHILO: Akimithemiqo ye ampe 1,000 kungugha lo Jisu gholo ngonani, eno panonguno kughathabekeu kumla shinani, ikemu panongu ye khiunoqo xaluni eno khiunoqo puhavenikeno tipau kumla ye shimonani, kughengu akumla hipau ye azuu no Alhou no xathape qhiveake ghenguno. Panongu ye Alhou no kiu kughathabeve akeno tipau shikumtotsunikeu likhike. “Kughengu o ghenguno thokha xathape qhiveake.” Piyekusu 15:4. Alhou no ayikusamiqo ghimenikeu, eno akimithemiqo asaxu tsunikeu ye achipi ipi panonguno shikumtotsu nani. (Piyekusu 22:11, 12). Akimithemiqono atsakukugha hipau lono ithulunikeu ye, kumsujukelo nono kungugha lo ikughi kelo nono khoqhuchekeu ow pastor aghimove aye, paye kiu ghenguno ighimovekeno tipau ghili kungumino pa w records qo lhaphe pe opiyenani, tileno noye ow pastor kumla kughuthaqo ghili ithitoilunani. Atsakukugha hipau lo kumtsuno Alhou mikucho xakutha, kikimiye eno agi jumokeu ghili ithitoilunani, eno akichi kupu jeli kumtsuno “Nono kughatha bekeu ye kuchou eno amikuchoke ipi Alhou vilo piphenani” Piyekusu 19:2. (Sukuphatsukeu lo ampe 1,000 chart loghi julo)

6. Ampe 1,000 ashekha shivekelo kiu shinanikya?

Zachariah 14:1, 4, 5, 9 Julo, Ampeu Tsala ye cheni, ... eno tipau tsala lo Ampeu ye Pa pukhu ___ ___, khikhi Jerusalem lono kipelau akeu shou nepukumo nani. Eno Olive naghuto ye aleqhi kini shi ___ nani, ... Titoi Ampeu I Lhou ye ighinani, eno akimithemiqo O gholono sasu ighinani, eno Ampeu no ayeghi kumtsu shou Akukau shinani.

Piyekusu 21:2 Eno ni, Johan no, Jerusalem Akitheu ___ Alhou launo kulaliuno li kimi ghenguno ananu pepuchekeu toi ___ keu ithulu

HI ITHILO: Ampe 1,000 ashekha shive kithishi Jerusalem akitheu lo akimithemiqo no ilo ngono Kungugha lono iqi Olive naghuto shou ngovenani. Ampeu no naghuto tipau lo aphughi iqi ngokulupu shi aqa kije chhukulaqave nani.

7. Akughuki lono Satan khaqhipheve kithishi paye kiu shinanikya?

Piyekusu 20:5, 7 Ikemu kithimi kutamiqo ye ampe 1,000 ashekha shimoke kutolo ___ nani, eno kughou ampe 1,000 ashekha shivenikeno Satan ye pa kughuki lono ___.

HI ITHILO: Ayikusamiqo xuchile puthuveke thiu, Satan pelo ililai panongu pishiqhiluveno panongu shou kaluvepe nani.

8. Ayikusamiqo xuchileputhuve kithishi Satan ye kiu shinanikya?

Piyekusu 20:8, 9 Eno pano ayeghi cheku bidi lo shiyehqo ___ nani, eno Gog eno Magog qo sasu kumtsa aghushiqa lo iloghinani, tile panongu kikihi ye azughi lo saye toinani. Panonguno ayeghi aqha kumtsu lono ighieno akimithemi qono ngo akeu Qhuivu chekeu phughi hu boluvenani.

HI ITHILO: Satan no timiqo pishiqhiluve puzu panongu pelo kungugha lono pa haphevekeu ye amikucho kumokeu ghili ithivepeno panongu kumtsa kuqha puzu aphughi hu leluveno tipau qhasuluveni ipi akupughu shi. Tile aphughi lono panongu khathaphevekeu ghili vethalu puzu panonguno Jerusalem akitheu leluvenike kutoluvenani.

9. Atuqhudo akhoto hipau lo kiuno thime kumtsu lakhavekya?

Piyekusu 20:11, 12 Tile Ino ___ ___kije, eno tipau shou Alhou no iqa akeu ithulu, ... eno kithimiqo shou ___ panongu kumla kiqi lono, panongu kumla ghili kakuqo lo yehpuku puakeu kiqi lono xathave.

HI ITHILO: Akimithe phughi shou kungugha lo Alhou kukalakhu zuleno pephe ipeghi, eno ashekhau kughathabeve nikeu kumla huthuve. Eno Alhou phughi bothape akeu hu lakhape qhive. Tile kakuqo lhaphepe qhi, eno panongu luthu lakhikhino kiu mlapuanikeno pa zulo piyesu. Ayikusami eno amikuchomiqo pelo ithulupenike ghenguno thime kumtsu pesu qhaqhilei lhaphe piyenani (Luk 12:2, 3)

10. Ayikusamiqo shou kughathabeve kithishi panongu pesu kiu shivekya?

Rommi 14:11 Ino xu achekeu toi, ipi Ampeu no pi, akhonhe ___ I gizulo ___ pe nani. Eno amili kumtsuno pututa kumla Alhou vilo piphepe nani.

Philippiami 2:10, 11 Tile kungugha lo eno ayeghi lo kuami, eno ayeghi qhou kuami kumtsu Jisu jeh lono qoqhunhepe nani, eno amili jeli kumtsu pelo ___ ye Apuh Alhou jukuvu lo Christo no Ampeu ke ipi___ penani.

Piyekusu 19:1, 2 Kungugha lo aqokitikhi kije no asheshu ighano pikeu sutsa lakhi Ino chilu, ... Pa w ___ ye kuchou eno ___ ke.”

HI ITHILO: Tile ayikusamiqono Alhou no kishi panongu xalunikeu kumla shichekeno mutsumilei vethalunani, ikemu panonguno pa gholumoveno axine kuxu lo xunike kisheluvekeu piphenani. Panongu kichi lono panongu xinekipimiqo piphenani, eno panongu ye puhavekuzu ipi luthu lakhino pipheve keu lono akukupuna hipau lo axinemiqo ye puhavenikeu xathavenani.

11. Tipau shelo kiu shikya?

Piyekusu 20:9 Kungugha lono Alhou launo ___ iqighi, eno panongu ___.

Piyekusu 20:15 Akuxupu kaku lo ajeh phumlavekeqo ye pesu ami ___ lo vesu pitiqhivenani

HI ITHILO: Alhou lau no ami iqighi, eno aphughi homxape akeu ayikusamiqo hu amiyizu tipau lono pitiqhive. Amiyizu tipauno panongu pitive eno ayevu amukhu kughulhove (Malaki 4:3) Satan ye ami tipau, khikhi amiyizu ipichekeu hu Ghapinhekulupu kuka kuhave. Pa eno pa ghinimiqo kumtsu pitilepe ayevu amukhu shive (Piyekusu 20:10; Ezekel 28:18). Ami pesu pitiqhivekeu, khikhi akithi akiniu (Piyekusu 20:14) ipikeu launo xuchile ithughi kulupu kuka kuhave.

12. Ami inheveke thiu Alhou ye Pa w timiqo ghenguno kiu mlatsu kya?

Isaya 65:17 Kughengu julo, Ino kungughaqo akithe eno ayeghi kithe lakhi ___.

2 Pitor 3:13 Ningu ye Pano piqhi puakeu kiqi lono kungughaqo akithe eno ayeghi kithe lakhi khile ___ ngonikeu laju acheni.

HI ITHILO: Ampe 70 Babylon lo akughushiche keu kishekhave kithishi, Israel nuliqo ye tushokiqhi yeghi eno puthukitheluvekeu phughi lo ide ighive. Titoi ampe 1,000 millennium ashekha shive kithishi Jisu no kungughaqo akithe eno ayeghi kithe tokhoi keu lakhi mlapuakeu akimithe miqono ithulunani, tilehi axine gi jukusa hu khilemu ithulu idemonani (Nahum 1:9) Adam ngo Eve pama no puhavekeu Eden hu luchilepe alokughuno, alokivi, kikimiye lono tokhoikeu mulokiqi huno alhokuthu Alhou nuliqo mulo chhitoi xucheuve nani.

13. Alhou eno amikuchomiqo ye ashekha lo khile xucheuve naniepi kya?

Piyekusu 12:3 Julo, Alhou chinehki ye timi gholo ani, eno Pano ___ gholo ___ nani.

Mathi 5:5 Akumthsa akughuvumiqo kumugha, kughengu panongu ye ___ mheghi ighilunani.

HI ITHILO: Apuh Alhou eno Anu Alhou pama kinikujo ayeghi lo akimithemiqo gholo achenani. Noghi kumsujulo, Alhou gholo alhokuthu xuachenikeu ghili.

NONO KHOCHILENIKEU

Jisuno pi; “Ino wuno nongu ghenguno a a lakhi kutoni.” Johan 14:2. Akimithe phughi lo Pa ye shikikisheki ani, no ye punukitheve no Pa yehkipe kukaqha lo lhokta kuxu lo xunike kutolunishi anima?

Khokichile: _______

SUKUPHATSUKEU

Opelo alau study shipenikeu ghenguno akiqi hami sukuphatsu ani.

“Ampe 1,000 millennium”

Ghili Ashekha kuhakeu qokuchhu

Piyekusu 20:1 lo “ashekha kuhakeu qokuchhu” ipikeu ghili ithikubangu keu acheni. Hipau ye Greek tsa lo “abusos” eno kimyemi tsa lo “abys” ipi. Old Testament lo Greek tsa hipau pesu Pulhosumphi zuu ayeghi hipau kiumu kughuphemono abo kumsa zumai akeu pike. “ayeghi ye kiumu kughuphemono abo kumsa ache, Ayeghiqha shou zumai ache” Bothu 1:2, Greek tsa “abusos” ipikeu Luk 8:31 lo tsupuakeuno, tughamiqo ye khiu shoumu ayehpeLukepu timi kuhavekeu bokutha lo anikeu pi ani. Ampe 1,000 dolo tughamiqo do aghuloki eno panongu kumla kughutha lakhape qhivetsunani, “tile pano pishiqhilukepu shiyeh lakhimu aghimonani.” Piyekusu 20:3.

Ashi hipau lo w ayikichhe kighi (chain) ye pesu aghungu lo lhoxu lakhi thsupe qhilumonani, ayeghi hipau lo pano pishiqhilukepu timi lakhimu kuhaveake pa ye khiu ghuju eno khiu pishiqhiniepikya? Titoi ampe 1,000 dolo ayeghi hipau lo paye khiumu ghujukepu kuhavenia, eno khiumu pishiqhilukepu kuhavenia. Tughami shou hitoikeu bokutha qhitsukeu pesu ayikichhe kighi (chain) pesu Dragon thsupe ashekha kuhakeu qokuchhu lo qhiveke ipi Piyekusu lono pike.“Panongu kumtsa akughumiqo toi wo aqo kuchhu lo kumuqo nani, eno pesu akughuki lo khathape qhivenani, eno atsala kutomo thiuno panongu ghimenani.” Isiah 24:22,

Tungkuputsa Lo Kuchou Thebei Ithulu Akeu, Akiphi14 ©2022 Amazing Facts International All Rights Reserved