Pa mu pishiqhive, pa puh pishiqhivekeqo ghili kumsuchilelu puzu pa ye shishe pa mulo imesheve, eno pa kutsu pishiqhope mulo qa. Aghasaqha kungukughalei keu a lo pa likhi, atu lakhi ikhipe pa kutsu mukhu puzu akulho qhive. Akiniu ide wo pa puh aza noqo sasu kusholunanikeo mokela ipi kumusu, eno Alhou ye pa xine kipimiqo hu ta qhivetsunani kemapi lai ipi kumusu ghi zuhuve. Pano zuhughi kelo asamo akichiqhikepu lakhi ithulu. Kungugha lashe lono akuvu kije lakhi yepiqi puzu tile akala lakhi kungugha lono iqi ayeghi lo nepe ngo akeu ithulu. Eno akala tipau shouno kungumiqono mili iku iqi akeu ithulu. Eno Jacob no Ampeu no pa ghuzula lo kumughatsunikeu tsa kungugha lono pikeu sutsa ghi chilu.

Ampeu no Abraham eno Isaac sasu puloshoqhi shipuakeu shikumtonikeu tsa pikeu chilu. Tile Jacob no ida ithughi puzu qoqhunhe no Alhou vilo pa lakimine laghiqo qhivenikeu piqhi eno akighini shi.

Pano Ampeu vilo, “Nono kiu pesu Itsunikeno tipau lo saje achighiu ye Ino pesu O tsuni” ipi tushoqhi. Bothu 28:22.

Alhou no pa shoqhi tipau ikhilutsu eno kungugha lashe khaqhitsu. Kughou ampe 20 thiu pano aki lo ide ighikeno tile Alhou no pa kumughatsu eno ikoisheLuku kuxu lo ikughilu.

PHIJUNIKEU

Hi aqhou Bible text tsupuakeqo phiju puzu line hetha puakeu lo shepichhive tsulo.

1. Jacob ye kughou no chighi saje pesu Alhou tsunikeu huthukya?

Bothubo 14:18, 20 Melchizedek ye ... Shishe Akiqheu Lhou chinehmi lakhi, ... eno Abraham no kumtsu lo saje ___ ye pesu pa tsu.

HI ITHILO: chighi saje ye timi lakhi no kilhikishi lo momu akumla kishi thokhalo allah Shilukeu lo saje achighiu ikhipheno pesu Alhou tsukeu pe picheni. Hipau ghili ye ampe kutomo zuu Jacob pa su Abraham no thime thokha lo saje achighiu pesu Alhou chinhemi Melchizedek tsukeu lono kichepiye puatsukeu ke.

2. Ninguno allah shilukeu lo saje khijehino Alhou w kya?

Achineh 27:30 ___ kumutsu Ampeu ____ ke, hiye Ampeu lau .

HI ITHILO: thime kumtsu saje aqhe lo aqhe Alhou w ke. Leshe 24:1 Ayeghi eno tipau lo chhitoi akeu thimeqo kumtsu Ampeu w ke, ayeghiqha eno tipau lo kughuna kuamiqo kumtsu Pa w ke. Ikemu Pano ningu pelo ninguno allah shilukeu lo saje achighiu pesu Pa tsukeu lono thime kumtsu Pa w ke ipikeu ghili ithi eno pulu penikeu kupughu shitsuke.

3. Alhou ye ningu w chighi saje pesu kiu shichenikya?

Akikihi 18:21, 24 Ino Israel lo panongu kumla ghenguno amheghi lakhi shi ghi ___ pesu Levi lagha tsuve ani ... Ino Israel miqo w ___ pesu Levi laghamiqo mheghi lakhi shivetsu ani.

I Corinthiami 9:13, 14 ____khiunoqo akimithe kumla shichekemiqo ye achinehki lo thimeqo ___ eno akumlla khache lo mla chekemiqo ye akumlla khache lo agho sughikeu chucheni ipikeu ghili nongu ye mthakeshya? titoi, gospel ___ qoye gospel lono xupenike Alhou no ahzatsu puani.

HI ITHILO: Old Testamnent lo Alhou no chighi saje pesu Levimi khunoqo achinehki lo mla chekeqo tuchoche. Titoi, I Corinth. 9:13 lo ghi pipuakeu no, akukuhou no chighi saje tsukeuno gospel ministers miqo tuchonikeu zah tsupuani.

4. Mose yehza aqau lo chighi saje tsuchekeu ye cross lono shipuhavetsu akeshya?

Bothubo 28:20, 22 Tileno Jacob no ashoqhi lakhi shi, eno pi, “Nono i tsukeu kumtsu lo Ino kuchouno chighi saje lo lakhi pesu O ___.”

HI ITHILO: Abraham ngo Jacob pamano chighi saje pesu tsuighikeu ye Mose zuu kushuwa lono tsu ighivea, tiye panonguno Sinai lo ighimphi zuuno. Eno hipau ye achineh lo axine ghenguno aghakishi kumlla gho, khikhi Jisu ghiqhivenikeu kichepuwotsukeu kukhuayeh kumo, tighenguno hipauye Jisu no cross lono shipuhavetsuake ipimla. Alhou no akupughu hipau shikeu ye gospel kumla lo kuphutsunikeu ke, eno hipauye ishikutolo akukuhou qono peitha chephi.

5. Jisu ye chighisaje pesu tsukeu akipimi tsuke kumokeshya?

Mathi 23:23 Ayehza kukutsumi eno Pharisimi kuhakughunamiqo, nongu ghenguno aha! Kughengu nonguno ayetsuni pulakhu eno napa toikeu lo ye saje ___ pesu tsu acheni, ikemu ayehza lo tinguno akimishiu amikucho xakutha, kikimiye eno akupulu kumlaqo ye kughuchove acheni. Nongu ye hipaqo ___ mayesa.

HI ITHILO: Jisu no hi pikeuye panongu vilo chighi lo saje lakhi tsukelo ipike kumo, ikemu panongu vilo ayetsuni kititi lo kiu toi chighi saje tsuchenikeno titoi ayehza lo tinguno akijeu eno akimishiuqo ghi mlalo ipike.

6. Chighi saje tsukeu lo kiutoikeu kukumugha tsunikeu piqhi puanikya?

Malaki 3:10 “Chighi saje pesu wo akini kutsuchekeu ki lo qhilo, ... eno I ___ ,” ipi aqokitikhiqo Mpeu no piani, “tsutsala Ino ___ lashe ___ kukumugha leqhitsu aye nongu ye tipaqo kiulo pekutsumovenani.”

HI ITHILO: Alhou no pi akeuno, “tsutsala nonguno chighisaje pesu I tsunikeu lo lipi aghi aye, Ni ye nongu kumughatsuni keo mokeno I pejulo” ipi ani. Chighi saje tsuchekemi timi asale no hiye kuchouke ipi nongu vilo pinani. Alhou saje ye pesu Pa tsuvemayesake.

7. Alhou no Pa w timi qo vilo chighisaje pesu wo akini kiqhi ki lo qhilo ipikeu kiqi ye kiukya?

Nehemeiah 13:12 Tileno judahmi qono athi, atsaiji kithe, eno teli kumtsu lo saje achighiu pesu wo ___ lo qhive.

HI ITHILO: Akini kiqhi ki (storehouse) ipi akeu hipau ye achinehki, akukuhou ki lo akini pekutsu chekeu (treasury) lo pekutsu lo ipikeuke. Malaki 3:10 lo, Alhou no pikeuno “tishienapiaye I ki lo chukepu aghinani” ipi. Nonguno (I yehkikithi 9:26 lo; 2 yehkikithi 31:11, 12 lo; eno Nehemiah 10:37, 38) lo julo. Akini kiqhi ki ipi akeuye akukuhoki lo pi anike.

8. Kughou ninguno chighisaje pekutsukeno tile khiuno tipaqo pekutsuluve chenikya?

Ibrimi 7:8 Hile thivenikuau timi no chighisaje pekutsluve cheni, ikemu tilehiye ___ (Jisu) no tipaqo pekutsuluve cheni.

Colossiami 3:23 Eno nonguno kiu mlakeno tikumtsu lo amulo kuchouno timi lau kumono ___ lau mlalo.

HI ITHILO: ninguno chighisaje pesu akukuho lo sughi chekeu ye timi tsu anike kumo, ikemu Alhou tsu anike ipi kumsululo. Hiye Pa sajeke, Paw ke. Ninguno Pa saje pesu Pa tsuve aye Pano tipau pesu ithanani.

9. Alhou ye chighisaje nguno alau kutau kiu ghi khu anikya?

Leshe 96:8 ___ ghoqo pesu Pa kikhala lo ighilo.

Malaki 3:8 Timi lakhi ye Alhou pukaqhilu nanikeshya? Tishi aghiepinamu nongu ye I pukaqhi acheni! Ikemu nonguno pi, “ningu ye kiu lono O pukaqhi achenkya? Chighisaje lono eno ___ ghoqo lono nonguno I pukaqhi achenike.”

HI ITHILO: Ampeu ye ningu pelo puloniqhikeu kumlla gho pesu ighi Pa tsupenishi acheni. Tishikeu lono ninguno Pa kimiye akeu pephepiye anike. Eno shikimithikeu gho pesu wo Pa tsukeu lono Pano ningu kumughatsu chekeu piye anike.

10. Ningu ye akumlla gho khijehi pesu wo Pa tsumaye sakya?

2 Corinthiami 9:7 tighenguno nonguno nongu mulo lono Pulophelukeu pesu Pa ___, anhekushu shimono momu tsumayesaputsake ipikeu lono kumono puloniqhiyikeu lono pesu tsulo. Kughengu Alhou ye tsunishiqhiyi tsukemi kimiye cheni.

HI ITHILO: Bible lo noye akumlla gho tijehi pesu tsumayesa ipi kihitha puamo. Ikemu tiye nono Pulophelukeu kiqi lono pesu Alhou tsulo. Tsutsala ninguno Alhou yehkipekukaqha mheghi lo ilonike ipi laju cheghiaye, tile ninguno hechemayesakepu thekuju ani.

11. Adam ngo Eve pamano ikiqivekeu thekujuye kiukya?

Bothubo 3:3 ikemu ___ subo, khikhi aghutu mta lo akeuye, Alhou no pikeuno, nongu ye ___ chukevi, momu tipau ___ kevilo, tishi aye nongu ye thivenani,”

HI ITHILO: Alhou no Adam ngo Eve pama vilo aghutu lo axathi subo kumtsu chulunani, Ikemu lakhi likhi - tiye akivi eno akusa kighithi subo ye chukevi, eno bukevilo, nongu ye thivenanike ipi. Alhou ye kiuana panongu meqhivekepu electric kuka sasu wo asubo tipau putukha puake kumo, asubo tipau ye panonguno bulu eno xochuvekulupu lo qhipuache. Ikemu panongu ghokulu avehu shi ani. Panonguye Alhou no pikeu gholunikeo mokeno theju anike. Ishi ningu lau ghi titoikeu thekuju qhipuatsu ani. Pano pi, “O pucho lo poisa iloghikeu kumtsu nono peithalu nani, ikemu lakhi ye bukevilo, tiye Iw ke, eno tiye saje achighiu momu chighi lo lakhi, momu chighi saje ke. Poisa tipau ye ningu pucho lo ani, ninguno bulu ani, ninguno pulo aye pesu Alhou tsuve cheni, ikemu pulomove aye Adam ngo Eve pama toi chuve cheni eno axine shive cheni.

Alhou ye akhoto subo tipau lo akhoto xathi khuke kumoe, ikemu aghokulu khuke. Titoi, Paye ningu w chighi saje avehu shiamoe, ikemu ningu ye Pa gholunanikeo mokeno ningu theju anike. Ayeghiqha kuchopu, eno tipau lo thime thokha Pa w ke. Pa ye ningu w income lo saje achighiu avehu shiamoe, ikemu ningu ye Pa kimiye anikeo mokeno, Pa gholunanikeo mokeno, eno Pa tsa pulunanikeo mokeno ningu theju anike.

12. Ninguno chighisaje eno akumlla gho tsumove aye ninguye ahzakutsu khikhiu hexave anikya?

Malaki 3:8 Timi lakhi ye Alhou ___ lunanikya? Tishimu nongu ye ___ acheni. Ikemu nonguno pi, ningu ye kiu lono O pukaqhi achenikya?” Chighisaje lono eno akumlla ghoqo lono nonguno I pukaqhi achnike.

Ipekulu 20:15 “Noye puka chini ___.”

HI ITHILO: Hile Alhou no pi akeuno, khiuno chighisaje lo eno akumlla ghoqo lo amikucho shimovenikeno paye kupukami lakhi ipivea. Noye timi kutami poisa ye pukachemo mtha, ikemu nono chighi saje achipi lono tsumove aye noye timi w kumono Alhou w pukaluvea. Noye gospel pesu puhavekeu ghungu sachile sasu ighipenikeu kumla lo peithanikeu poisa hu nono pukaluvea.

13. Nono chighisaje eno akumlla ghoqo pukaluve aye noye kiu shivenaniepi Alhou no pipuanikya?

Malaki 3:9 Noye ghushovekeu pesu ___ vea, kughengu nonguno I pukaqhike ghenguno, shiyeh hipau ye qhoi ghushovea.

I Corinthiami 6:10 ___ ve kemi, momu alakiminemi, momu shokumuzumi, momu suxakuchumi qoye Alhou yehkipe kukaqha mheghi lo ilomlanani.

HI ITHILO: Chighisaje eno akumlla ghoqo lo amikucho shimokemiqo ye ghushove kemi shivea, tsutsala panonguno xaide ighimove aye panongu ye kupukami lakhi ipi Ngukuno Alhou yehkipe kukaqha launo haphevenani.

14. Alakimine momu anhekushu ye kiutoi kumsapu kya?

Luk 12:34 Khilehi o ___ anikeno tilehi omulo ghi auve cheni.

HI ITHILO: alakimine eno anhekushu ye akithipu lakhike, kughengu nino khile ni kuakini pekutsu puanikeno tile ni mulo ni kukumusu kumtsu ngove cheni. Nino khijehi pekutsuluvekeno tijehi alamineuve cheni, kutami ju anheshuuve cheni eno ashekha lo ye aqhekuza lo ikughive cheni. Judas ye alamineve, eno ghuka 30 lono pa Mpeu Jisu jechuve (Mathi 26:14-16) keu ghili kumsuluni nolo.

15. Nono chighisaje eno akumlla ghoqo pukaluvekelo Jisu ye kiu kumsunaniepi noye ithi ania?

Ibrimi 3:10 Tighenguno Ino tiqheli hipaqo shou ___ eno pi, “timi hipaqoye alhokuthu pano mulo alaghuzu lalo wuve cheni.”

HI ITHILO: atianuliqono pisa pukaluvekelo apuaza noqono kumsu chekeu toi Jisu ghi kumsu achenike. Pisa puhavekeu no akhoto kumoe, ikemu anuliqono pukamikiuve, amikuchokumo shive eno pulumovekeu ghenguno amulokusa shi achenike. Tighenguno ningu ghi pukamikive puzu Ampeu mulo shikighime tsumoni nolo.

16. Bible lo Alhou sasu kusajekeu ghili kishi pipuanikya?

A. 2 Corinthiami 8:5 Panonguno atughishi ___ Ampeu lau tsu, eno Alhou pulou lono pesu ningu lau ghi tsuke.

B. Ahole 3:9 O kini pesu Ampeu gihulo, eno nono alashilukeu kumtsu pesu Pa ___.

C. Ahole 11:24, 25 Tile kutholekemi ani tishimu alau ___ eno tile achipiu nguno alau suchileluvekemi ani, eno tipauno pano sasu kumulhomi kuxu lo ilove cheni. ___ keu ghungu ye kinimi shive cheni, khiuno azu suchenikeno pa likhi pa shou shicheni.

D. Apostolmi 20:35 ikhilukeu nguno alau pesu ___ no alau ___.

E. Luk 12:21 Khiuno Pa likhi pa ___ pekutsuluvekeno ... paye Alhou kudauye ___ shichemoe.

F. Luk 6:38 tsulo, eno tipau pesu otsunani, akimighi kivi shieno otsunani, inasuno, eno kunosuno otsunani, eno ___ omula shou ___ ikughinani.

G. I Corinthiami 16:2 Nongu kumtsuno kiu ___ pekutsupe pututa w lo qhipuaghipelo.

H. Zahkiniu 16:17 Kumtsu no Ampeu no nongu kumughatsukeu kiqi lono ___ Ampeu nongu Lhou ___.

HI ITHILO: Nono Alhou saje pesu Pa tsukeu lono Pano kungugha lashe khaqhitsukeu lo ghuka kukumugha likhi kumo, ikemu ashiahji kivi, akukumusu lokughno, akighini khochiletsukeu, sukusho, kunuvuqalei eno kimiyekile keu kibo eno ashi lo kumto, alokutsu xakutha Shilukeu, tsalapekighi kuxu lo Jisu kupunukhoilukeu, eno Pa kikimiye ghili pesu kutami vilo pilukeu kukumugha ithulu cheni. Jisu kikimiye lono Pa kumla lo akuxu tsuno mlakeu ye kiumu amakho kimishi kumoke. Ikemu tiye kukumugha lakhike, Titoi Pa jukuvu shitsukeu huno ni mulo kiqi kije, eno ni lokivi kijeke.

17. Jacob no pa samo lo akala ithulukeu kiqi ye kiukya?

Johan 1:51 Hinguno hilau kungugha kiyeveno Alhou ghinimi qono ___ shouno pula iku iqi akeu nono ithulunani.

HI ITHILO: Jabob no kungugha ngo ayeghi pama dolo akala lakhi no akupu shipuakeu ithulu. Tipau kiqi ye timi Nu Jisu ke. Malaki 3:10 lo pi akeuno, tsutsala ninguno chighisaje pesu ighieno Pa kilo qhitsu aye Pano kungugha lashe ningu lau khaqhitsunani eno ningu kumughatsu nani ipi akeu ye Pa Nu Jisu pesu ningu tsunikeu pi ke.

18. Ninguno agho akijeu pesu Jisu tsunikeu ye kiu kya?

Ahole 23:26 Inu, ___ ___ pesu I tsulo, eno I laghiqo julo.

Mark 7:6 Ikemu timi hipaqoye panongu kichi likhino I gihu achenike thono panongu ___ ye I launo putosu achenike.

HI ITHILO: Kughou Jisu no ilo ningu mulo lo ngoluvenikeno Pa no thokha ningu ghenguno mlatsu acheni.

NONO KHOCHILENIKEU

Kughou ninguno pulubekulu shi chighisaje eno akumlla ghoqo pesu Pa tsunikeno, tile ningu kuxu kupughu kumtsu lo Pa no ningu sasu mlakuqhatsunani.

Tighenguno no ghi chighisajeqo eno akumlla ghoqo achipi lono aghokulushi pesu Pa tsupuzu Pa pelo okuxu lo kumlaqo lo o gholo mlakuqhatsu penishi anima?

Khokichile: __________

Tungkuputsa Lo Kuchou Thebei Ithulu Akeu, Akiphi 15 ©2022 Amazing Facts International All Rights Reserved