Pitor ye achipilo pia, ikemu pa mulo lo aqhekuza akeu ghili paye mthave. Tipaji aqokitikhino ighieno Ampeu kughaluve, tile kumtsuno jua, ikemu Pater ye pa zuta kikihi ikhiphe no Ampeu saphu. Ikemu ado hami thiu, kughou panonguno Ampeu shou atsakugha thuvekeno, Ampeu ghumino pa ghuju, tile paye ghuthu kuthu kutolo Ampeu mthakeghili shi mikive. Ghuthu kuthu kutolo Pitor ye amulo kumotoshi khochile, ashekha loye ashoqhi ghi shi, eno ghushokeu ghi shi (Mathi 26:74).

Tipau mtsa lono awu igha ithughi, tile Ampeu Jisu ye kughaki alou Pa shou kughathabe ani, eno akhemiqono Pa he akelo Ampeu no pishi pipe akulaghi lo Pitor ju, tile Pitor ghi Ampeu no pa kimiyeqhiyi pishi pipe pa juakeu ithulu puzu pa mulo itapinyive. “Tile Pitor ye Ampeu no pa vilo, “noye awu ighamphi zuu ghuthu kuthu I ghili pitsumove nani” ipikeu tsa kumsulu puzu pa mulo itapinyi qasu khalau ipeve.” Luk 22:61, 62.

Tipa tsala nguno tilauye Pitor ye pakutakemi shive. Tinguno huthu puzu paye aqoaho pulozah lunishimove, ikemu Alhou pulou shinikeu xathaluve. Pano pa mulo pebideveke thiu pa sasu Judahmi hoho lo ighi puzu pa he eno hinguno hilauye Jisu ghili kutsu kevilopi pa kichikulu. Ikemu Pitor no msamono khochile eno pi, “ningu ye timi nguno alau Alhou gholunani” ipi. Apostolmi 5:29.

Pitor ye Rommian Emperor Nero no pa kughapesu aphughi khalau no pa shikighime eno pa pithivenike kutolo paye khilemu pa Mpeu thamonikeu pulo xathaluve.

PHIJUNIKEU

Hi aqhou Bible kiyeh tsupuakeqo phijuno hetha puakeu lo shepichhiluvelo.

1. Ningu ye Pa laumi shinanikeo mokeno Alhou ye kishi ningu kiqilu chenikya?

Mathi 7:21 I vilo “Ampeu, Ampeu” ipichekemi kumtsu kungugha yehkipe kukaqha lo ___ nani, ikemu I Puh kungugha lo kuau ___ shichekemi likhino ilolunani.

Rommi 6:16 Nongu kutoshi khiu qeu shiveakeno nonguye tipau gholu cheni, Axine no nongu sasu akithi lo ilovekepushi aghiepina, momu aghokulu no nongu sasu amikucho lo ilovekepu shi aghie pinamu, nonguno khiu ___ nikeno nongu ye tipau qemi shiveake kumokeshya?

HI ITHILO: Ninguno khiuno tsa ini nike pulopheluvekeno ninguye tipano gholuve gholukeu cheni. Ningu ye Alhou qemiqoke ipi chenikemu ninguno Satan no kichetsukeu pape wuve aye, momu ayeghi lo kuxu lhoayeh pape wuve aye tiye ningu likhi ningu phishiqhiveake.

2. Kughou no Alhou zahkutsu ngo timi zahkutsu pama dolo kupuna ipeghi vekeno tile Pitor ye khiu gholuniepi kya?

Apostolmi 5:29 Ikemu Pitor eno apostolmi kutamiqono khochile eno pi, “Ningu ye timi ghokulu nguno alau Alhou ___ nani” ipi.

HI ITHILO: Pitor no pa mulo pebideveke thiuye paye Jisu kimiyeuve, eno Judahmiqo hoho lono pekipheshi paye Alhou gholunikeu piqhive. Ashekha tsala qolo tughashi eno ayeghi lo yehza ngo Alhou zahkutsu pama dolo kupuna nani ipikeu ghili ninguno philuvea. Ninguye kiu kiu sholuepinamu Alhou zahkutsu papeni ipi itehi nguno kisheluveni nolo.

3. Ningu ye Alhou kimiye ani ipi kishieno pephepiyetsuni kya?

Johan 8:31 Tsutsala nonguno ___ ___ pape cheghi aye nongu ye I khopemi kuchouke.

Johan 14:15 Nonguno I kimiye cheghi aye I zahkutsuqo papelo.

1 Johan 2:4 Khiuno “Niye Pa kimiye anike” ipi puzu Pa ___ papemokeno paye kimikimi lakhi, eno kuchou pa lau kuha.

HI ITHILO: Jisu kimiye ani ipi pephetsunikeu akiviu ye Pa pulou shitsukeuke. Kughengu Alhou pulou pephetsu akeu kuchou ye Pa zahkutsu papekeu lonoke (Leshe 40:8).

4. Kuhakughamiqo eno azubokughunamiqo ghili Jisu no kiu kishi pikya?

Mathi 6:2 Panongu ye timi launo ___ lunike ghenguno mla cheni.

Mathi 6:5 timi pelo panongu kumla ___ penishi cheni.

HI ITHILO: Timi titoikemiqoye panongu jume ithuluveake ipi Bible no ningu vilo pi ani. “Timi ye ashou jukivi jucheni, ikemu Ampeu ye alou amulo jucheni.” 1 Samuel 16:7. Christomi kuchomi ye Alhou ye kishi timi lakhi ghili kumsu achenikelae ipi kumsu cheni.

5. Aqoaho papekeuno xakulupu keshya?

Ipekulu 23:2 Noye aqoaho ___ wuno akumla ___ mlakevilo.

Mathi 7:13, 14 Khagho kumughu lalo iloghilo, kughengu khagho kije lo kichemiqoye kutomoke, eno panongu ye ___ lo ilove cheni. Ikemu khagho kumughu laghi lo kichemi ye aghuloshi, eno tipauno akuxupu lo sasu ilonanike.

1 Pitor 3:20 Noah tsala lo timiqo xakulupu ashuka mlape qhipua, ikemu tile timi ___ likhino ilolu, azukucho lono aghungu 8 likhi ___.

HI ITHILO: timi xu ghili lono ninguno ithulu akeuno, alhokuthu lo aqoaho kitikhiqo ye alhoayeh lono akumla lhokusa shinikeu likhi xakutha lucheni. Wovekeu lo Israel miqo aho no atu pesu Joshuah ngo Caleb pama veqhi pithiveno Egypt lo aqemi kuxu lo ide iloveni ipi xatha (Akikihi 14:4-10). Judahmi aqokitikhiqo no Jisu kughape “yedavelo, yedavelo” ipi asheshu igha (Luk 23:21). Titoi ashekha tsala lo timi akichiuno tughashi michipu ikhiluvenani (Piyekusu 13:16).

6. Ninguno timi yehza pesu Alhou zahkutsu thelilo peithakelo Alhou ye kiu kumsunani kya?

Mark 7:7, 9 “Panonguno I mlla chekeu ye ___, kughengu panonguno timi kukutsu pesu kutsu chenike ghenguno.” ... “nonguno timi yehza papenike ghenguno Alhou zahkutsu ye tuchilevetsuke.”

7. Ashekha tsala lo Christomiqoye ayeghi gizulo ajekipi shinani keshya?

Mathi 24:9 I jeh ghengu lono shiyeh ___ nongu ___.

2 Timothi 3:12 Iye, Christo Jisu lono akimitheshi xunishi chekemiqo ye ___ nani.

Piyekusu 12:17 Kughengu dragon no totimi shou aghaideve, eno li piti ___ sasu ___ shinike wuve.

Piyekusu 13:15 tughashi eno pa julho mllamo kemi kutomo ___ nani.

HI ITHILO: ashekha tsalaqolo Satan eno pa papemiqono Alhou nuli Bible pulu chekemiqo sasu aghushinani.

8. Alhou ghi pulu eno aqokitikhiqo pulou ghi shilunani keshya?

Mathi 6:24 Timi lakhi ye ampeu kini qekumtsa mlae, kughengu pano lakhi ye ___ ve nani, ikemu lakhi ye ___ ve nani, momu lakhi ___ venani, eno lakhiu ye ___ nani.

Mathi 12:30 Khiuno I lau sumokeno pa ye ___.

HI ITHILO: Ishi hi Christo ngo Satan pama dolo aghushi akeu lo tile amutami kuhanani. Khiunomu pa khachekighe lo ikuno pishipiqi aghushi tipau ju amlanani. Ninguno Christo gholo sumove aye ninguye kuchouno Satan sakuphumi shivae.

9. Jisu nguno alau ninguye abolomi asholokumi saphuvekulupu keshya?

Mathi 10:37 Khiuno I nguno ala apuh, momu ___ kimiyeuveni keno paye I khopemi shikuzupu kumoe. Eno khiuno I nguno ___ anu momu anga kimiyeuveni keno paye I khopemi shikuzupu kumoe.

Luk 14:26 Khiuno I pape ighi puzu pa puh, paza, eno pa ___ eno pa nuliqo, pa thikuzu zukighi eno chepucheli eno palikhi pa ___ kutolo mithivemo keno pa ye I khopemi shimla nani.

Mathi 12:50 Kughengu khiuno I Puh kunguha lo kuau pulou shichenikeno tipauno I thikuzuu, I chepu eno ___ ke.

HI ITHILO: Jisu no hile pitsuakeuye, ningu kuxu lo ningu kukuphu eno ningu kikimiye pesu atughushi Pa tsuve pa ghilo ipikeu kiqike. Alhoayeh lono ninguye ningu kuxu lo Jisu ye kumsumave cheni. Paye ni Xachilekuluu eno ni Lhou ke ipikeu ghili mthavecheni.

10. Jisu ghengu ye kumsujumoveno ayeghilo ningu kini pekutsuuvekeu ye alokutsu keshya?

Mathi 16:26 Tsutsala timi lakhino ___ qhoi pesu pa w shiluve aghikithishi namu pa ___ puhave aye paye kiu allah shilunanikya?

Luk 12:15 Kughengu timi lakhi kuxu ye pano ___ kutomo pighi aghikeu shou bepua chemoe.

HI ITHILO: akumla kivi shi aghilu eno thime kivi pighi Aghilukeu lono alokivi alokughuno ighi cheni ipi puluchekeu ye pishikiqhi lakhike. Hipau ghili lo Jisu no mutsumishei ningu vilo piputo puatsu ani: “Kinimi lakhi no Alhou yehkipe kukaqha lo ilolunikeu ye camel no ayipuki lo ilokeuno akumlau shinani” ipi. Mark 1O:25.

11. Alhou no kuchou ghili pesu ningu lau piyesuveke thiu ningu ye tamono Pa pulou shimove eno Pa gholumovelu nani keshya?

Hosea 4:6 I w timiqo ye akighithi kuhakeu ghenguno ___ khavea, kughengu nonguno akighithi hu ___ ke, tighenguno Ni ghi nongu tucileveni, ... kughengu nonguno Alhou ___ hu kumsumaveke, tighenguno Ni ghi nongu nuliqo kumsumavetsuni.

Ibrimi 10:26 Ninguno ___ kighithi ithiluveke ___, tsutsala ninguno axine shive aye ningu xine ghenguno aghashitsuni keu kuhavenani.

12. Tsutsala ninguno tsuikhomo kuchou tuchile auveaye ningu ye kiu shivenanikya?

2 Thessaloniami 2:10-12 amikuchokumo pishikiqhi lono kutomo ____, kughengu panonguno ___ ___ hu ikhilunishimoveke ghenguno xakulu ithumlaveke. Hi ghenguno Alhou no panongu lau akumto pishikiqhi puutsu eno tipau ___ pe, eno puhvavepeke. Kughengu amikuchokumo kumla kishi lono panongu ghapiqi auveke ghenguno.

Johan 3:19 Akuvu hu ayeghi lo ighi, ikemu timiqono akuvu nguno alau akuzu ___ ve, kughengu panongu kumlano alhokusa likhi kehu, tighenguno panongu ye puhaveke.

HI ITHILO: Kuchoyehsu no kutsu piyekeuno Jisu no Kuchou ipi (Johan 14:6). Tighenguno kuchou ikhilunishi mokeu ye Jisu ikhilu mokeu lono ipeghinani.

13. Ashekha tsalaqo lo Alhou timi shikighime akeqo ye panongu ye achipiu kumla shi anike ipi pinani keshya?

Johan 16:2 Ado hu ighinani,tiye khiunoqono nongu ghiqhi anikeno panongu ye Alhou ___ shi anike ipi ___ nani.

14. Kuchou ithuluveakemu papenishimono tuchilekemiqo lau Pitor no kishi pikya?

2 Pitor 2:21, 22 Akimithe zahkutsu pesu panongu tsupuzu panonguno papemono ___ ye panongu ye amikucho laghi ghili ___ keuno akiviu shini chekena? Ikemu hipau no panongu lau kuchou holetsa lakhi shivea: “Atsu lakhi ye idewo pano mughuqhivekeu chuvecheni,” eno “awo lakhi ye idewo pano ihivekeu niba lo ___ ide cheni” ipikeu shikupu ani.

15. Pa pape ighinishikemi lau Jisu no kishi pikya?

Luk 9:23 Tsutsala khiuana I pape ighinishi aghiaye, palikhi pa ghenguno kiumu ____, ikemu tsala pekighi lo pa w cross xapu I papelo.

16. Jisu papenikeu kupughu momu xakutha kiqhevekepu keshya?

Ibrimi 4:7, 8 Tsutsala ishi nonguno Pa sutsa ___ aye, nongu mulo mka kevilo.

Ibrimi 2:3 Tsutsala ishi ninguno xachilekulu kije pesu ningu tsu akeu ___ aye ninguye kishieno pojolunanikya?

2 Corinthiami 6:2 Julo, ___ye Ikhilukepu ghulokike,; julo, ishiye xachilekulu ___ke.

HI ITHILO: Alhou tsa ikhilunikeu do kivi ye nono Pa sutsa chilu akeu do hike. Nono Pa pulou shitsulunikeu do akiviu ye Pano olau piyesu akeu do akiviu hike. Nono xathalunikeu do kivi kutomo aphike ipi puzu ado akivu tipau kiqheve aye Satan no o do tipau olau akiniu suighitsumovenani. Nono kughuchovekeu do kivi tipau hu olau ide ighimovenani.

17. Ado kivi tipau ikhiluno kuchou papeluvekeu lo kiu toi allah kije anikya?

Leshe 119:165 O zahkutsu kimiye chekemiqo lau ___ kije ani, kiunomu panongu pukhu pusuvetsu mla.

Johan 8:32 Eno nonguno kuchou hu ithivenani, eno kuchou huno nongu pesu ___ shivetsunani.

1 Pitor 1:22 Kuchou ghungu vechewono nongu ghungu ___ luvea.

HI ITHILO: akichiqhikepu lokughuno, sukusho eno ililaikeu nongu mulo lo iloghivenani, eno nongu ye kuchou ghoLuku lo ighivenani.

18. Jisu ye kiutoi inijukeu pesu ghuthu kuthu kutolo Pitor inijukya?

Johan 21:17 Jonah nu “Simon, noye I ___ animapi?

HI ITHILO: Akhoto Inijukeu hipau pesu kuchou kiqi lo iloghi aye, kuchouno amulo kuchou pesu Alhou kupulo lo zuthaviqholo shivekeu lo aghungu lo amekua kumzapu ani.

NONO KHOCHILENIKEU

Axine yeghiqha hipau lo kuchou (truth) ye khilemu ajekipi shiluchemo, ikemu aqoaho tsa huno ighono ajekipi shi acheni. Tishi aghie pinamu Jisu no Cross lono oxine kumtsu xapusu aghashivetsua, eno oxine piagha kumtsu lovetsu-a. Jisu no oxapheluvenikeu kupughu kije shipe ighivea. Eno kuchou khikhi ipi akeu lono tipau kupughu hu pephepiyetsu ani. Tighenguno noye ghuthu lakhi xaide ighieno omulo pesu Pa tsujumo keshya? Pa ye O xachilekuluu Ampeu ke ipi ikhiluvemo keshya? Pano khi kidiu osasu wunikeno tilau Pa pape wujumo keshya?

Khokichile: ___________