Ikemu apumi hipau ye timiqono pa jukivi ghenguno akishe patsu chekeu nguno alau pa puh yehikipe kuka lakhu lo iku ngonishive. Kiu kiu shi aghie pinamu paye Israel lo akukau shinishive. Atughushi paye pa mu akichiu Amnon ghiqhive, pano pa fo Tamar shipusavetsuke ghenguno.

Amnon no David nu anoghiu ke ghenguno pa puh kuka ye pano pe kuzupuke. Ikemu Absalom no timiqo mulo chuluvenike ghenguno paye pa puh yehkipe lo pulomokeu, aghakiqi kuhakeu, pa yehza kumka eno achipiu xakutha kuhakeu ghili pesu timiqo vilo pithuve, eno timiqo pelo David yehkipe shou lipilizaikeu ipeghivepe. “tishikeu lono pano Israel miqo mulo pukaluvetsu.” (Israel miqo mulo chuluve) 2 Samuel 15:6.

Ashekha lo pa kupulo shikupuluvenike ghenguno pa puh David ghiqhiveno pa kukaqha luvetsunikeu kupughu shithuve. Tile David ye pa gholo kichemiqo sasu Jerusalem qhiveno wuve. Ighono kukhukimiji ghushi lono pa nu ajukiviu Absalom hu ghiqhive, atsala hami thiuye David no itaghi pa kukalakhu peluve.

Hiye ighono amulo ghimepu kughakichetsa lakhi. Ikemu hino kukami kibolo kichighi ipeghikeu atughiu kumo, hipau zuu ado kushuwa lono akukaqha kije lakhi lo hebide ipeghieno kichighikeu ani. Eno akukaqha tipau ye kungugha ipi ku cheni.

PHIJUNIKEU

Hi aqhou Bible kiyeh eno atsajoqo tsupuakeu amulokutsushi phijuno hetha puakeu lo okutoshi shepichhiluvelo.

1. Kungugha lo hebide ipeghikeu kukau jeh ye khiu, eno paye kiu ghenguno hebidevekya?

Isaya 14:12 “Noye kiutoi kungugha lono ikiqive kela O ___ inaqhe nu!”

Isaya 14:13, 14 “Kughengu nono o ____ lono ishi pi ... Niye ____ ____toi shini ipike.”

Ezekel 28:17 “O ____ ghenguno noye omulo suqheveke; olau ____ akeu huno oshipusaveke.”

HI ITHILO: Alhou no lhosukeu gholo Lucifer ye ighono akuka kughushu eno ajukivi lhoxu lakhi ke.Paye kungumiqo kumtsu gholo ajukiviu eno kungumiqo choir sakipheu lakhi shiche. Ikemu pa jukivi ghenguno paye qhezave (Sukuphatsukeu kiphi lo ajeh hipau pesu Satan, Tyre lo eno Babylon lo akukau ipi kupuatsu ani)

2. Alhou no Lucifer lhoke lo paye alhokusa (devil) lakhi shi ghi lhosu keshya?

Ezekel 28:15 “O lhosuke tsala lono noye olaghi lo ____ , olau ____ phulumphi kutolo.”

HI ITHILO: Alhou ye tokhoi keu kungumi lhosu, pa pelo ililai kishekulupu lo lhosu, tighenguno pa lau alhokusa kisheluve kulupu ghi ani. Eno pa ye tishi alhokusa kisheluve nani ipi khilemu kumsumo. Lucifer ye kumtsuno kimiyeche. Eno paye alokivi akiqheu lono Alhou huthu eno qeche. Ampeu ye Pa w lhoxuqo robots qo toi lhosuve kepu shia, ikemu rebots qoye kimiye mlake. Kuchou kikimiye ye ni mulo lono, ni lo lono ipeghimaye sake. Apuh aza noqo no anuliqo tuchomujo puthu, saputhu acheni, ikemu hamiye agholumovekeu ghi shive cheni. Alhou ye Pa w lhoxuqo lo lo ililai kishekulupu chipiu supuatsu ani. Tighenguno lhoxu lakhi no kiu kisheLukno tino pawu xakutha, akuxupu keo akithipukeno shinani. Alhou ye Pawlhoxuqo pelo anguka lono Pa sumsape eno kimiyepe keu shichemo. Ikemu pututa lo lono ipeghikeu kikimiye lunishi cheni.

3. Ashekha lo ye kishivekya?

Piyekusu 12:7 “ ____lo ____ ipeghive; Michael eno Pa ghinimi qono dragon eno pa ghinimiqo sasu aghushi.”

HI ITHILO: Ashekha loye Lucifer eno pa gholo kusumiqo kumtsu kungugha lono hapheve.

4. Devil zahkutsu qholo kiutoikeu kukakughushu lhoxu no akumla shikya?

Piyekusu 12:4 “Pa shomhi no kungugha lo ayepu saje ____ sunhepe ayeghi lo vepiqive.”

Piyekusu 12: 9 “Ayeghi lo pa hapiqive, eno pa ____ ghi pa gholono hapheve.”

HI ITHILO: Satan ye ighono lotsuloghui eno amuqukini kusa kehu, pano Alhou hebide eno ghochilekeu kumla lo kungugha lo kungumiqo saje akuthuu pishiqhipe pa gholo suluve. Itehi Satan gholono hapheveno pa gholo mla kuqha akemi tughamiqo vilo devils, demons ipi kucheni. Ninguno Absalom ghili philuvekeu toi, pa qemiqo pelo pano kiu pikeno pa pulou kumla shipe. 2 Samuel 13:28 “Itehiye Absalom no pa qemiqo azahtsu eno pi, itehi jukutoluvelo, kughou Amnon no aji shopusu alokivishi a keno, ... tileno pa heqhivelo, khilemu msa kevilo, Ino nongu ahzatsu anike kumokeshya? 2 Samuel 14:30 tileno pano pa qemiqo vilo pi, “julo, Job lu ye I lu phivilo ani, ... wulo, eno pa lu lo ami suvetsulo.”

5. Satan ye kiu ghola lono pa kumla shi achenikya?

A. Piyekusu 12:9 “Satan no ayeghiqha kuchopu ___ acheni.”

B. Mark 1:13 “Eno Pa ye tile aghasaqha lo atsala lhobidi Satan no Pa ___.”

C. Piyekusu 16:14 “Ningu thikuzumiqo ___ khiuno ningu Lhou zulono putho pucho ____ panongu tsuchekeu hu hapiqivea.”

D. Johan 8:44 “Paye hukuthu lono ___ mi lakhi ke, ... kughengu paye ___ mi lakhi, eno tipau pa puh ke.”

HI ITHILO: Satan no kuchou ngo kichileu kuma dolo Alhou shou akumuchho shieno aghushi kelo, Alhou ye kuchou (truth) likhi peitha. Ikemu Satan ye pa gholo kusumiqono pa pulumoveno sake ghenguno kuchou pesu kichileu lo chinekuxuve puzu pesu pa gholo kusumiqo vilo pi, pa kupughu shikupuluvenike ghenguno. (Sukuphatsukeu kiphi lo “puluchemo mithekeu hu puluve” ipikeu tsato lojulo).

6. Satan ye kughouno ighono kumsapu shivenani kya?

2 Corinthinami 11:14, 15 “Satan no pakutoshi ___ lo ___ lakhi shivenani ipikeu tsa lo akumza akepu vehu kiumu kuhae.”

HI ITHILO: Satan toi, Absalom ghi pa w timiqo pelo pa puluve penike ghenguno alatsa kutomo iqisu puzu timiqo pighiqhiluve

2 Samuel 15:5, 6 “Eno titoi, khiuno ighieno pa zulo itsaqikeno, pano pa w chhopuwo timi tipau valuve, eno pa muma, Absalom no hitoi shikeu lono Israel miqo kumtsuno panongu shou kughathatsu penike ghenguno akukau lau ighi. Titoi Absalom no timiqo mulo pukaluvetsu ke.”

Kughou pano akukuhoki alou iloghi puzu aghungu lo kumla shiithuvenikeno tile Satan ye ighono kumsapu lakhi shiveake ipi ithilo.(Sukuphatsukeu kiphi lo “A Brilliant Angel ipikeu tsato lo julo)

7. Satan ye Bible ithi anikeshya?

Mathi 4:5, 6 “Tileno Satan no ... Pa vilo pi, Noye Alhou Nu ke ipi aye hileno ilhe iqivelo, kughengu hitoi ___; Pa no Pa ghinimi puuno O khapeluvepe nani.”

HI ITHILO: Satan ye Bible lo tsa ikhiphelunikeu lo ighono alayehkuchouke, paye pa w pishikiqhi kumla lo peithanikeu ghenguno Bible tsa kumokeu ghi pinani. Tighenguno Alhou timiqo ye Kuchoyehsu akivishi phi eno ithi aghimayesa, tishimoaye Satan no mlalei ningu pishiqhive nanike.

8. Satan ye ayeghi hipau lo timi khiunoqo mithishe chenikya?

Piyekusu 12:17 “Eno dragon no ___ shou agha ideve, eno li ___ achiliqo, khunoqo Alhou zahkutsu pape cheni eno Jisu Christo shepe pechekeqo sasu aghushinike wuve.”

9. Bible lo akithipu tughashi kini pesu Satan kimighitsu akeu ye kiu kuma kya?

I Pitor 5:8 “Tsukhui shi, eno kutokupuilo, kughengu aghumi Satan hu no ___ no khiu tsuchunikela ipi igha phuchekeu toi itsuchenike.

Piyekusu 12:9 “Titoi dragon akijeu hu hapheve,aqau lo pa vilo ___ , Devil eno Satan ipi kuchekeu hu.”

HI ITHILO: abongushuuqo eno apighiqo ye tsuchuvenike ghenguno miqeju acheni, titoi tughami ghi paikhavi pishiqhiluvenike phucheni.

10. Satan tuchileluvekepu laghi lakhi akeu ye kiu kya?

Jems 4:7, 8 “Tighenguno thokha kumtsu pesu Alhou ___ lo, Satan tuchilevelo, tishi aye paye olauno povenani; Alhou kupunuluvelo, tishi aye Pano o ___ lo ___nani.”

HI ITHILO: Alhou sasu kupunukhoi luvenikeu laghi akiviu ye akighini, eno Pa tsa philu puzu Pa phuluvenikeuno alaghi akiviu eno akiqheu ke.

11. Jisu ye kishi Satan sasu kichighi kya?

Mathi 4:10 “Tileno Jisu no pa vilo pi, I launo wuvelo, Satan! Kughengu ___ ___ ___ ___”

Ephesiami 6:17“Aghungu lo zutakikihi ye ___ ___ke.”

Ibrimi 4:12 “Kughengu Alhou ___no akuxupu eno akuka ku-a ke, eno putoputo kutsugha zutakikihi ke.”

HI ITHILO: Satan pishikiqhi muqu lichhe shou tokulu shilunikeu ye Alhou tsa pesu ni mulo lo kutsupua akeu likhino tolunani. Jesu no peitha keu ghunanu ishi ghi ningu wulo ani. Leshe 119:11 “Ino O lau axine shiveno sake ghenguno O tsa I mulo lo kusupe acheni.” Ephesiami 6:11 “Alhou ghunanu qhoi pepuluvelo, tishi aye noye Satan ghakighide lo puthugholu nanike.”

12. Ashekha lo Absalom toi Satan ye kiu kishive nanikya?

2 Samuel 18:17 “eno panonguno Absalom pesu aghasaqha lo asuboqo qholo ___.”

Isaya 14:15 “Noye akumoki (sheol) lo sunhesuve nani,eno thonheikeu ___ lo vesuve nani.”

13. Tithiu ghi Satan ye Alhou timiqo ghujunike ipeghinani keshya?

Ezekel 28:19 “Paye ___ kuhave nani.” Nahum 1:9 “Pano shikighime chekeu hu ___ khilemu ipeghimo nani”

14. Alhou ye ayikusamiqo ghimevekeu lo kishi kumsu chenikya?

Ezekel 33:11 Titoi panongu vilo pilo, “Ino xu achekeu toi, ipi Ampeu Alhou no pi ani, Niye ayikusamiqo kithi lo I mulo ___ chemoe, ikemu ayikusamiqo pelo pano laghi launo ___ ___ no xu apenishi cheni, nongu laghi lhokusaqo launo xaide ighivelo, xaidevelo, nongu ye kiu shiepi thi anikya?”

15. Pa ghochile akeu pa nu Absalom kutsavae ipikeu sutsa chilukelo David ye kishi khochile kya?

2 Samuel 18:33 “Tile akukau ye ighono pa mulo ___ eno khagho phi lo achebo lakhi lo ilono qa, eno ishi pi; “O I nu Absalom - I nu, I nu Absalom, Ino ___ shi ___hu, O Absalom I nu, I nu.”

NONO KHOCHILENIKEU

Ninguno ishi kiphi hipau lono Alhou ye Pa nuli puhavekeqo kishi kumsu achenikeno ithivea. Ningu ghenguno thivetsunishikeu likhi kumokemu Pa no kupuka lakhi iqe iphino ningu kimiye kutuvekehu Pa Nu lakhi likhi achekeu Pa Nu Aqhuu Jisu pesu ningu ghenguno aghashivetsupe. Paye ningu puhavenishimo, ningu xaluno alhokuthu Pa gholo xu achepenishi ani Tighenguno Pa Nu puutsuno. ningu xine xapusu ningu zuqhushi aghashivetsupe. Ningu pa Puh kungugha lo ku-au kikimiye ye kiutoi toi kije kela! No ghi ishi Pa kikimiye ikhiluno Pa huthu eno Pa qenike pulo anima?

Khokichile: _________

SUKUPHATSU KEU

Hi aqhou sukuphatsu akeu no ghi akivishi phuju penishi ani.

Tyre lo eno Babylon lo akukau pesu Satan kiqitsu:

Isaya 14:4-15, Bible no Babylon no akukau pesu Satan kiqitsu. Ezekel 28:11-19, Tyre no akukau pesu Satan kiqitsu ani. Hikuma no kukau ye ayeghi no timi kuka vecheveghi mlakeu ghenguno Alhou no kichepiyetsu akeuno thivechekeu lhoxu, timi ye hitoikeu kumla shimlake. Lucifer, khiu vilo Satan ipi ku anikeno pa ghili Kuchoyehsu no kichepiyetsu ani.

• Lucifer ye kungugha lono hapheve (Isaya 14:12)

• Lucifer ye alokutsu no chhitoi, eno ajukiviu no tokhoi (Ezekel 28:12)

• Paye Eden no ache (verse 13)

• akughupu tu kumtsu pano kuzupe ache (v. 13)

• Paye kishekiphe kuzupe achekeu cherub lakhi (v. 14)

• Paye Alhou naghuto shou ache (v. 14)

• Pa laghi no tohkoi ache (v. 15)

Satan kukaqha kutsavetsuke. u toi Babylon eno Tyre kukaqha ghi kutsave. Alhou no Satan peithakeu toi panongu ghi peithave. Bible kiyeh kutomo lo Lucifer ghili yehpheLuku ani. (Luk 4:5, 6; 10:18; Johan 8:44; 2 Pitor 2:4; I Johan 3:8; Judea 6; Piyekusu12:7-9 lo phijulo) Ezekel 28 eno Isaya 14 lo tsupuakeu sumokeloye Lucifer ghili tokhoi ithulumonani

Pulumono chekeu hu pulu luve:

Kutomono ashekha ghulokilo Satan no Alhou ghumi lakhi shi pekiphe shi pephe ipeghi nani ipi kutsu acheni, ikemu tiye kumo. Satan ye kuchouno Alhou w kukhukimiji ghumi lakhi shi ani. Ikemu pa ye alhokuthu lo amikuchomi lakhi ghili shieno mla acheni. (Mathi 24:24). Paye ajukuvu lo ghinimi kungumi kimihi shi pephe ipeghinani (2 Korinthiami 11:13-15) eno timiqo vilo pa mlla lo pi khunani (Piyekusu 13:12) Kuchoyehsu no mutsumishei pitsu akeuno, “ayeghiqha kumtsuno” tughashi ju akichighive nani (Piyekusu 13:13) Ayeghiqha no pulo khechekeu Jisu hu hike ipi kumtsuno puluve eno ikhiluve nani. No ghi pishiqhive nani keshya? Tsutsala nono ishi lesson hipau lo tsupuakeu phi eno ikhilu aye noye khilemu phishiqhive monani.

Satan ye timi qono pa vilo ajulhokusau, huchuikeu dragon, ashuqha chishibo kupuu, tuxa timi eno tuxa tughashi, apukhu mutsu shobapuakeu, eno ashomhi mutsusuikeu lakhi pu akeu eno tinguno alau kiukeno kutomo pa ghili lhokusa pikeu lo pa zukuvu shi acheni. Hipaqo ghili ye kuchoyehsu lo kuha. Hipaqo kumtsu Greek mythology lono suipeghikeuke. Bible no Satan pesu ighono jukivi diamond lakhi toi phuphuphui, kutami zusuluvekulupu kungumi lakhi shitsu. Paye Bible ghili ghi ithi ani (Mathi 4:5, 6). Satan ye pakutoshi pano Alhou ghumi shive, pano ithithai Alhou ghilisuqe piputha eno shikuchunivetsuno Pa yehkipe kukaqha suxaluuve tsunikeuno pa kimiji shive. Titoi Satan ye no, eno no kibolomiqo pishiqhiluveno sasu shikupusa lo ilovenikeu no pa kimiji akijeu shi acheni. Ishi kiphi hipau lono ningu ghi pa kupughuqo philuvea, eno vethaluvea; eno kishi pa tuchilevenikeno tighi ithivea. O kuxu pesu ow akughushu Xachilekuluu Jisu Christo sukusho qholo qhivelo, eno amulo kutsu shi Pa laghi kichekutsu khululo.

Tungkuputsa Lo Kuchou Thebei Ithulu Akeu, Akiphi 3 ©2022 Amazing Facts International All Rights Reserved