Kum gup sunga chapang naosen Pakai houin sunga kisel chu tahsan umtah mi lhomcha bouvin ahet ahi. Jehoiada, thempu chungnung pa chun chapang Joash chu alungset in achapa bang bangin ahin khoukhah e. Jehoiada thempu chungnung chun chapang joash chu leng chang ding pa ahimonge tia mipi anga phondoh na ding phat kilem avet jing ahin kum gup sung angah jenge. Achai chaina in thempu chungnung in jong sepai jalamkai tahsan umtah phabep guhthim chan akimupi tan chuleh leng chang dinga lom Ahaziah chapa neopen chu ahing nalaiye tichu avetsah tauve. Hichun amahon jong kiginni nilhah (Friday) angah uvin, cholngah nikho dinga miho Pakai houin a kilhaina bol dinga ahung tengleu, japi maiya khangdong pa chu hin puidoh ding ahi ati. Hiti chun Jehoiada in jong David laltouna mun lo ding dol Leng Joash chu ajet aveiya sepai jakhat cheh toh kilhon sah in mipi angsunga ahin puidoh in hiche hi ilengpau ahi tin phondohna aneitai. Mipi vang ana lungdong lheh uve, hinjongleh aluchunga lallukhuh kikhuhpeh amuphat tah u chun, “Khut beng in, ‘Lengpa damsot hen!” tin asam tauve’” 2 Lengte 11:12

Alangkhat a leng migilou nu Athaliah chun mi thanopna husan leh sumkon kimut ging ho chu amudoh phat in, kinochal in Pakai houin langa chun ahung lhailut tan ahileh ama dinga avaikhom kichaina ding nikho analhung tai. Hiche nikho chun Amanu leh anungjui sese chu satlih ahitauvin, chuleh Joash chu lenggam vaihomna achangtai.

Bible chun hitin ati, van houbuh akon David chapa dangkhat hung doh loi ding sumkon gintoh vantil pipui awgin toh hung kilhon ding hiche leiset hi asuhgama Ama leng vaihomna chang ding ahitai.

SIM DING

Bible hohi sim cheh inlang a onglai sudim in.

1. Van houbuh akon leng khat hung doh loi ding ahi kiti chu koi ham?

Thuphon 14:14 Chuin kavet vet leh veuvin, meibang khat chuleh achunga chu ___ alua sana lukhuh kikhuh a akhut’a koite hemtah khat kichoiya tou kamun ahi.

2. Jesu Christa ahung tengle thip jen junin ahung dem?

1 Thessalonica 4:16 Ajeh chu Pakai chu amatah ___, vantil pipui awgintoh chuleh Pathen ___ gintoh, kithoa vana kona hung kumlha ding ahi.

Jeremiah 25:50 Chung lama konin Pakai hung ___ tin, Achenna munthenga kona ___ ahin khon ding ahi.

Psalm 50:3 i-Pathenu ahungin ___ aumpoi; Amasanga mihalvam jeng thei mei kong ahung lenge=in, ajet avei anung lam ama lama huile go aojen junin ahung kithoi.

NOTE: Huile go kitho hi aojen jun jeng ahi. Jesu Christa aniveiya ahung ding dan hi asei ding dan umlouva aojen jun jeng ding, thipchet louhel ding ahi. Aguh thim a thil lhung kiti him him umlou hel ding ahi!

3. Jesun ahung teng thil dang dang ipi mutheiya soh ding ham?

Thuphon 16:18 Hichun kol aphen, aw agingin, van aging in, ahitai; chuleh vannoi leiset chunga mihem umtil’a pat ___ hitobang chun ling akihot tan ahi.

4. Jesu ahung teng koi tobang ho chun amu thei dem?

Matthew 24:30 Chutah leh valaijol a Mihem chapa melchihna hung kilang ding; chuleh chutengtah chuleh vannpi leiset ___ aom achup chup dingu ahi, chuleh vanlaijol a mihem chapa thu neitah leh loupi chung nung tah’a mei chunga ahung amu dingu ahi.

Thuphon 1:7 Veuvin ama meihotoh kilhonin ahunge; chuleh ___ asunho tah jong chun amu ding ahi.

NOTE: Hiche hi ahetkhel naji umlouva kichen ahi. Koihileh mihing jouse, chonse chopha ahijongleh, Jesu ahung amu sohkei diu ahi. Guhthim a kikhop khom, ahilouleh aguhthim cha a Pathen mite kilatou ding tiho hi Bible in aseipoi.

5. Jesu van meiloma ahung teng koitoh kilhon a hung ding ham?

Matthew 25:31 Mihem chapa ___ toh aloupina a ahung tengtah leh ama loupina lal touna a tou ding ahi.

NOTE: Christa ahungna vah loupi ding dan hi hydrogen bomb pohkeh vah emsel toh tekham hoijong ahipoi. Jesu lhan kot akihonpet chun, vantil khat loupi na vah mai maiyin jong rome sepai jouse asallhu in a athi toh abahsah uve (Matt 28:2-4). Ahileh van a Vantilte jouse loupina vah chun Jesu Christa aniveiya ahungkit na ding nikho hi asal emsoh dingu koimachan kamupoi atithei louhel ding ahibouve. Abelap chu hiche vah loupi chu Christa loupina vah toh Pa loupina vah kigomkhom nalai ding ahi (Luke 9:26). Jesu hungkitna nikho hi kolphe aphet a van mong khat akon van mongkhat geiya asalsoh bang ding ahi (Matt 24:27)

6. Jesu ahungna vah loupi chun michonsete i-alo em?

2 Thessalonica 1:7, 8 Pakai Jesu thahat loupina Vantil chengsetoh ___ vana kona ahung kilah a, Pathen helou holeh i-Pakaiyu Jesu Christa thupha joplou chengse chunga phu alah tentgle.

2 Thessalonica 2:8 Chule hiche teng chuleh dan susea chu hung kiphongdoh ding ahi; ahinlah Pakai Jesun akama hua ama chu athaa chuleh ama hung kilah a chu ___ ding ahi.

7. Jesu ahung teng michonpha anathisa hochu iti ding ham?

1 Thessalonica 4:16 Christa a thisa ho chengse hung ___ masa ding ahiuve.

8. Hiche phat tengleh, anahing nalai holeh mitheng hung thoudoh hochu iti ding hiuvem?

1 Corinthians 15:52, 53 Athiho chu monmang theilouva kaithouva um ding, chuleh eiho ___ dingu ahi. Ijeh inem itileh monmang thei ahin monmang theilou chu kivonna thi thei hin thitheilou chu kivon ding ahi.

NOTE: Pathen tilou koimachan thi theilouna lhagao (immortal soul) aneipoi (1 Timothy 6:15). Ahinlah Jesu ahung tengleh michonpha te chu thikit louna peh hiding ahiuve. Atahsau jong van vouva kikhel soh ding, monmang talou ding ahi, Jesu athi jouva athokit banga chu (phillipians 3:20, 21)

9. Mithengte van vouva akikhelsoh jou tengleh iti ding ham?

1 Thessalonica 1:17 chujou leh eiho ahingnalai amoh chengse hi amaho chengse chutoh vanlaijola Pakai lamto dinga mei konga ___ ium khom dingu; chuleh chutia chu a-imatih chana Pakaitoh iumkhom jing dingu ahi.

NOTE: Pathen mithengte vanlaijol a Pakai toh kilamto diu ahi. Jesu aniveiya ahung teng tol (leiset) tongkha dinga kumlha lou ding ahi, hiche hi mitampi ahetlou ahi. Ama aniveiya ahungkit nahi vanalaijol a kilang ding, leiset atohkhah lou ding ahitai.

10. Jesu in aniveiya ahungkitna ding thudol itobanga ahil masat (Warning) dem em?

Matthew 24:5 Ijeh inem itileh mi tamtah keima minin hungun tin ‘Keima christa kahi,’ tiuvin tin mi tamtah ___ dingu ahi.

Matthew 24:24 Ijeh inem itileh Christa lhem ho le themgao lhem ho hung sohdoh untin, melchihna loupitah leh mu kidang mu kidang ahinvetsah dingu ahi; ahitheileh lhenchomte tah jeng jong ahin lhep lhah dingu ahi ... Hijeh a chu kahil masah dem nahiuve, ... Mihon najah uva ven gamthip a aume atiuva ahileh chedoh hih-un; ahiloule ‘Ven indan sung nungah aume’ atiu jongleh ___

NOTE: Satan in Christa aniveiya ahungkitna ding dan hi ahintho ding leiset a loupitah a hung kilang ding ahi, chuleh mihem taimah jat alhep lhah ding ahi. Jesu in eihil masadem uve kahung kit teng tol (Leiset) katohkhah lou ding atie, vanlaijol a dingden kahi ati. Satan thilbol theina vang hi atah lheh lheh hung hijeng ding mihem tamtah alhep lhah ding ahi.

11. Chondih te chu lhepna akon iti hoidoh diu ham?

Isaiah 8:20 Danthu leh hettohsah(Bible) joh doh ding ahibouve! Amahon hiche ___ hi sei jongu leh hichea chun khovah aumpoi

NOTE: Pathen mite chun Pathen thu phatah asimjeh uvin itobanga Christa hungkit ding ham (Acts 17:11) tichu aheuvin, hijeh a chu lheplhah jouva umlou diu ahi. Itobangi kilou henlang hijongleh Bible thutoh akitolouva ahileh nol jeng ding ahibouve. Jesu in eihil masadem uve.

Matthew 24:25 keiman ahungso masanga kahil masat nahive.

12. Christa lhem ho ve in kiche leh apha nadem?

Matthew 24:26 Mihon najah uva ven gamthip a aume atiuva ahileh ___ hih-un.

13. Jesu hungkit na ding phat hi ipi ihet theiyu aumdem?

Matthew 24:36 Ahivangin Pa changseh tailou van a Vantilte jong Chapa jong ___ anikho leh anidantah chu ahepoi.

Matthew 24:33 Chutobang chun nangho jong hichengse chu namusoh tenguleh ___, kotbul hung geiya ahitai, ti heuvin.

NOTE: Pathen bouvin Jesu itih phat chet a ahung ding ahei. Christa hungkit ding nikho leh nidan phat kisei jouse hi Pathen thutheng toh kikal ahi. Ahinalah Jesu in kichentah in eihil uve ahungna ding melchihna kisei masa jouse (Matt 24:4-51; luke 21:8-33; 2 tim 3:1-78) aguilhun tengleh ahungna ding phat anaitai, kotbul geiya ahitai ti heuvin ati.

14. Jesu aniveiya ahung teng vantil ten ipi abol diu ham?

Matthew 24:31 avantilten ... Van mong khat’a pat’a vanmong khat geiya kolkimvel li a kona alhenchomte ___ dingu ahi.

NOTE: Nangma ventu vantil (Matt 18:10) chu Jesu ahungkit teng nalamto masapen hiding ahi. Iti thanop aum tadem! Bible in jong Jesu hungkitna ding nikho hi kinepna thanop um ati ahi (Titus 2:13)

15. Eiho jong Jesu aniveiya hung koncha um ihijeh uvin, Ama loupitah’a ahungkit na ding hi itobanga kigotna diu ham?

Matthew 24:44 Hijeh chun nang ho ___ umun, ijeh inem itileh nagel lou pettah uleh Mihem chapa chu hung ding ahi.

16. Jesu hungkit tengleh mihon itobanga tohman asan ding ham?

Thuphon 22:12 Veuvin keima kahung vah ding ahi; chuleh athil achonna ___ a lethuhna kapeh ding tohman kakoma aume.

NOTE: Mihem tehi lungsetna leh ngailutna jal a kihuhhing ahiuve ahinlah achonna dungjuiya tohman asan diu ahi, ahina jeh a asan lou ding ahi (Matt 7:21-23)

17. Jesu ahung teng migilouten ipi asei diuvem?

Thuphon 6:15-17 Chuleh leiset leng ho, milen ho, sepai lamkai pipuiho, chuleh mihaoho, chuleh ahatte ho, chuleh sohho chengse leh soh hilou onghthol chengse kokhuh sunga leh mol’a le songpiho’ah chun akisel’un; chuleh mol le songpiho jah a chun, “kachunguvah hung lhung lang laltouna toupa maikoh a kon leh kelngoinou lunghan na konin neisel’un ajeh chu along hanu nikho chungnung chu ahung lhungtai ___ ding?” atiuvin ahi.

NOTE: Lingpi gimneitah kiho sunga hi, migiloute chu, kicha a kihotlhu gam diu ahi – lengpa lunghanna mel mu sanga mol leh lhang songpi ho joh chun eilhuh den uleh atijoh u eitai.

18. Jesu ahung kilah tengleh chondih ten ipi asei diu ham?

Isaiah 25:9 Ven hiche hi eiho Pathen chu ahi; ___ theina dinguva eihon ama inga jingo ahiye, Hiche hi Pakai chu ahi, eihon ama inga jingo ahiye! Amihuhhing naa eiho thanom in kipah ute.

19. Jesu ahung kit ding jeh thupipen (prime purpose) ipi ham?

John 14:3 Keima um naa chu nangho jong naum theina dinguva keima hung kit ingting kahenga dinga ___ ding nahiuve.

NOTE: Jesu ahung kit lo na ding ajeh thupipen hi achate umna ding mun asem naa aum na dinga ahungpui ding chu ahi. Hichea chu lhilonna umtalou ding, kana, gimna leh dammo veiset naho umtalou ding ahi. Atonsot a kipana, chamana leh lungmonna in vaihom ta ding.

NA KIGELLHAH NA

Jesu Christa van meiloma hung vah ding ahitai. Amatoh kilamto dinga nakigot nom tah em?

DONBUTNA: ______

ABELAP

Hiche simmun hin hetbe ding eipeuve

Secret Rapture theory (Guhthim a lahtou nikho)

Secret rapture theory kiti hi thulhun get tobang kibulphu ahin hichu mitam tah in kholchen louva atahsan jengu ahi. Hijongleh, hiche thu ho chu akisei tobang dih hinam tihi Pathen thua kon hetdoh angaiye (Acts 17:11). Secrect rapture ho pansahna thulhun get chu anoiya bang hi ahie:

1. 1. Secrect Rapture hi kihedoh lou ding (silent) ahi.
   2. Secrect rapture aumphat leh mutheiya umlou ding (invisible) ahi.
   3. Hiche rapture a chu chonsete leiset a ahinga adalhah ding.
   4. Pathen in mithengte chu thoh gentheina thohlouva alahdoh ding ahi.
   5. Jesu chirsta hungkit na ding hi phatni in akikhen e: (1) secret rapture um masa ding, chuleh (2) loupi tah’a hung kit ding
   6. Hichea Jesu aniveiya hungkitna ding phat teni chu kum sagi a kikah ding ahi.
   7. Rapture kiti chu thuphon a Antichrist hung masanga soh ding ahi, ama chun thoh gentheina (tribulation) ahin lhunsah ding
   8. Hiche phat’a hi michonse dalhah a umten chonset lungheina ding phat khat aneibe diu (Second chance) christa a dia kipelut thei diu ahi.

Hiche thulhung ho kholchil a hilchetna ding hi lampi tamtah umhen lang hijongleh, achom thei lampen a khat khat a ivetlhah diu ahi. Thulhung khatna leh anina pen hi simmun sunga chun ihechen tauve, hijongleh ngaito khomna ding hung kikoilut kit ahi. Thu kidang tah nahin mu doh ding ahi!

1. Rapture kiti (Latou nikho) hi thipchet lou ding ahi, chohje ju ding joh ahibouve. Bible chun Jesu christa ahung tengleh “Ama awgin toh, vantil pipui awgin toh chuleh sumkon gin toh kithoa hung ding ahi ati.” 1 Thessalonica 4:16. David in jong asei naa,“i-Pathenu ahungin thipchet in aumpoi; Amasanga mihalvam jeng thei mei kong ahung lenge=in, ajet avei anung lam ama lama huile go aojen junin ahung kithoi.” Psalm 50:3. Chuleh Jeremiah themgao in jong hitin aseiye, “Chung lama konin Pakai hung hutum intin, Achenna munthenga kona a-aw ahin khon ding ahi. Jeremiah 25:30, 31. Thip chet ding kiti him him aumkhapoi! Christa chun aojen jun leh chohje jua hung leiset pumpia a-aw kithong soh a kija soh ding ahi. Hiche hi hejing in. Jesu ahung teng nanadam nalai ahileh, ahungna awgin najah tei ding ahi. Na bilkol chun semtil apat ajah ngeilou gin chohje ju ajah ding ahi.
2. Rapture (lahtou nikho) hi mutheilouva um him him louhel ding ahi. Vantilte Jouse Jesu Christa toh kilhon a hung ding (Matthew 25:31). Jesu songlhan akon kaithouva aumpet in vantil khat mai maiyin jong avah loupitah chun akimvel a rome sepai seseaseplhu hel jengin mithi tobang ahiuve (Matthew 28:2-4). Ahileh van’a vantil janel simsenlou vah loupi ding dan chu ngaito in! abelap dinga Christa vah loupi toh (Matthew 25:32) Pa loupina vah kigom khom kit ding ahi (Matthew 16:27). Avah ding dan dan chu seijou ahitapoi. Jesu in aseibe naa, “kolphe aphet a solam akon lhum lam geiya asalvah soh banga, mihem chapa hung nikho jong chuti ding ahi ati.” Matthew 24:27. Guhthim kiti him him chu aumpoi. Tahbeh a sei ding chun, Bible chun hitin ati, “Veuvin amaho meihotoh kilhonin ahunge, chuleh mit jousen amu ding ahi” ati Thuphon 1:7. Tahbeh a kaseipeh nahiuve, Jesu aniveiya ahung nigeiya nadam nalaiya ahileh, loupitah a ahung namu ding ahi!
3. Rapture (lahtou nikho) hin migiloute ahingin adalha poi. Pakai hungna vah loupi chun migiloute, pathen thu jop lou jouse chu atha ding ahitai (Isaiah 11:4; Malachi 4:1; 2 Thessalonica 2:8)
4. Pathen in chondih bolte chu thohgentheina akonin aladoh ngeipoi, ahinlah thohgentheina sunga kona aumpi johji ahi (Psalm 91:5-12).
5. Christa aniveiya ahungkitna ding hi phatbih ni–Guhthim lahtou (secret rapture) leh loupitah a hung ding in akikhen ngeipoi. Christa hungkitna hi khatveiya kichai ding thilsoh ahin, chuleh leiset a mihing jousen amu sohkei ding ahi. Christa hungkitna thudol toh kisaiya phatbih nia kikhenna hi Bible a akimupoi.
6. Secret rapture (guhthim lahatou) hilhon christa hungkitna ding phatbih niteni hi kum sagia kikah ahi atiuve. Hiche hi bible a kimulou hel jou thuboh kihilna ahi.
7. Antichrist kitipa hi christa hungkit jou phat leh kum thum leh akeh sunga hung um ding ahipoi. Amapa hi kum sangval masanga pat hung um jingsa ahitai (1 John 4:3) chuleh anatoh giloutah hi atoh jom jing nalai ahi.
8. Christa ahungkit jou phat leh chonsete dinga chonset lungheina ding avel a phat kipe theilou ahitai. Ajeh chu chonsete jouse Christa hungkitna vah a chu kithat soh ding ahitauve. Jesu christa ahungkit jouva avel a huhhing channa ding lampi koimachan aneitapoi.s