Ian an·tang banie agangipa golpo ong·ja! Salsaode, na·a ia a·gilsako ong·enggipa pilak saknaa, okria, saksan sikdikdik ong·aoni, dos dakaoni, aro jajaanian gapgipaoni jakgitel ong·na gita man·gen. Ia kattako knana aiao inmanbeani ong·jama? Indiba ia a·gilsakni adita niksenggipa dilgiparang nang·ko jokatnasienga, ia ong·ja – ong·chongmotja, nang·ko jokatnasigipade uarangna batemangba bil gnangbatgipasa! Jisu bakbakan re·bapilenga, indiba Ua maikai re·bapilengachim, uani gimin namen ma·sisretanirang bang·en donga. Uni gimin Uni re·bapilengani bidingo Sastroara maikomancha aganachim uko ma·sina gita adita somoirangko jakkalbo jedakode na·a watgalangako man·jawa!
“Kristo….aro changsa….mikkang pa·gen” (Ibri. 9:28). “Aro Anga re·ange na·simangna biapko daksoode, indide re·bapile na·simangko an·tangona rimanggen” (Johan 14:3).
Aganchakani: Oe! Mati 26:64 o, Ua ia a·gilsakona re·bapilgen ine Jisu sakkiko on·a. Sastro chu·sokgijagipa ong·na man·jaani gimin (Johan 10:35), uan ka·dongchongmotna man·na ine sakkiko on·a. Ian Kristo An·tangni an·chingna ku·rachakani ong·a. Unbaksana, Uni skanggipa re·baani bidingo katchiniksoanirangko Jisu chu·sokataha – uni gimin Uni gnigipa re·bapilengani bidingo katchiniksoanirangkoba Ua chu·sokatmanchagen ine an·ching kimkime ma·sina gita man·a!
2. Maidakgipa bewalo Jisuara gnigipa changna re·bapilgen?
“Aro iarangko inmanoa, uamangni niengmitingon, uko rimdoangaha; aro aram Uko uamangni nikaoniko rimnapaha. Aro Uni watangmitingo uamangni salgichiko miksongmitingo, nibo, mande sakgni ba·ra bokako gane uamangni sepango chadengaha; uamang inaba inaha, Na·simang Galilini manderang, na·simang maina salgichiko nie chadenga? Ia Jisuan, jeko na·simangoniko salgiona rimdoangaha, jekai na·simang Uko salgiona re·angako nikaha, uandaken re·bagen.” (Watata. 1:9-11).
Aganchakani: Jedake Jisu a·gilsakko wate re·angahachim uandaken Ua re·bapilgen ine Sastro ku·rachaka, chong·motan nikna man·e, apsan dake, be·en bimang gnang aro apsan cholon bewal gnang. Mati 24:30 o indake agana, “Uamang Mandeni Depanteko bilmung aro rasong chabeamung aramo re·baako nikgen.” An·tang bimangni be·en aro grengrang gnang apsan daken Ua aramo re·bagen (Luk 24:36-43, 50, 51). Uni re·bapilaniko nikna man·gen; iarangni kakket ong·anirangko Sastroo namen rongtala!
“Nibo, Ua aramrango re·baenga; aro pilak mikron… Uko nikgen” (Parape·a 1:7). “Maina mikka riprapa jedake salaramchini ong·kata, aro uko saliramchini nika, uandake Mandeni Depanteni re·baani ong·gen” Mati 24:27). “Maina Gitel An·tangan, inchroa, aro pamong sa·greni ku·rang, aro Isolni singga gnang, salgioni ong·onbagen; unon Kristoo sigiparang skang chakatgen” (1 Thessalonika. 4:16).
Aganchakani: Jensalo Jisu re·bapilahaon, Uni gnigipa changna re·bapilenganio a·gilsakni me·a, me·chik aro bi·sarang sakantian Uko nikgen. Uni mikkang pa·ani aiao inmangipa teng·suani a·kitikoni a·kitikona sokanggen, aro bangbango mikka riprapa gita chacha Uni rasong ong·gen. Darangba uanoni dongnuna man·jawa. Ian gam·begipa, a·sel ong·ani ong·gen jeon sigiminrangmangba chakatatako man·gen.
U·ie Ra·ani: Uni gnigipa changna re·bapilaniko sakantian ma·sigen! Mitamrang 1 Thess. 4:16 ko “srikrik rimdoani” ine talatna jakkala, jeon jokatako man·giminrang a·gilsakoni jripjrip gimagen, indiba chong·motde Sastroni gam·batgipa podrangoni mingsade ian ong·a: Gitel inchrogen, singgako sikgen, aro sigiminrang chakatgen! Ia gnigipa changna re·bapilenganiara jripjrip dakgipa obosta, ba ka·tongo mangmang gisikni gita re·bapilengani ong·ja. Ian mandeni siani biapko ra·sekgipa ong·ja, ba toe agananiba ong·ja. Iarang pilakan mandeni banaie agangiparangsan ong·aia, indiba Sastro rongtalen talata je ia gnigipa changna re·bapilenganiara ong·chongmotgipa, a·gimiko ong·nasigipa, nikna man·gipa, Kristo An·tangni aramo mikkang pa·anisa ong·a.
4. Uni gnigipa changna re·bapilenganio Jisu baksa sawarang re·chapagen, aro maina?
“Jensalo Mandeni Depante An·tang rasongo re·bagen, aro Un baksa pilak sa·grerang re·bagen, unsalo Ua An·tangni rasongni singhasono asonggen” (Mati 25:31).
Aganchakani: Uni gnigipa changna re·bapilo Jisu baksa salgioni pilak sa·grerang re·bagen. Teng·subegipa a·gilsakona sepangahaon, Jisu An·tang sa·grerangko a·gilsakona watatgen, aro salgiona re·pilna gita uamang ta·rake pilak toromigipa manderangko damsan chimonggen (Mati 24:31).
“Nibo, Anga bakbak re·baa; aro uamangni kam ong·a gita, sakantina on·na ine Angni on·gni dormaha Ang baksan” (Parape·a 22:12). “Aro Anga re·ange biapko daksoode, indide re·bapile na·simangko An·tangona rimanggen; maikai Anga jeo donga, na·simangba uanon dongna man·gen” (Johan 14:3). “Maikai Ua… Kristo Jisuko watatgen. Uko salgi rimnapna nanga, pilakkon namatpilani salona kingking” (Watatarang 3:20, 21).
Aganchakani: Uni ku·rachaka gita, An·tangni manderangko jokatna, aro Uni uamangna tarisogimin nitobegipa biapona uamangko rimangna ia a·gilsakona Jisu re·bapilenga.
Aganchakani: Jemangan uamangni janggi tangmitingo Kristoko ra·chake siahachim, on·gimin chu·soksrangani aro jringjrotna gimagijagipa bimangrang baksa uamang gopramoni chakatgen, aro Gitelko grongna bangbangona rimdoako man·gen. Tange dongsogipa joka man·giminrangba gital bimangrangko aro Gitelko grongna bangbangona rimdoako man·gen. Unikoa Jisu pilak jokgiminrangko salgiona rimdogen.
Iako u·ie ra·bo je Uni gnigipa changna re·bapilanio Jisu a·gilsakko ga·tapjawa. Toromirang uko “bangbango” gronggen. Uano Kristo donga ine agangipa kattarangchi Isolni manderangde tol·napaniko man·jawa, toatna gita, Londono, New Yorko, Moscowo, ba a·gilsakni je bakoba. Tol·gipa kristorangde a·gilsako donge aiao inmangipa kamrangko ka·gen (Mati 24:23-27), indiba Jisude Uni gnigipa changna re·bapilanio aram kosakon dongaigen.
7. Jensalo Jisu re·bapilahaon papi manderangna mai ong·gen?
“Uni ku·chilrangni ku·bibachi Ua namgijako dakgiparangko so·otgen” (Isaia 11:4). “Aro ua salo Jihovani so·otgimin a·ani ku·chot saoni a·ani ku·chot gipinona donggen” (Jeremia 25:33).
Aganchakani: Jemangan bobil dake papko rim·kingkingengachim jensalo Jisu re·baahaon Uni rasongni teng·suanina uamang sigen.
“Banggribeaha, manderang a·ao ong·chengaoni uandakgipa banggribea (ong·kuja), uandake taraka….Aro pilak chichang katangaha, aro a·brirangko nikjaha.” (Parape·a 16:18, 20). “Anga niaha, aro nibo, Jihovani mikkango….bite nanggipa a·a bakra ong·aha, aro uni pilak songjinmarangko ruaha” (Jeremia 4:26). “Jihova a·ako bangbang ong·ata, aro uko gimaata….a·an bangbang ong·atako….man·sranggen. (Isaia 24:1, 3).
Aganchakani: Gitelni re·baani somoio dal·begipa banggrianichi a·gilsak dingtangataniko man·gen. Ia banggrianiara namen ta·rakbegipa ong·gen jean ia a·gilsak gimikko chu·gimik nosto ong·ataona sokatgen.
9. Kristoni gnigipa changna re·bapilani sepangaha ine dingtangmancha u·iataniko Sastro on·ama?
Aganchakani: Oe! Jisu An·tangan indake aganaha, “jensalo ia pilakkon na·simang nika, uan sepangaha, cholgugaona sokbaaha ine u·ibo.” (Mati 24:33). Uni salgichina doangaoni Uni gnigipa changna re·bapilaona Gitel pilak ramarangon chinrangko donaha. Ka·maoniko nibo …
a. Jerusalemko Nisiatani
Katchinikani: “Iano ro·ong dotsani kosako ro·ong dotsa rugija dongjawa…. Unsalo Judeao donggiparang abrirangona katchina” (Mati 24:2, 16).
Chu·sokani: Jerusalem AD 70 bilsio Roman matgrik Tituschi nisiatako man·aha.
b. Bilongbegipa A·rik Sanalani, Duk
Katchinikani: “Maina unsalo duk bang∙bea ong·gen, jedake a·gilsakni a·bachengan taltal da·ona kingking ong·kuja” (Mati 24:21).
Chu·sokani: Ia katchinike aganani Andalgipa Chasongrango ong·gipa dukko mongsongbate jaksi ote mesoka, aro uko bebeoni ga·akgimin Kristian mondolichi a·bachengataha. Ia ong·a obosta 1,000 bilsirangna baten ong·aha. Million 50 Kristianrangna baten ia tol·gipa mondolichi so·otako man·tokaha, jean “mande jatni gisepo ong·gipa obostarangoni pilakna bate uano dos gri manderangko so·otokaha.” W.E.H. Lecky, History of the Rise and influence of the Spirit of Rationalism in Europe (Reprint; New York: Braziller, 1955), Vol. 2, 40-45.
c. Sal Andalani
Katchinikani: “Ua salrangni duk ong·ani bak ja·mano sal andalgen” (Mati 24:29).
Chu·sokani: May 19, 1780 o talatna man·gijagipa andalgipa salo ia chu·sokaha. Ian sal nawang minokani ong·jachim. Saksa mikrontangchi nikgipa indake talataha, “Ia 1780 bilsini May 19th tarikara ong·ronggijagipa andalgipa sal ong·a. Candlerangko bang·a nokrangon soaha; burungni do·orang jripjrip ong·aha aro uarangko nikjaha, do·nokrang tusina naptokaha…. Bichalni sal sepangaha ine bang·a manderangni bebera·ani gipangaha.” Connecticut Historical Collections, compiled by John Warner Barber (2nd ed.; New Heaven: Durrie & Peck and J.W. Barber, 1836), 403.
d. Jajong An·chi Pil·a
Katchinikani: “Jihovani dal·gipa aro kenbegnigipa sal re·bana skang, sal andalpilgen aro jajong an·chi pil·gen” (Joel 2:31).
Chu·sokani: “Ua andalgipa sal,” May 19, 1780 o an·chi gita chacha jajong gitchakaha. Saksa nikgipa mande Stone’s History of Massachusetts ingipao indake aganaha, “Jajong jean jarambong ong·achim, an·chi gita naaha.”
e. Askirang Salgioni Ga·aka
Katchinikani: “Askirangba salgioni ga·akgen” (Mati 24:29).
Chu·sokani: November 13, 1833 walo aiao inmanpile askirang ga·akaha. Uan namen jasengbeachim je janerakon poraina man·pilachim jean ong·jaode gisimgipa lekkasan ong·aigenchim. A·gilsakna bon·ani sokbaaha ine manderang chanchitokaha. Iako chanchie nibo. Ian gisiko nangatbatsranggipa aro Kristoni re·baengani mingsa chin ong·a. Saksa ki·tapko segipa indakde aganaha, “Konta bri ong·nasipile salgi ching·gopaha.” Peter A. Millman, “The Falling of the Stars,” The Telescope, 7 (May-June, 1940), 57.
f. Jisuni Aramrango Re·baani
Katchinikani: “Aro unon salgio Mandeni Depanteni chinko nikgen; aro unon agilsakni pilak machongrang ka·ako dokgen, aro uamang Mandeni Depanteko bilmung aro rasong chabeamung aramo rebaako nikgen” (Mati 24:30).
Chu·sokani: Ian mikkango ong·nasienggipa dal·begipa obosta ong·a. Na·ara tariahama?
Aganchakani: Oe! Bon·kamgipa salrangni chinrangko ka·maoniko nie nibo. Na·a aiao inmanpilgen. Aro a·gilsakni itihasko chipangenggipa salrango an·ching ong·engaha ine mesokgipa bang·a chinrangoni iarangde bang·gijasan ong·aia.
A.Dinggrikanirang aro Jingjenganirang
Katchinikani: “Aro dinggrikarang aro jingjengako knaon kengoknabe; maina iarang skang ong∙na nanggen” (Luk 21:9).
Chu·sokani: Dinggrikanirang aro bobil dake chakatanirang a·gimikni millionrangna neng∙nikanirangko on·engaha. Ia saknaa aro nisiataniko Jisuni bakbak re·baanisan mangmang bon·kamaniona ra·bana man·aignok.
B.So·sojengjeng Ong·ani, Kengokani, aro Rang·gitik A·sel Ong·ani
Katchinikani: “Aro….a·ao jatrangni duk,….gisik bilding bildang ong·gen; aro a·gilsako ong·gnirangko nichaksoa, aro kenani gimin, manderang sibokgen” (Luk 21:25, 26).
Chu·sokani: Da·oni a·gilsak baksa ian namen tiktak meligipa noksa ong·a – aro uano miksongani gnang: A·gilsakni itihasni bon·kamgipa salrangni manderang an·chingan ong·a. Da·o samtangtango ong·enggipa obostarang an·chingko aiao inmanatna nangja. Kristo uarangko agansoaha. Uni re·bapilengani sepangaha ine iarang an·chingko bebera·aniona dilangna nanga.
C. U·iani Bariroroani
Katchinikani: “Aro bon·kamani salo….u·iani bang·rorogen” (Daniel 12:4).
Chu·sokani: Ia U·iani Cha·song a·bachenganian iako rongtalen paraka. Bebera·na neng·batsranggipa gisikmangba ia chin chu·sokaha ine ku·rachakna nanggen. Scienceni pilak bakrangon u·iani pripraengaha, jedake: sam, technology, aro uarang gita.
D. Ka·dingstegiparang aro Toromko Jegalgiparang
Katchinikani: “Bon·kaman salrango ka·dingstekgiparang….re·bagen” (2 Pitor 3:3). “Uamang….nachil ka·kite an·tangtangni namnika gita an·tangtangna skigiparangko chimonggen; aro uamang bebeoni nachilko pilate, banaia kattachi ekanggen” (2 Timothyna 4:3, 4).
Chu·sokani: Da·alo iani gimin katchinikani chu·sokaniko nikna neng·ja. Ong·atani gimin, Chi Dubiani gimin, Kristoni Isol ong·ani gimin, gnigipa changna re·bapilengani gimin aro bang·a Sastroni kakket ong·e skianirangko toromni dilgiparangmangba jegalengaha. Skia poraniko skigiparang an·chingni chadamberangna Sastroni altuae kakketgipa serikanirangna ka·dingstekchina skia aro Sastroni kakketna makreoni mandeni ong·baaniko aro gipin tol·e skianirangko donskaaha.
E. Namako Dakani Bon·roroangani, Rongtale Janggi Tanganiko Jegalani
Katchinikani: “Bon∙kamani salrango …. manderang an·tangtangna ka∙sagipa, …. ka∙sapilgijagipa, …. an·tangtangko rakigijagipa, …. namana ka·sagijagipa …. olakkiani bimangko man·gipa, indiba uni bilko jechakgipa ong∙gen” (2 Timothy 3:1-3, 5).
Chu·sokani: America torom gri janggi tangani bijatchio ong·enga. Pilak manderangan indake aganenga. Jora gni bi·a ka·gipaoni jora sa ong·nasipile ekgrikao bon·ea. Ia chasongni manderang Sastroni gita janggi tangna gisiko sikjawa jean Isolni Katta rongtalen chu·sokaha. Aiao inmanbebena gita, bon·kaman salrangni paprangko 2 Timothy 3:1-5 o baditana seahachim uko nibo, uarangko da·ororoni koborrango talataniko na·a nikgen. Namgijani da·o a·gilsakko gangopenganiko Gitelni dal·begipa re·baengani bon·chongdikatgen.
F. Kusi-Katchaanina Pagla Ong·ani
Katchinikani: “Bon·kamani salrango…. manderang…. Isolna bate sukna ka·sagipa…. ong·gen” (2 Timothy 3:1, 2, 4).
Chu·sokani: A·gilsak kusiko am·anio pagla ong·aha. Bang·gija manderang mangmangsan giljaona jringna re·barongenga, indiba hajalrang kal·susaani biaprangosa ba gipin an·saoatani biaprangosa ma·gapenga. Americani manderang bilsiprako kusi-katchaanina billion somoirangko re·atenga, aro tosusaatode, Isolnade bang·gija somoirangkosan jakkalenga. Pagla dake kusiko am·gipa Americani manderang a·gilsakni kusi-katchaanirangko am·sandie Tvni mikkango billion kontarangko re·atenga jeon 2 Timothy 3:4 chu·sokea.
G. Niam Gri Ong·ani, An·chi Pari Nikani, aro Duk Saknaani Bariroroani
Katchinikani: “Namgija daka jelani gimin bang·ani ka·sara ka·singen” (Mati 24:12). “Namgija manderang aro brangatgiparang….namjaroroanggen” (2 Timothy 3:13). “A·a an·chi ong·atanirangni dosian gapa, aro songjinma draatanian gapa” (Ezekiel 7:23).
Chu·sokani: Ia chin chu·sokaha ine namen rongtala. Niam gri ong·ani aiao inmanpile ta·raken giproroengaha. Bang·an janggi tangtangna kena gnangsa uamangni nokni do·gacholrangoni ong·katokengaha. Da·ororo bang·an songsalo naljokani bidingo jajrengtokengaha maina dosi dakani aro kenanirang dondikgija ta·raken giproroengaha.
H. Ong·telaigipa Obostarang aro Rang·gitik A·sel Ong·anirang
Katchinikani: “Branggribearang ong·gen, banoba banoba karap aro sabisi ong·gen….a·ao jatrangni duk….ong·gen. (Luke 21:11, 25).
Chu·sokani: Banggrianirang, ta·rakbegipa balmindurirang, aro chi bana ong·anirang skangna bate bariroroengaha. Okria cha·asianichi, sabisichi, chi chu·onga gita man·gijanichi aro an·seng baljokanina simsakgijanichi hajalrang salantian siengaha, ia pilak chinrangan an·ching a·gilsakni chon·kamgipa somoio janggi tangengaha ine mesokenga.
I. Chon·kamani Salrango A·gilsakna Dingtangmanchagipa Nama Katta
Katchinikani: “Darang jatnan saki ong·china songnokni ia nama kattako a·gimiko aganprakgen; aro unon chon·kamani ong·gen” (Mati 24:14).
Chu·sokani: Kristoni gnigipa changna re·bapilengani dal·begipa, bon·kamgipa mikrakatani nama kattako a·gilsakni pilak ku·sirangnan ong·nasipile da·alo aganprakengaha. Jisuni gnigipa changna re·bapilna skang, a·gilsakni mande sakantian Uni bakbak re·bapilengani gimin mikrakataniko man·gen.
J. Me·mang Muni Piaona Pilangani
Katchinikani: “Ja·manni salrango brangatgipa gisikrangna aro korerangni skianirangna gisik on·e, gisiktangtango kamatani dakko man·gipa tolgiparangni cha·chipilachi saoba saoba bebera·ako watanggen” (1 Timothy 4:1, 2). “Uarangan….korerangni gisikrang ong·a” (Parape·a 16:14).
Chu·sokani: Da·ororo manderang, bang·a a·songko dilgiparangko man·chape, montol dakgipa aro me·mang muni pigiparangoniko ku·pattianiko bi·tokenga. Janggini sigijani gimin Sastroni gita ong·gija skie mimang muni piani Kristian toromrangonaba ja·napaha. Sigimin mande siaha inesa Sastrode skia. (Iani gimin ma·sibatna gita Study Guide 10ko nibo).
K. Tangka Paisana/Kam Ka·giparangni Neng·nikani
Katchinikani: “Nibo, na·simangni a·bako ragipa gamgiparangni dormaha, jeko na·simang tol·nape rakia, uan chrika; aro ragiparangni ku·rang kotokni Gitelni nachikolo napeaha. Na·simangba chakchikbo….maina Gitelni re·baa sepangaha.” Jakob 5:4, 8
Chu·sokani: Chon·kamani salrango tangka paisa aro kam ka·giparangni gisepo neng·nikani ong·gen ine agansoaha. Na·ara iani chu·sokaniko jajakuengama?
“Dumbur bolko toe aganako skie ra∙bo; jensalo uni cheksi nomaha, aro jakgital ritimaha, unon ding·kari sepangaha ine na·simang u·ia. Uandake na·simangba, jensalo ia pilakkon na·simang nika, uan sepangaha, cholgugaona sokbaaha ine u·ibo. Beben anga na·simangna agana, Ia pilak ong·kujana kingking ia chasong bon·angjawa” (Mati 24:32-34).
Aganchakani: Iani bidingo Sastro dingtangmancha namen rongtala. Ia chinrang pilakan ong·nasipile chu·soktokengaha. An·ching Kristoni re·bapilengani sal ba kontako u·ina gita man·ja (Mati 24:36), indiba an·ching iako u·ina man·a je Uni re·baani sepangaha. Da·o iarangko ta·rakbee matchotatna Isol ku·rachaka (Romrangna 9:28). Kristo Uni manderangna ia a·gilsakona re·bapilengaha. Na·ara tariman·ahama?
“Maina uarangan chinrangko dakgipa korerangni gisikrang ong·a” (Parape·a 16:14). “Maina Kristo dakgiparang aro katchinika dakgiparang ong·kate dal·a chinrang aro aiao inmananirangko mesokgen; maikai, ong·na man·ode, segiminrangkoba brangatgen” (Mati 24:24). “Niam aro sakkichina hai! Ia katta gita uamang aganjaode, beben uamangna mamung seng·baa dongja” (Isaia 8:20).
Aganchakani: Satan, ia gnigipa changna re·bapilengani bidingo bang·a tol·e skianirangko bikotaha, aro Kristo re·bamanaha ba Sastroni skiarang gita ong·gija Ua re·bagen ine millionrangko tol·napengaha. Indiba Satanni chalakki dakani bidingo, iako agane, Kristo an·chingna mikrakataniko on·aha, “Gisik rakbo, maikai na·simangko pilakba brangatjagen” (Mati 24:4). Satanni tol·napanirangko Ua paraksoaha jedakode an·ching mikraksona man·gen, aro Ua iako an·chingko gisik ra·atenga, “Nibo, Anga na·simangna agansoaha” (Mati 24:25). Mesokna gita, Ua bakrao mikkang pa·jawa ba sigimin baksa agangrikgipa biapo re·bajawa ine Jisu rongtalbeen aganmanaha (pod 26). Kristoni gnigipa changna re·bapilengani gimin Isolni skianiko an·ching skie ra·genchimode, uano tol·napaniko man·na mamung cholan dongja. Ia gnigipa re·bapilengani bidingo Sastro maiko aganachim uko ma∙sigipa manderangde Satanchi tol·napaniko man·jawa. Pilak gipinrang tol·napako man·gen.
“Angona re·bagipako Anga mamungdakeba a·palchi galjawa” (Johan 6:37). “Badita mande Uko ra·chakaha, Ua uamangna….Isolni de ong·china bil on·aha” (Johan 1:12). “Anga An·tang niamrangko uamangni gisiko dongen, aro uamangni ka·tongo uarangko segen” (Ibrirangna 8:10). “An∙chingni Gitel Jisu Kristochi an∙chingko amatgipa Isolna mitela ong·china” (1 Korinthirangna 15:57).
Aganchakani: Jisu agana, “Nibo, Anga do·gacholo chadenge doktika; saoba Angni ku·rangko knae do·ga oode, Anga uona napanggen” (Parape·a 3:20). Gisik Rongtalgipachi, nang·ni ka·tongona napana Jisu doktika aro bi·a jedakode Ua nang·ni janggi tanganiko dingtangatna man·gen. Nang·ni janggi tanganiko Uona na·a pil·atode, nang·ni pilak paprangko Ua kimitgen (Romrangna 3:25) aro Isol baksa janggi tangani bilko nang·na on·gen (Johan 1:12). Indinari, Ua An·tangni toromi ong·ani cholonko nang·ni kosako on·aha jedakode na·a kenmangija rongtalgipa Isolni mikkang chadengna amgen. Uni skaniko dakaniara katchaani ong·a. Iani bebe ong·aniko bang·an jajaa ine altubee nikna man·a, indiba ian kakket ong·a. Nang·ni dakgnide nang·ni janggi tanganiko Kristona on·kangani aro Uko nang·o janggi tangchina on·nanian ong·aia. Uni dakgni kamde nang·o dal·bea aiao inmangipa kamko dake nangni janggi tanganiko dingtangatani aro Uni gnigipa re·bapilenganina nang·ko tarisoanian ong·a. Ian indinari on·ani ong·a. Na·a uko ra·chakna mangmangsan nangaigen.
14. Maia dal·begipa kenbegnini gimin Kristo an·chingna mikrakataniko on·a?
“Uni gimin na·simangba tarie dongbo, maina na·simangni chanchisogijan salo Mandeni Depante re·baa” (Mati 24:44). “Indiba an·tangtangni gimin gisik rakbo, chawakao, aro pekao aro janggitangna sinteao na·simangni gisik jrimbeon, ua sal jonti gita rang·san na·simangona re·bajana gita” (Luke 21:34). “Noani salo maikai, uandake Mandeni Depanteni re·baaba ong·gen” (Mati 24:37).
Aganchakani: Janggi tangna simsakanio ba papni katchaanina do·ga oe on·anio namen jakchakgija ong·anio dal·bea kengni gnang je Noani salo a·gilsako Chi Dubia gita an·chingnaba Gitelni re·baengani mitino dongnue re·baani ong·naba donga, unikode an·chingba jagokani, tarisamsogijani, aro gimaani ong·gen. Dukni katta, ian millionrangni chagrongani ong·gen. Jisu ru·utgijan bakbak re·bapilengaha. Na·ara tariman·ahama?
15. Jensalo Jisu An·tangni manderangna re·bapilahaon, na·ara tariman·gimin ong·na skama?
Nang·ni Aganchakani: _____________________________________________________________________________________________________________
____________________________________________________________________________________________________________________________________
Nang·ni Sing·anirangna Aganchakmanaha:
____________________________________________________________________________________________________________________________
- Dal·begipa dukni re·banasiengama?
Aganchakani: Ian kakket ong·a je An·tang manderangko Jisuni jokatna re·bana skang mangmang misilbegipa dukni a·gimiko gipgen. Daniel iani bidingo indake talataniko daka, “jatni ong·chengantaltal ua salona kingking indake ong·kujagipa dukni sal ong·gen” (Daniel 12:1). Indioba, Mati 24:21 Andalgipa Chasongni somoio Isolni manderangko namen namjabegipa a·rik sanalani gimin agana, jeon millionrang so·otako man·aha.
- Gitelni re·baenganiara “walo cha·ugipa gita” ong·ani gimin, maikai je mandeba uani gimin pilakkon ma·sina man·gen?
Aganchakani: Iana aganchakaniko 1 Thessalonikarangna 5:2-4 o nikna man·gen: “Walo cha·ugipa gita Gitelni sal re·baa ine na·simang an·tangtangan namedake u·ia. Maina jensalo ‘Tom·tomani aro name dongani’ ine manderang agana, unsalo uamangna rang·gitik gimaani sokbagen, oko kegipana an·pakani saknaa gita; aro uamang mamungdakeba jokjawa. Indiba ua Sal cha·ugipa gita na·simangko man·a gita na·simang andalao ong·ja, jongadarang.” Ia kattarangni katta ja·pangde Gitelni salni rang·gitik ong·anian ong·a. Ua sal tarisamsogijagipa manderangna mangmangsan cha·ugipa gita ong·aigen, tarisamsogipa manderangnade ong·jawa, jemangkon “jongadarang” ine agana.
- A·gilsako An·tangni songnokko basako Kristoara songdimgen?
Aganchakani: Parape·a 20ni dal·gipa 1,000 bilsirangni ja·mano. Ia bilsi hajalsa ua gnigipa re·bapilanio a·bachenggen, jensalo Jisu toromirangko a·gilsakoniko salgio Unbaksa tange “bilsi hajalsana” (Parape·a 20:4) sason ka·china rimanggen. Bilsi 1,000ni bon·ao, “rongtalgipa songjinma, Jerusalem gitalko” (Parape·a 21:2) pilak rongtalgiparang (Zekaria 14:1, 5) baksa salgioniko a·gilsakona ra·onbagen aro pilak sigimin papi manderang janggi tangpilgen (Parape·a 20:5). Uamang ua songjinmako chadrapna agangen (Parape·a 20:9), indiba salgioni wa·al ong·onbae uamangko cha·minokgen. Ia wa·alan a·gilsako rongtalatgen aro pilak papkon bon·e kamgen (2 Pitor 3:10; Malaki 4:3). Unikode Isol gital a·gilsakko ong·atgen (2 Pitor 3:13; Isaia 65:17; Parape·a 21:1) aro rongtalgiparangna uko on·gen, aro “Isol An·tangan uamang baksa ong·gen, aro uamangni Isol ong·gen” (Parape·a 21:3). Chu·soksranggipa, rongtalgipa, kusi ong·gipa janggi gnanggiparang, chu·soksranggipa Isolni jagringona ong·attaiako man·gen, Isolni a·bachengo miksonggipa papgrigipa, ong·sia grigipao bon·kame songdongna gita man·gnok. (Isolni nitobegipa gitalgipa songnokni gimin talbate ma·sibatna gita, Study Guide 4ko nibo. Bilsi 1,000ni gimin talbate ma·sibatna gita, Study Guide 12ko nibo.)
- Kristoni gnigipa re·bapilengani bidingo da·alo an·ching maina skiprakanirangko aro skianirangko bang·bate knajaenga?
Aganchakani: Diabolan iani ja·pang ong·a. Kristoni gnigipa re·bapilenganiara Kristianrangni “kusi ong·ani ka·dongani” (Titus 2:13) ong·a ine ua namen ma·sia, aro uako changsa ma·siahaon, me·a aro me·chikrangni janggi tanganiko dingtangataha, aro nama kattako sakgipinrangna gipatanio paltangtang bimchipe kam ka·aniona uamangko dilangaha. Ia kam Satanko namen ka·onangatbeaha, indake ua Isolni cholon gnanggipa manderangko ka·dingsiteke, indake agane, tol·napaha, “Uni re·baani ku·rachakani bao? Maina pagitchamrang tusiantaltal, pilakan dakani a·bachengantaltal gitan dongenga” (2 Pitor 3:3, 4). Kristoni gnigipa re·baani ong·chongmotgipa, bakbak ong·gnigipa obosta ong·ja ine jegalgiparang ba altue ra·giparang Sastroni katchinike agansoaniko chu·sokatenga, aro uamang diabolna dangdike on·enga.
- Jensalo Jisu, Luk 17:36 o “Sasako rimange sakgipinko watanggen” ine aganon, sriksrik rimdoani gimin Ua aganjaengama?
Aganchakani: Ong·ja. Rimdoani sriksrik ong·gen ine mamung talatani dongja. Jisu, Noani chasongo chi dubianiko aro Sodomko nisiataniko talataniko daka. (Luk 17:26-37ko nibo). Isol maikai Noa aro Lotko jokatahachim aro papirangko nisiahachim uni gimin Ua agana. Chi banani aro wa·al “pilakkon nisitokaha” (pod 27, 29) ine Ua dingtangmancha agana. Ia obostarang mingprakon, altue ma·sina man·a je, bang·gija manderang naljokatako man·a aro gipinrangde nisiatako man·a. Unikoa Ua agandapaha, “Mandeni Depanteni parape·an saloba uandaken ong·gen” (pod 30). Taldapatna gita, Jisu toe agandapkuaha, “Saksako rimange sakgipinko watanggen” (pod 36). Uni re·bapilani bidingo mamung sriksrik dakani dongja. “Pilak mikron…Uko nikgen” (Parape·a 1:7). Uni gnigipa re·bapilanio, Kristo manderangni mikkangon parak ong·en toromirangko aramrango rimdogen (1 Thessalonikarangna 4:16, 17), jeon niam pe·giparang Uni rongtalgipa rasongchi nisiatako man·gen (Isaia 11:4; 2 Thessalonikarangna 2:8). Uni giminsa Luk 17:37 o niam pe·giparangni manggisini gimin aro soginrangni (ba do·rengrangni) uamangni samtangtango tom·ani gimin agana. (Parape·a 19:17, 18koba nibo). Niam pe·giparang jemangan Kristoni re·bapilanio dongachim uamang sigiminrang ong·gen. (“Sriksrik rimdoani” bidingo talbate ma·sibatna skode, iani gimin chingni segipa ki·tapna chingko contact ka·pabo.)
See Rakkianirang: _________________________________________________________________________________________________________
____________________________________________________________________________________________________________________________________
Nipiltaianiko Dakani
____________________________________________________________________________________________________________________________
- Uni gnigipa re·bapilanio (1)
_______ Kristo jripjrip ong·onbagen aro a·gilsakni adita songjinmarangona re·anggen.
_______ Kristo bakrao ong·gen.
_______ Kristo aramrangon donge bangbango Uko grongna kosakona toromirangko okamgen.
- Jensalo Jisu ia a·gilsakona pil·baon (1)
_______ Toromirang mangmangsan Uko nikgen.
_______ Pilak mikronrangan Uko nikgen.
_______ TVo uko aganatkujaona kingking manderang uko ma·sijawa.
- Kristoni gnigipa changna re·bapilahaon, toromirangna mai ong·gen? (2)
_______ Toromi ong·e sigiparang chakatgen, uamangna jringjrotni janggiko on·gen, aramrangona rimdoaniko man·gen, aro salgiona rimdoaniko man·gen.
_______ Toromi ong·e tange dongsogiparangna jringjrotni janggiko on·gen, aramrangona rimdoaniko man·gen, aro salgiona rimdoaniko man·gen.
_______ Toromirang ianon donge papirangko toromi ong·atgen.
_______ Toromirangko sriksrik ta·rake rimdogen.
- Sastroo agangipa chinrango pangchake, Kristoni re·bapilengani (1)
_______ Namen sepangaha.
_______ Da·aloni chane bilsi ritcharang dongkuenga.
_______ Ong·manaha.
- Jisuni re·bapilo tange dongsogipa papirang (1)
_______ Noroko donatako man·gen, jeon uamangko jringjrotna kamgen.
_______ Uni gnigipa re·bapilanio nisiatako man·gen.
_______ Ripingkue changsatai changgipin cholko on·taigen.
- Kristoni gnigipa re·bapilani gimin kakket ong·e agangipa kattarangko ka·mao on·sogimin kattarangko nibo: (4)
_______ Ua sriksrik re·bagen.
_______ Ua gnigipa re·baaniara bimang dingtang ong·aniko chagrongani ong·a.
_______ Ua aramrangko re·bagen.
_______ An·chingni sichakram palangona Kristo an·chingna re·bagen.
_______ Papirang Uko nikjawa.
_______ Pilak sa·grerang Unbaksa ong·gen.
_______ Ua a·gilsakko ga·tapjawa.
_______ Uni re·bapilengani sal aro somoiko u·ina man·a.
_______ Millionrangna jagokani aro gimaani ong·gen.
- Kristoni gnigipa changna re·bapilanio (1)
_______ A·gimikon tarisamsoman·gimin ong·e sengsotokgen.
_______ Namen bilakbegipa, a·gilsak gimiko banggriani ong·gen.
_______ Papirang dingtangatako man·gen.
- Bon·kaman salni a·gilsakni kakketgipa chirang pilakkon chin dakbo: (7)
_______ A·gilsak nambatrorogen.
_______ Tangka paisa aro kam ka·giparangni gisepo dakgrikani ba jegrikani ong·gen.
_______ Banggrianirang, mikka balwarang komiroroanggen.
_______ Sastroni kakket ong·aoni chel·anggen.
_______ Kusi-katchaanina pagla ong·ani.
_______ Namgipa cholonni gimaangani.
_______ Niam pe·anio namen ga·akani.
_______ Bilongbegipa akal karap ong·ani.
_______ U·i-ma·siani bariroroani.
_______ Tom·tom ong·gijani aro dakgrik dinggrikani.
- Kristoni re·pilbaani salgini chinrangara badiarang? (2)
_______ Dal·gipa Aski Do·me.
_______ May 1780 bilsio sal andalani.
_______ November 1833 bilsio askirangni ga·akani.
_______ Jajongni a·gilsakona ga·akani.
- Jisuni a·gilsakona re·bapilengani namen sepangaha ine maikai an·ching ma·sigen? (1)
_______ Sastroo, bon·kaman salrangni chirangko aro dingtangmancha talatanirangko daka.
_______ Jisu bakbak re·bapilengaha ine bang·a manderangni bebera·ani gimin.
_______ Mittam parape·giparangni parape·anichi.
- Kristoni re·bapilani bewal aro somoirangni bidingo millionrang tol·napaniko man·gen maina (1)
_______ Isol pilakni jokaniko nangnikja.
_______ Uamang chu·onga gita bang·a on·nanirangko on·ja.
_______ Uamang kakketgipa bewalko ma·sina gita uamangni Sastroko poraija.
- Indake ong·ode anga Kristoni re·bapilanio tarisogimin ong·gen (1)
_______ Jisu ango tango.
_______ Salanti janerako poraio.
_______ Angni pamongni agananiko dako.
- Anga Kristoni re·bapilo tarisogimin ong·na chanchienga.
_______ Oe.
_______ Ong·ja.
உண்மையான சபைக்கான தேடல்
…
பாஷைகளைப் புரிந்து கொள்ளுதல்
What should we expect from an outpouring of the Holy Spirit? Is it always associated with a manifestation …
நினைப்பாயாக என்று ஏன் தேவன் சொன்னார்?
A classic and inspiring look at the Sabbath – God’s loving but urgent attempt to keep the truth of His …
கிறிஸ்தவனும் மதுபானமும்
Is all wine in the Bible alcoholic? Did Jesus really serve up more wine at the wedding? Get concrete facts about the devastating effects of alcohol
நரக அக்கினி
Learn God’s purpose for hell and why it vindicates his character, Get irrefutable biblical insight into the true nature of hell-fire
சமையலறையில் மரணம்
What is the best manual we have for better today today? Discover the most toxic foods being served to you today!
திரித்துவம்
Discover the evidences for the Trinity- in both Testaments! See the nature of the Godhead and each member in a new light! Was Jesus fully God- or just a great man?
வண்ணமிகு அழகுசாதன பொருட்களும் ஆபரணங்களும்
Learn why what we wear can be a stumbling block to earnest seekers. Where do you draw the line between beauty and temptation? A non- judgmental approach to the question of makeup and jewelry.
எழுப்புதலுக்கு 12 படிகள்
Learn 12 ways in which the best bible role models ignited revival in the church! Your Faith will come alive- and you’ll rediscover God’s plan for your life!
கூட்டத்தில் தனியாக
This little book will encourage you and teach you to stand tall for Christ! Practical advice on staying true to God in the midst of peer pressure Learn where to look to know if God approves or condemns a particular behavior.
ஜெபிக்க கற்றுத்தாரும்
Look closely and biblically at each phrase contained in the Lord’s Prayer Learn what makes up a good and effective prayer What is the right spirit to have when in prayer? Understand what to avoid when praying
யார் தேவனுடைய குமாரர்கள்?
Did aliens or fallen angels marry human women and produce superhuman offspring? What does the Bible really say about the mysterious “sons of God”?
முற்றிலும் இரகசியமில்லை!
Millions of sincere Christians have been led to believe a lie about the return of Christ. Are you one of them?
கடனிலிருந்து விடிதலை
If you, or someone you know, is struggling under a large financial burden we trust you’ll find some instruction and encouragement in this great sharing pocket book!
சோதனையை எதிர்ப்பதற்கான உதவிக் குறிப்புகள்
Get solid, biblical advice for overcoming the perils that threaten your relationship with God.
ஜீவனைத் தேர்ந்தெடு
So many people around the world take their own lives each year, and many more try unsuccessfully.
